Psalms 83

1 MAIN Kot, kom der jo majan don, o der japaimokid, Main Kot, kom der kotin nenenla!

2 Pwe kom kotin mani, japwilim omui imwintiti kan kin linaranar, o me kailon kin komui, me aklapalap.

3 Irail kin widin ni ar kapakapun ki japwilim omui kan, o re kin raparapaki duen ar pan kawela japwilim omui me nekinekilar akan.

4 Re kin inda: Na kitail, kitail kokojan irail, pwe ren jolar wei eu, o jolar me pan inda duen wein Ijrael!

5 Pwe irail wiaki eu o re inauki pena, ren palian komui.

6 Im pwal en Edom, o Ijmael, Moap, o Akar,

7 O Kepal, o Anion, o Amalek, men Pilijta ianaki men Tiruj.

8 Ajor pil waroki on ir; re kin jauaja kadaudok en Lot.

9 Kom kotin wiai on ir dueta on men Midian, o Jijera, o lapin ni pilap Kijon.

10 Me kamelar impan Endor, rap wia pwel la nan pwel.

11 Kom kotin wiala ar jaupeidi kan dueta Orep o Jeep, o ar monjap akan karoj dueta Jepa o Jalmuna.

12 Pwe re indinda: Kitail pan kaloedi im en Kot akan!

13 Main Kot kom en kotin wia kin irail la alepip en kijinian, dueta dip en ra mon kijinian.

14 Duen kijiniai kin karonala tuka en wei o duen umpul en kijiniai kin ijikeda nan wel,

15 Iduen kom kotin paki kin irail japwilim omui liol ape, o kamajak kin irail omui melimel.

16 Kadire kila maj arail namenok, pwe ren rapaki mar omui, Main leowa.

17 Ken namenokala o majapwekada kokolata, o ren joredi o mela.

18 Rap pan ajaki, me komui ta maraneki Kaun o me komui ta lapalap nan jap karoj.