មថិះ 10
1 អនន្តរំ យីឝុ រ្ទ្វាទឝឝិឞ្យាន៑ អាហូយាមេធ្យភូតាន៑ ត្យាជយិតុំ សវ៌្វប្រការរោគាន៑ បីឌាឝ្ច ឝមយិតុំ តេភ្យះ សាមត៌្ហ្យមទាត៑។
anantaraM yIshu rdvAdashashiShyAn AhUyAmedhyabhUtAn tyAjayituM sarvvaprakArarogAn pIDAshcha shamayituM tebhyaH sAmarthyamadAt|
2 តេឞាំ ទ្វាទឝប្រេឞ្យាណាំ នាមាន្យេតានិ។ ប្រថមំ ឝិមោន៑ យំ បិតរំ វទន្តិ, តតះ បរំ តស្យ សហជ អាន្ទ្រិយះ, សិវទិយស្យ បុត្រោ យាកូព្
teShAM dvAdashapreShyANAM nAmAnyetAni| prathamaM shimon yaM pitaraM vadanti, tataH paraM tasya sahaja AndriyaH, sivadiyasya putro yAkUb
3 តស្យ សហជោ យោហន៑; ផិលិប៑ ពត៌្ហលមយ៑ ថោមាះ ករសំគ្រាហី មថិះ, អាល្ផេយបុត្រោ យាកូព៑,
tasya sahajo yohan; philip barthalamay thomAH karasaMgrAhI mathiH, Alpheyaputro yAkUb,
4 កិនានីយះ ឝិមោន៑, យ ឦឞ្ករិយោតីយយិហូទាះ ខ្រីឞ្ដំ បរករេៜរ្បយត៑។
kinAnIyaH shimon, ya IShkariyotIyayihUdAH khrIShTaM parakare. arpayat|
5 ឯតាន៑ ទ្វាទឝឝិឞ្យាន៑ យីឝុះ ប្រេឞយន៑ ឥត្យាជ្ញាបយត៑, យូយម៑ អន្យទេឝីយានាំ បទវីំ ឝេមិរោណីយានាំ កិមបិ នគរញ្ច ន ប្រវិឝ្យេ
etAn dvAdashashiShyAn yIshuH preShayan ityAj nApayat, yUyam anyadeshIyAnAM padavIM shemiroNIyAnAM kimapi nagara ncha na pravishye
6 ឥស្រាយេល្គោត្រស្យ ហារិតា យេ យេ មេឞាស្តេឞាមេវ សមីបំ យាត។
isrAyelgotrasya hAritA ye ye meShAsteShAmeva samIpaM yAta|
7 គត្វា គត្វា ស្វគ៌ស្យ រាជត្វំ សវិធមភវត៑, ឯតាំ កថាំ ប្រចារយត។
gatvA gatvA svargasya rAjatvaM savidhamabhavat, etAM kathAM prachArayata|
8 អាមយគ្រស្តាន៑ ស្វស្ថាន៑ កុរុត, កុឞ្ឋិនះ បរិឞ្កុរុត, ម្ឫតលោកាន៑ ជីវយត, ភូតាន៑ ត្យាជយត, វិនា មូល្យំ យូយម៑ អលភធ្វំ វិនៃវ មូល្យំ វិឝ្រាណយត។
AmayagrastAn svasthAn kuruta, kuShThinaH pariShkuruta, mR^italokAn jIvayata, bhUtAn tyAjayata, vinA mUlyaM yUyam alabhadhvaM vinaiva mUlyaM vishrANayata|
9 កិន្តុ ស្វេឞាំ កដិពន្ធេឞុ ស្វណ៌រូប្យតាម្រាណាំ កិមបិ ន គ្ឫហ្លីត។
kintu sveShAM kaTibandheShu svarNarUpyatAmrANAM kimapi na gR^ihlIta|
10 អន្យច្ច យាត្រាយៃ ចេលសម្បុដំ វា ទ្វិតីយវសនំ វា បាទុកេ វា យឞ្ដិះ, ឯតាន៑ មា គ្ឫហ្លីត, យតះ កាយ៌្យក្ឫត៑ ភត៌្តុំ យោគ្យោ ភវតិ។
anyachcha yAtrAyai chelasampuTaM vA dvitIyavasanaM vA pAduke vA yaShTiH, etAn mA gR^ihlIta, yataH kAryyakR^it bharttuM yogyo bhavati|
11 អបរំ យូយំ យត៑ បុរំ យញ្ច គ្រាមំ ប្រវិឝថ, តត្រ យោ ជនោ យោគ្យបាត្រំ តមវគត្យ យានកាលំ យាវត៑ តត្រ តិឞ្ឋត។
