< 1 කරින්ථිනඃ 12 >
1 හේ භ්‍රාතරඃ, යූයං යද් ආත්මිකාන් දායාන් අනවගතාස්තිෂ්ඨථ තදහං නාභිලෂාමි|
2 පූර්ව්වං භින්නජාතීයා යූයං යද්වද් විනීතාස්තද්වද් අවාක්ප්‍රතිමානාම් අනුගාමින ආධ්බම් ඉති ජානීථ|
3 ඉති හේතෝරහං යුෂ්මභ්‍යං නිවේදයාමි, ඊශ්වරස්‍යාත්මනා භාෂමාණඃ කෝ(අ)පි යීශුං ශප්ත ඉති න ව්‍යාහරති, පුනශ්ච පවිත්‍රේණාත්මනා විනීතං විනාන්‍යඃ කෝ(අ)පි යීශුං ප්‍රභුරිති ව්‍යාහර්ත්තුං න ශක්නෝති|
4 දායා බහුවිධාඃ කින්ත්වේක ආත්මා
5 පරිචර‍්‍ය්‍යාශ්ච බහුවිධාඃ කින්ත්වේකඃ ප්‍රභුඃ|
6 සාධනානි බහුවිධානි කින්තු සර්ව්වේෂු සර්ව්වසාධක ඊශ්වර ඒකඃ|
7 ඒකෛකස්මෛ තස්‍යාත්මනෝ දර්ශනං පරහිතාර්ථං දීයතේ|
8 ඒකස්මෛ තේනාත්මනා ඥානවාක්‍යං දීයතේ, අන්‍යස්මෛ තේනෛවාත්මනාදිෂ්ටං විද්‍යාවාක්‍යම්,
9 අන්‍යස්මෛ තේනෛවාත්මනා විශ්වාසඃ, අන්‍යස්මෛ තේනෛවාත්මනා ස්වාස්ථ්‍යදානශක්තිඃ,
10 අන්‍යස්මෛ දුඃසාධ්‍යසාධනශක්තිරන්‍යස්මෛ චේශ්වරීයාදේශඃ, අන්‍යස්මෛ චාතිමානුෂිකස්‍යාදේශස්‍ය විචාරසාමර්ථ්‍යම්, අන්‍යස්මෛ පරභාෂාභාෂණශක්තිරන්‍යස්මෛ ච භාෂාර්ථභාෂණසාමර‍්‍යං දීයතේ|
11 ඒකේනාද්විතීයේනාත්මනා යථාභිලාෂම් ඒකෛකස්මෛ ජනායෛකෛකං දානං විතරතා තානි සර්ව්වාණි සාධ්‍යන්තේ|
12 දේහ ඒකඃ සන්නපි යද්වද් බහ්වඞ්ගයුක්තෝ භවති, තස්‍යෛකස්‍ය වපුෂෝ (අ)ඞ්ගානාං බහුත්වේන යද්වද් ඒකං වපු ර්භවති, තද්වත් ඛ්‍රීෂ්ටඃ|
13 යතෝ හේතෝ ර‍්‍යිහූදිභින්නජාතීයදාසස්වතන්ත්‍රා වයං සර්ව්වේ මජ්ජනේනෛකේනාත්මනෛකදේහීකෘතාඃ සර්ව්වේ චෛකාත්මභුක්තා අභවාම|
14 ඒකේනාඞ්ගේන වපු ර්න භවති කින්තු බහුභිඃ|
15 තත්‍ර චරණං යදි වදේත් නාහං හස්තස්තස්මාත් ශරීරස්‍ය භාගෝ නාස්මීති තර්හ්‍යනේන ශරීරාත් තස්‍ය වියෝගෝ න භවති|
16 ශ්‍රෝත්‍රං වා යදි වදේත් නාහං නයනං තස්මාත් ශරීරස්‍යාංශෝ නාස්මීති තර්හ්‍යනේන ශරීරාත් තස්‍ය වියෝගෝ න භවති|
17 කෘත්ස්නං ශරීරං යදි දර්ශනේන්ද්‍රියං භවේත් තර්හි ශ්‍රවණේන්ද්‍රියං කුත්‍ර ස්ථාස්‍යති? තත් කෘත්ස්නං යදි වා ශ්‍රවණේන්ද්‍රියං භවේත් තර්හි ඝ්‍රණේන්ද්‍රියං කුත්‍ර ස්ථාස්‍යති?
