< 1 කරින්ථිනඃ 6 >
1 යුෂ්මාකමේකස්‍ය ජනස්‍යාපරේණ සහ විවාදේ ජාතේ ස පවිත්‍රලෝකෛ ර්විචාරමකාරයන් කිම් අධාර්ම්මිකලෝකෛ ර්විචාරයිතුං ප්‍රෝත්සහතේ?
2 ජගතෝ(අ)පි විචාරණං පවිත්‍රලෝකෛඃ කාරිෂ්‍යත ඒතද් යූයං කිං න ජානීථ? අතෝ ජගද් යදි යුෂ්මාභි ර්විචාරයිතව්‍යං තර්හි ක්‍ෂුද්‍රතමවිචාරේෂු යූයං කිමසමර්ථාඃ?
3 දූතා අප්‍යස්මාභි ර්විචාරයිෂ්‍යන්ත ඉති කිං න ජානීථ? අත ඓහිකවිෂයාඃ කිම් අස්මාභි ර්න විචාරයිතව්‍යා භවේයුඃ?
4 ඓහිකවිෂයස්‍ය විචාරේ යුෂ්මාභිඃ කර්ත්තව්‍යේ යේ ලෝකාඃ සමිතෞ ක්‍ෂුද්‍රතමාස්ත ඒව නියුජ්‍යන්තාං|
5 අහං යුෂ්මාන් ත්‍රපයිතුමිච්ඡන් වදාමි යෘෂ්මන්මධ්‍යේ කිමේකෝ(අ)පි මනුෂ්‍යස්තාදෘග් බුද්ධිමාන්නහි යෝ භ්‍රාතෘවිවාදවිචාරණේ සමර්ථඃ ස්‍යාත්?
6 කිඤ්චෛකෝ භ්‍රාතා භ්‍රාත්‍රාන්‍යේන කිමවිශ්වාසිනාං විචාරකාණාං සාක්‍ෂාද් විවදතේ? යෂ්මන්මධ්‍යේ විවාදා විද්‍යන්ත ඒතදපි යුෂ්මාකං දෝෂඃ|
7 යූයං කුතෝ(අ)න්‍යායසහනං ක්‍ෂතිසහනං වා ශ්‍රේයෝ න මන්‍යධ්වේ?
8 කින්තු යූයමපි භ්‍රාතෘනේව ප්‍රත්‍යන්‍යායං ක්‍ෂතිඤ්ච කුරුථ කිමේතත්?
9 ඊශ්වරස්‍ය රාජ්‍යේ(අ)න්‍යායකාරිණාං ලෝකානාමධිකාරෝ නාස්ත්‍යේතද් යූයං කිං න ජානීථ? මා වඤ්ච්‍යධ්වං, යේ ව්‍යභිචාරිණෝ දේවාර්ච්චිනඃ පාරදාරිකාඃ ස්ත්‍රීවදාචාරිණඃ පුංමෛථුනකාරිණස්තස්කරා
10 ලෝභිනෝ මද්‍යපා නින්දකා උපද්‍රාවිණෝ වා ත ඊශ්වරස්‍ය රාජ්‍යභාගිනෝ න භවිෂ්‍යන්ති|
11 යූයඤ්චෛවංවිධා ලෝකා ආස්ත කින්තු ප්‍රභෝ ර‍්‍යීශෝ ර්නාම්නාස්මදීශ්වරස්‍යාත්මනා ච යූයං ප්‍රක්‍ෂාලිතාඃ පාවිතාඃ සපුණ්‍යීකෘතාශ්ච|
12 මදර්ථං සර්ව්වං ද්‍රව්‍යම් අප්‍රතිෂිද්ධං කින්තු න සර්ව්වං හිතජනකං| මදර්ථං සර්ව්වමප්‍රතිෂිද්ධං තථාප්‍යහං කස්‍යාපි ද්‍රව්‍යස්‍ය වශීකෘතෝ න භවිෂ්‍යාමි|
13 උදරාය භක්‍ෂ්‍යාණි භක්‍ෂ්‍යේභ්‍යශ්චෝදරං, කින්තු භක්‍ෂ්‍යෝදරේ ඊශ්වරේණ නාශයිෂ්‍යේතේ; අපරං දේහෝ න ව්‍යභිචාරාය කින්තු ප්‍රභවේ ප්‍රභුශ්ච දේහාය|
14 යශ්චේශ්වරඃ ප්‍රභුමුත්ථාපිතවාන් ස ස්වශක්ත්‍යාස්මානප්‍යුත්ථාපයිෂ්‍යති|
15 යුෂ්මාකං යානි ශරීරාණි තානි ඛ්‍රීෂ්ටස්‍යාඞ්ගානීති කිං යූයං න ජානීථ? අතඃ ඛ්‍රීෂ්ටස්‍ය යාන්‍යඞ්ගානි තානි මයාපහෘත්‍ය වේශ්‍යායා අඞ්ගානි කිං කාරිෂ්‍යන්තේ? තන්න භවතු|
16 යඃ කශ්චිද් වේශ්‍යායාම් ආසජ්‍යතේ ස තයා සහෛකදේහෝ භවති කිං යූයමේතන්න ජානීථ? යතෝ ලිඛිතමාස්තේ, යථා, තෞ ද්වෞ ජනාවේකාඞ්ගෞ භවිෂ්‍යතඃ|
17 මානවා යාන්‍යන්‍යානි කලුෂාණි කුර්ව්වතේ තානි වපු ර්න සමාවිශන්ති කින්තු ව්‍යභිචාරිණා ස්වවිග්‍රහස්‍ය විරුද්ධං කල්මෂං ක්‍රියතේ|
18 මානවා යාන්‍යන්‍යානි කලුෂාණි කුර්ව්වතේ තානි වපු ර්න සමාවිශන්ති කින්තු ව්‍යභිචාරිණා ස්වවිග්‍රහස්‍ය විරුද්ධං කල්මෂං ක්‍රියතේ|
19 යුෂ්මාකං යානි වපූංසි තානි යුෂ්මදන්තඃස්ථිතස්‍යේශ්වරාල්ලබ්ධස්‍ය පවිත්‍රස්‍යාත්මනෝ මන්දිරාණි යූයඤ්ච ස්වේෂාං ස්වාමිනෝ නාධ්වේ කිමේතද් යුෂ්මාභි ර්න ඥායතේ?
20 යූයං මූල්‍යේන ක්‍රීතා අතෝ වපුර්මනෝභ්‍යාම් ඊශ්වරෝ යුෂ්මාභිඃ පූජ්‍යතාං යත ඊශ්වර ඒව තයෝඃ ස්වාමී|