aparaM yUyaM yat puraM ya ncha grAmaM pravishatha, tatra yo jano yogyapAtraM tamavagatya yAnakAlaM yAvat tatra tiShThata|
12 យទា យូយំ តទ្គេហំ ប្រវិឝថ, តទា តមាឝិឞំ វទត។
yadA yUyaM tadgehaM pravishatha, tadA tamAshiShaM vadata|
13 យទិ ស យោគ្យបាត្រំ ភវតិ, តហ៌ិ តត្កល្យាណំ តស្មៃ ភវិឞ្យតិ, នោចេត៑ សាឝីយ៌ុឞ្មភ្យមេវ ភវិឞ្យតិ។
yadi sa yogyapAtraM bhavati, tarhi tatkalyANaM tasmai bhaviShyati, nochet sAshIryuShmabhyameva bhaviShyati|
14 កិន្តុ យេ ជនា យុឞ្មាកមាតិថ្យំ ន វិទធតិ យុឞ្មាកំ កថាញ្ច ន ឝ្ឫណ្វន្តិ តេឞាំ គេហាត៑ បុរាទ្វា ប្រស្ថានកាលេ ស្វបទូលីះ បាតយត។
kintu ye janA yuShmAkamAtithyaM na vidadhati yuShmAkaM kathA ncha na shR^iNvanti teShAM gehAt purAdvA prasthAnakAle svapadUlIH pAtayata|
15 យុឞ្មានហំ តថ្យំ វច្មិ វិចារទិនេ តត្បុរស្យ ទឝាតះ សិទោមមោរាបុរយោទ៌ឝា សហ្យតរា ភវិឞ្យតិ។
yuShmAnahaM tathyaM vachmi vichAradine tatpurasya dashAtaH sidomamorApurayordashA sahyatarA bhaviShyati|
16 បឝ្យត, វ្ឫកយូថមធ្យេ មេឞះ យថាវិស្តថា យុឞ្មាន ប្រហិណោមិ, តស្មាទ៑ យូយម៑ អហិរិវ សតក៌ាះ កបោតាឥវាហិំសកា ភវត។
pashyata, vR^ikayUthamadhye meShaH yathAvistathA yuShmAna prahiNomi, tasmAd yUyam ahiriva satarkAH kapotAivAhiMsakA bhavata|
17 ន្ឫភ្យះ សាវធានា ភវត; យតស្តៃ រ្យូយំ រាជសំសទិ សមប៌ិឞ្យធ្វេ តេឞាំ ភជនគេហេ ប្រហារិឞ្យធ្វេ។
nR^ibhyaH sAvadhAnA bhavata; yatastai ryUyaM rAjasaMsadi samarpiShyadhve teShAM bhajanagehe prahAriShyadhve|
18 យូយំ មន្នាមហេតោះ ឝាស្ត្ឫណាំ រាជ្ញាញ្ច សមក្ឞំ តានន្យទេឝិនឝ្ចាធិ សាក្ឞិត្វាត៌្ហមានេឞ្យធ្វេ។
yUyaM mannAmahetoH shAstR^iNAM rAj nA ncha samakShaM tAnanyadeshinashchAdhi sAkShitvArthamAneShyadhve|
19 កិន្ត្វិត្ថំ សមប៌ិតា យូយំ កថំ កិមុត្តរំ វក្ឞ្យថ តត្រ មា ចិន្តយត, យតស្តទា យុឞ្មាភិ រ្យទ៑ វក្តវ្យំ តត៑ តទ្ទណ្ឌេ យុឞ្មន្មនះ សុ សមុបស្ថាស្យតិ។
kintvitthaM samarpitA yUyaM kathaM kimuttaraM vakShyatha tatra mA chintayata, yatastadA yuShmAbhi ryad vaktavyaM tat taddaNDe yuShmanmanaH su samupasthAsyati|
20 យស្មាត៑ តទា យោ វក្ឞ្យតិ ស ន យូយំ កិន្តុ យុឞ្មាកមន្តរស្ថះ បិត្រាត្មា។
yasmAt tadA yo vakShyati sa na yUyaM kintu yuShmAkamantarasthaH pitrAtmA|
21 សហជះ សហជំ តាតះ សុតញ្ច ម្ឫតៅ សមប៌យិឞ្យតិ, អបត្យាគិ ស្វស្វបិត្រោ រ្វិបក្ឞីភូយ តៅ ឃាតយិឞ្យន្តិ។
