Salmos 111

1 Aleluia! Louvarei ao SENHOR com todo o coração, no conselho e na congregação dos corretos.

Goocai Jehova. Nĩngũkumia Jehova na ngoro yakwa yothe ndĩ thiritũ-inĩ ya arĩa arũngĩrĩru, o na kĩũngano-inĩ.

2 Grandes são as obras do SENHOR; procuradas por todos os que nelas se agradam.

Ciĩko cia Jehova nĩ cia magegania; nĩicũũranagio nĩ arĩa othe makenagio nĩcio.

3 Glória e majestade são o seu agir, e sua justiça permanece para sempre.

Ciĩko ciake ciyũrĩte riiri na ũkaru, naguo ũthingu wake ũtũũraga nginya tene.

4 Ele fez memoráveis as suas maravilhas; piedoso é misericordioso é o SENHOR.

Nĩatũmĩte magegania make maririkanwo; Jehova nĩ mũtugi na nĩ mũigua tha.

5 Ele deu alimento aos que o temem; ele se lembrará para sempre de seu pacto.

Arĩa mamwĩtigagĩra nĩamaheaga irio; egũtũũra aririkanaga kĩrĩkanĩro gĩake nginya tene.

6 Ele anunciou o poder se suas obras a seu povo, dando-lhes a herança de nações [estrangeiras].

Nĩonetie andũ ake mawĩra make ma hinya, nĩ ũndũ wa kũmahe mabũrũri ma ndũrĩrĩ iria ingĩ.

7 As obras de suas mãos são verdade e juízo, e todos os seus mandamentos são fiéis.

Mawĩra ma moko make nĩ ma kwĩhokeka, na nĩ ma kĩhooto; mataaro make mothe nĩ ma kwĩhokwo.

8 Eles ficarão firmes para sempre, e são feitos em verdade e justiça.

Nĩ marũmu nginya tene na tene, maheanĩtwo na wĩhokeku na ũrũngĩrĩru.

9 Ele enviou resgate a seu povo, ordenou seu pacto para sempre; santo e temível é o seu nome.

Nĩakinyĩirie andũ ake ũkũũri; aamũrire kĩrĩkanĩro gĩake kĩrĩ gĩa gũtũũra nginya tene: rĩĩtwa rĩake nĩ itheru na nĩ rĩa gwĩtigĩrwo.

10 O temor ao SENHOR é o princípio da sabedoria; inteligentes são todos o que isto praticam. O louvor a ele dura para sempre.

Kĩambĩrĩria kĩa ũũgĩ nĩ gwĩtigĩra Jehova; arĩa othe marũmagĩrĩra mataaro make nĩmagĩĩaga na ũmenyo mwega. Kũgoocwo nĩ gwake tene na tene.