18 කින්ත්විදානීම් ඊශ්වරේණ යථාභිලෂිතං තථෛවාඞ්ගප්‍රත්‍යඞ්ගානාම් ඒකෛකං ශරීරේ ස්ථාපිතං|
19 තත් කෘත්ස්නං යද්‍යේකාඞ්ගරූපි භවේත් තර්හි ශරීරේ කුත්‍ර ස්ථාස්‍යති?
20 තස්මාද් අඞ්ගානි බහූනි සන්ති ශරීරං ත්වේකමේව|
21 අතඒව ත්වයා මම ප්‍රයෝජනං නාස්තීති වාචං පාණිං වදිතුං නයනං න ශක්නෝති, තථා යුවාභ්‍යාං මම ප්‍රයෝජනං නාස්තීති මූර්ද්ධා චරණෞ වදිතුං න ශක්නෝතිඃ;
22 වස්තුතස්තු විග්‍රහස්‍ය යාන්‍යඞ්ගාන්‍යස්මාභි ර්දුර්බ්බලානි බුධ්‍යන්තේ තාන්‍යේව සප්‍රයෝජනානි සන්ති|
23 යානි ච ශරීරමධ්‍යේ(අ)වමන්‍යානි බුධ්‍යතේ තාන්‍යස්මාභිරධිකං ශෝභ්‍යන්තේ| යානි ච කුදෘශ්‍යානි තානි සුදෘශ්‍යතරාණි ක්‍රියන්තේ
24 කින්තු යානි ස්වයං සුදෘශ්‍යානි තේෂාං ශෝභනම් නිෂ්ප්‍රයෝජනං|
25 ශරීරමධ්‍යේ යද් භේදෝ න භවේත් කින්තු සර්ව්වාණ්‍යඞ්ගානි යද් ඓක්‍යභාවේන සර්ව්වේෂාං හිතං චින්තයන්ති තදර්ථම් ඊශ්වරේණාප්‍රධානම් ආදරණීයං කෘත්වා ශරීරං විරචිතං|
26 තස්මාද් ඒකස්‍යාඞ්ගස්‍ය පීඩායාං ජාතායාං සර්ව්වාණ්‍යඞ්ගානි තේන සහ පීඩ්‍යන්තේ, ඒකස්‍ය සමාදරේ ජාතේ ච සර්ව්වාණි තේන සහ සංහෘෂ්‍යන්ති|
27 යූයඤ්ච ඛ්‍රීෂ්ටස්‍ය ශරීරං, යුෂ්මාකම් ඒකෛකශ්ච තස්‍යෛකෛකම් අඞ්ගං|
28 කේචිත් කේචිත් සමිතාවීශ්වරේණ ප්‍රථමතඃ ප්‍රේරිතා ද්විතීයත ඊශ්වරීයාදේශවක්තාරස්තෘතීයත උපදේෂ්ටාරෝ නියුක්තාඃ, තතඃ පරං කේභ්‍යෝ(අ)පි චිත්‍රකාර‍්‍ය්‍යසාධනසාමර්ථ්‍යම් අනාමයකරණශක්තිරුපකෘතෞ ලෝකශාසනේ වා නෛපුණ්‍යං නානාභාෂාභාෂණසාමර්ථ්‍යං වා තේන ව්‍යතාරි|
29 සර්ව්වේ කිං ප්‍රේරිතාඃ? සර්ව්වේ කිම් ඊශ්වරීයාදේශවක්තාරඃ? සර්ව්වේ කිම් උපදේෂ්ටාරඃ? සර්ව්වේ කිං චිත්‍රකාර‍්‍ය්‍යසාධකාඃ?
30 සර්ව්වේ කිම් අනාමයකරණශක්තියුක්තාඃ? සර්ව්වේ කිං පරභාෂාවාදිනඃ? සර්ව්වේ වා කිං පරභාෂාර්ථප්‍රකාශකාඃ?
31 යූයං ශ්‍රේෂ්ඨදායාන් ලබ්ධුං යතධ්වං| අනේන යූයං මයා සර්ව්වෝත්තමමාර්ගං දර්ශයිතව්‍යාඃ|
