Psalms 88

1 MAIN Ieowa, Kot ai jaunkamaur, i kin likwir nin ran o ni pon mo’mui.

2 Kom kotin mueid on, ai kapakap en lelda won komui. Kom kotin kapaik don karon omui kan ai likelikwir.

3 Pwe nen i me dir en mamauk, o maur i koren ion mela. (Sheol h7585)

4 Nai kin wadok on ir memelar, nai dueta ol amen, me jolar

5 I wonon nan pun en me melar akan, me wonon nan joujou, me kom jolar kotin kupura, pwe re lokidokilar jan nan lim omui.

6 Kom kotin kaje ia lar nan joujou, waja rotorot o lol.

7 Omui onion kin katoutou ia, o kom kotin idan kin ia di omui iluk kan.

8 Kom kotiki woner kompoke pa i kan waja doo, kom kotin wia kin ia la me jued kot on ir, i jalidier o jo kak pitila.

9 Maj ai juede kilar ai luet, nin ran karoj i potoan on komui, Main Ieowa, o i kapa won komui pa i kat.

10 Kom pan kotin kajaleda omui manaman ren me melar akan? De me melar akan pan maurada danke komui?

11 Re pan kojoia duen omui kalanan nan joujou kan? O wajan mela duen omui melel?

12 Omui manaman akan pan janjaleda waja rotorot, o omui pun nan jap en me re jolar kin lamelame?

13 A i kin potoan likwir on komui, Main Ieowa nin manjan, ai kapakap pan lel won komui.

14 Main Ieowa, da me kom kotin kaje ia kila, o da me kom okila ki jilan ar mo i?

15 Nai me luet o jaliel jan ni ai pulepul; i kin kamekamki omui kalom, i koren ion jolar kaporopor.

16 Omui onion kin kadupal ia di, omui kalom kawe ia Iar

17 Re kapil ia pena dueta pil akan jan ni manjan lel jautik, ir karoj kapil ia pena.

18 Kom kotiki woner kompoke pa I oai warok kan waja doo, rotorot eta ai warok.