sahajaH sahajaM tAtaH suta ncha mR^itau samarpayiShyati, apatyAgi svasvapitro rvipakShIbhUya tau ghAtayiShyanti|
22 មន្នមហេតោះ សវ៌្វេ ជនា យុឞ្មាន៑ ឫតីយិឞ្យន្តេ, កិន្តុ យះ ឝេឞំ យាវទ៑ ធៃយ៌្យំ ឃ្ឫត្វា ស្ថាស្យតិ, ស ត្រាយិឞ្យតេ។
mannamahetoH sarvve janA yuShmAn R^itIyiShyante, kintu yaH sheShaM yAvad dhairyyaM ghR^itvA sthAsyati, sa trAyiShyate|
23 តៃ រ្យទា យូយមេកបុរេ តាឌិឞ្យធ្វេ, តទា យូយមន្យបុរំ បលាយធ្វំ យុឞ្មានហំ តថ្យំ វច្មិ យាវន្មនុជសុតោ នៃតិ តាវទ៑ ឥស្រាយេល្ទេឝីយសវ៌្វនគរភ្រមណំ សមាបយិតុំ ន ឝក្ឞ្យថ។
tai ryadA yUyamekapure tADiShyadhve, tadA yUyamanyapuraM palAyadhvaM yuShmAnahaM tathyaM vachmi yAvanmanujasuto naiti tAvad isrAyeldeshIyasarvvanagarabhramaNaM samApayituM na shakShyatha|
24 គុរោះ ឝិឞ្យោ ន មហាន៑, ប្រភោទ៌ាសោ ន មហាន៑។
guroH shiShyo na mahAn, prabhordAso na mahAn|
25 យទិ ឝិឞ្យោ និជគុរោ រ្ទាសឝ្ច ស្វប្រភោះ សមានោ ភវតិ តហ៌ិ តទ៑ យថេឞ្ដំ។ ចេត្តៃគ៌្ឫហបតិព៌្ហូតរាជ ឧច្យតេ, តហ៌ិ បរិវារាះ កិំ តថា ន វក្ឞ្យន្តេ?
yadi shiShyo nijaguro rdAsashcha svaprabhoH samAno bhavati tarhi tad yatheShTaM| chettairgR^ihapatirbhUtarAja uchyate, tarhi parivArAH kiM tathA na vakShyante?
26 កិន្តុ តេភ្យោ យូយំ មា ពិភីត, យតោ យន្ន ប្រកាឝិឞ្យតេ, តាទ្ឫក៑ ឆាទិតំ កិមបិ នាស្តិ, យច្ច ន វ្យញ្ចិឞ្យតេ, តាទ្ឫគ៑ គុប្តំ កិមបិ នាស្តិ។
kintu tebhyo yUyaM mA bibhIta, yato yanna prakAshiShyate, tAdR^ik ChAditaM kimapi nAsti, yachcha na vya nchiShyate, tAdR^ig guptaM kimapi nAsti|
27 យទហំ យុឞ្មាន៑ តមសិ វច្មិ តទ៑ យុឞ្មាភិទ៌ីប្តៅ កថ្យតាំ; កណ៌ាភ្យាំ យត៑ ឝ្រូយតេ តទ៑ គេហោបរិ ប្រចាយ៌្យតាំ។
yadahaM yuShmAn tamasi vachmi tad yuShmAbhirdIptau kathyatAM; karNAbhyAM yat shrUyate tad gehopari prachAryyatAM|
28 យេ កាយំ ហន្តុំ ឝក្នុវន្តិ នាត្មានំ, តេភ្យោ មា ភៃឞ្ដ; យះ កាយាត្មានៅ និរយេ នាឝយិតុំ, ឝក្នោតិ, តតោ ពិភីត។ (Geenna g1067)
ye kAyaM hantuM shaknuvanti nAtmAnaM, tebhyo mA bhaiShTa; yaH kAyAtmAnau niraye nAshayituM, shaknoti, tato bibhIta| (Geenna g1067)
29 ទ្វៅ ចដកៅ កិមេកតាម្រមុទ្រយា ន វិក្រីយេតេ? តថាបិ យុឞ្មត្តាតានុមតិំ វិនា តេឞាមេកោបិ ភុវិ ន បតតិ។
dvau chaTakau kimekatAmramudrayA na vikrIyete? tathApi yuShmattAtAnumatiM vinA teShAmekopi bhuvi na patati|
30 យុឞ្មច្ឆិរសាំ សវ៌្វកចា គណិតាំះ សន្តិ។
