Salmos 118

1 Agradecei ao SENHOR, porque ele é bom; pois sua bondade [dura] para sempre.

Cookeriai Jehova ngaatho nĩgũkorwo nĩ mwega; wendo wake nĩ wa tene na tene.

2 Diga agora Israel, que sua bondade [dura] para sempre.

Andũ a Isiraeli nĩmoige atĩrĩ, “Wendo wake nĩ wa tene na tene.”

3 Diga agora casa de Arão, que sua bondade [dura] para sempre.

Nyũmba ya Harũni nĩyuuge atĩrĩ, “Wendo wake nĩ wa tene na tene.”

4 Digam agora os que temem ao SENHOR, que sua bondade [dura] para sempre.

Andũ arĩa metigĩrĩte Jehova nĩmoige atĩrĩ, “Wendo wake nĩ wa tene na tene.”

5 Na angústia clamei ao SENHOR; [e] o SENHOR me respondeu, e [me pôs] num lugar amplo.

Ndakaĩire Jehova ndĩ mĩnyamaro-inĩ, nake akĩnjĩtĩka na akĩndeithũra.

6 O SENHOR está comigo, não temerei; o que poderá me fazer o homem?

Jehova arĩ hamwe na niĩ; ndingĩĩtigĩra. Mũndũ-rĩ, nĩ atĩa angĩhota kũnjĩka?

7 O SENHOR está comigo entre os que ajudam; por isso verei [o fim] daqueles que me odeiam.

Jehova arĩ hamwe na niĩ; nĩwe mũndeithia. Nĩngerorera thũ ciakwa ikĩhootwo.

8 Melhor é buscar refúgio no SENHOR do que confiar no homem.

Nĩ kaba kũũrĩra harĩ Jehova, gũkĩra kwĩhoka mũndũ.

9 Melhor é buscar refúgio no SENHOR do que confiar em príncipes.

Nĩ kaba kũũrĩra harĩ Jehova, gũkĩra kwĩhoka anene.

10 Todas as nações me cercaram; [mas foi] no nome do SENHOR que eu as despedacei.

Ndarigiicĩirio nĩ ndũrĩrĩ ciothe, no tondũ wa kwĩhoka rĩĩtwa rĩa Jehova, ngĩciananga.

11 Cercaram-me, cercaram-me mesmo; [mas foi] no nome do SENHOR que eu as despedacei.

Ciandigiicĩirie mĩena yothe, no tondũ wa kwĩhoka rĩĩtwa rĩa Jehova, ngĩciananga.

12 Cercaram-me como abelhas, mas se apagaram como fogo de espinhos; [porque] foi no nome do SENHOR que eu as despedacei.

Ciathiũrũrũkĩirie na mĩena yothe ta njũkĩ, no ikĩhora narua o ta mwaki wa mĩigua; tondũ wa kwĩhoka rĩĩtwa rĩa Jehova ngĩciananga.

13 Com força me empurraste para que eu caísse; mas o SENHOR me ajudou.

Ndahatĩkĩtwo mũno nĩ thũ hakuhĩ ngwe, no Jehova akĩndeithia.

14 O SENHOR é minha força e [minha] canção, porque ele tem sido minha salvação.

Jehova nĩwe hinya wakwa na nĩwe ũtũmaga nyine; nake nĩatuĩkĩte ũhonokio wakwa.

15 Nas tendas dos justos há voz de alegria e salvação; a mão direita do SENHOR faz proezas.

Mbugĩrĩrio ya gĩkeno na ya ũhootani ĩiyũrĩte hema-inĩ cia andũ arĩa athingu, atĩ: “Guoko kwa ũrĩo kwa Jehova nĩ gwĩkĩte maũndũ manene!

16 A mão direita do SENHOR se levanta; a mão direita do SENHOR faz proezas.

Guoko kwa ũrĩo kwa Jehova nĩ kwambararie; guoko kwa ũrĩo kwa Jehova nĩ gwĩkĩte maũndũ manene!”

17 Eu não morrerei, mas viverei; e contarei as obras do SENHOR.

Niĩ gũkua ndigũkua, no nĩngũtũũra muoyo, ngʼanage ũrĩa Jehova ekĩte.

18 É verdade que o SENHOR me castigou, porém ele não me entregou à morte.

Jehova nĩaherithĩtie mũno, no ndandekereirie ngue.

19 Abri para mim as portas da justiça; entrarei por elas [e] louvarei ao SENHOR.

Hingũrĩrai ihingo cia ũthingu; nĩngũtoonya njookerie Jehova ngaatho.

20 Esta é a porta do SENHOR, pela qual os justos entrarão.

Gĩkĩ nĩkĩo kĩhingo kĩa Jehova kĩrĩa andũ arĩa athingu mangĩtoonyera.

21 Eu te louvarei porque tu me respondeste e me salvaste.

Nĩ ngaatho ngũgũcookeria, nĩgũkorwo nĩwanjĩtĩkire; nĩũtuĩkĩte ũhonokio wakwa.

22 A pedra que os construtores rejeitaram se tornou cabeça de esquina.

Ihiga rĩrĩa aaki maaregire nĩrĩo rĩtuĩkĩte ihiga inene rĩa koine;

23 Pelo SENHOR isto foi feito, [e] é maravilhoso aos nossos olhos.

Jehova nĩwe wĩkĩte ũndũ ũcio, naguo nĩ wa magegania tũkĩwona.

24 Este é o dia em que o SENHOR agiu; alegremos e enchamos de alegria nele.

Mũthenya ũyũ nĩ Jehova ũtũmĩte ũgĩe; nĩtũcanjamũkei, tũkĩũkenere.

25 Ah, SENHOR, salva-nos! Ah, SENHOR, faze [-nos] prosperar!

Wee Jehova, tũhonokie; Wee Jehova, tũma tũgaacĩre.

26 Bendito aquele que vem no nome do SENHOR; nós vos bendizemos desde a casa do SENHOR.

Kũrathimwo-rĩ, nĩ mũndũ ũrĩa ũgũũka na rĩĩtwa rĩa Jehova. Ithuĩ nĩtwamũrathima tũrĩ thĩinĩ wa nyũmba ya Jehova.

27 O SENHOR é o [verdadeiro] Deus, que nos deu luz; atai os [sacrifícios] da festa, para [levá-los] aos chifres do altar.

Jehova nĩwe Mũrungu, na nĩatũmĩte ũtheri wake ũtwarĩre. Ambĩrĩriai gũkũngũiya, mũrĩ na mathĩgĩ moko, mũthiĩ nginya hĩa-inĩ cia kĩgongona.

28 Tu és meu Deus, por isso eu te louvarei. Eu te exaltarei, meu Deus.

Wee nĩwe Mũrungu wakwa, nĩngũgũcookeria ngaatho; Wee nĩwe Ngai wakwa, nĩngũgũtũũgĩria.

29 Agradecei ao SENHOR, porque ele é bom; pois sua bondade [dura] para sempre.

Cookeriai Jehova ngaatho, nĩgũkorwo we nĩ mwega; wendo wake nĩ wa tene na tene.