yuShmachChirasAM sarvvakachA gaNitAMH santi|
31 អតោ មា ពិភីត, យូយំ ពហុចដកេភ្យោ ពហុមូល្យាះ។
ato mA bibhIta, yUyaM bahuchaTakebhyo bahumUlyAH|
32 យោ មនុជសាក្ឞាន្មាមង្គីកុរុតេ តមហំ ស្វគ៌ស្ថតាតសាក្ឞាទង្គីករិឞ្យេ។
yo manujasAkShAnmAma NgIkurute tamahaM svargasthatAtasAkShAda NgIkariShye|
33 ប្ឫថ្វ្យាមហំ ឝាន្តិំ ទាតុមាគតឥតិ មានុភវត, ឝាន្តិំ ទាតុំ ន កិន្ត្វសិំ។
pR^ithvyAmahaM shAntiM dAtumAgataiti mAnubhavata, shAntiM dAtuM na kintvasiM|
34 បិត្ឫមាត្ឫឝ្ចឝ្រូភិះ សាកំ សុតសុតាពធូ រ្វិរោធយិតុញ្ចាគតេស្មិ។
pitR^imAtR^ishchashrUbhiH sAkaM sutasutAbadhU rvirodhayitu nchAgatesmi|
35 តតះ ស្វស្វបរិវារឯវ ន្ឫឝត្រុ រ្ភវិតា។
tataH svasvaparivAraeva nR^ishatru rbhavitA|
36 យះ បិតរិ មាតរិ វា មត្តោធិកំ ប្រីយតេ, ស ន មទហ៌ះ;
yaH pitari mAtari vA mattodhikaM prIyate, sa na madarhaH;
37 យឝ្ច សុតេ សុតាយាំ វា មត្តោធិកំ ប្រីយតេ, សេបិ ន មទហ៌ះ។
yashcha sute sutAyAM vA mattodhikaM prIyate, sepi na madarhaH|
38 យះ ស្វក្រុឝំ គ្ឫហ្លន៑ មត្បឝ្ចាន្នៃតិ, សេបិ ន មទហ៌ះ។
yaH svakrushaM gR^ihlan matpashchAnnaiti, sepi na madarhaH|
39 យះ ស្វប្រាណានវតិ, ស តាន៑ ហារយិឞ្យតេ, យស្តុ មត្ក្ឫតេ ស្វប្រាណាន៑ ហារយតិ, ស តានវតិ។
yaH svaprANAnavati, sa tAn hArayiShyate, yastu matkR^ite svaprANAn hArayati, sa tAnavati|
40 យោ យុឞ្មាកមាតិថ្យំ វិទធាតិ, ស មមាតិថ្យំ វិទធាតិ, យឝ្ច មមាតិថ្យំ វិទធាតិ, ស មត្ប្រេរកស្យាតិថ្យំ វិទធាតិ។
yo yuShmAkamAtithyaM vidadhAti, sa mamAtithyaM vidadhAti, yashcha mamAtithyaM vidadhAti, sa matprerakasyAtithyaM vidadhAti|
41 យោ ភវិឞ្យទ្វាទីតិ ជ្ញាត្វា តស្យាតិថ្យំ វិធត្តេ, ស ភវិឞ្យទ្វាទិនះ ផលំ លប្ស្យតេ, យឝ្ច ធាម៌្មិក ឥតិ វិទិត្វា តស្យាតិថ្យំ វិធត្តេ ស ធាម៌្មិកមានវស្យ ផលំ ប្រាប្ស្យតិ។
yo bhaviShyadvAdIti j nAtvA tasyAtithyaM vidhatte, sa bhaviShyadvAdinaH phalaM lapsyate, yashcha dhArmmika iti viditvA tasyAtithyaM vidhatte sa dhArmmikamAnavasya phalaM prApsyati|
42 យឝ្ច កឝ្ចិត៑ ឯតេឞាំ ក្ឞុទ្រនរាណាម៑ យំ កញ្ចនៃកំ ឝិឞ្យ ឥតិ វិទិត្វា កំសៃកំ ឝីតលសលិលំ តស្មៃ ទត្តេ, យុឞ្មានហំ តថ្យំ វទាមិ, ស កេនាបិ ប្រការេណ ផលេន ន វញ្ចិឞ្យតេ។
yashcha kashchit eteShAM kShudranarANAm yaM ka nchanaikaM shiShya iti viditvA kaMsaikaM shItalasalilaM tasmai datte, yuShmAnahaM tathyaM vadAmi, sa kenApi prakAreNa phalena na va nchiShyate|
