Psalms 63

1 Kot komui ai Kot, nin joran I kin piridan komui. Nen i kin inon ion komui. Pali war ai kin inon ion komui nan jap madekon o monedi, waja me jota pil mi ia.

2 I waja i kin tamanda komui nan japwilim omui tanpaj im jaraui, pwe i men kilan omui manaman o linan.

3 Pwe omui kalanan mau jan maur; kil en au ai kin kapina komui.

4 I waja i inon ion kapina komui arain ai maur, o men pokada pa i kat ni mar omui.

5 I me pan kaperen pan nen I o ai popol, ma i pan kak kapina komui ki au ai kaperen.

6 Ni ai kin wendi pon loj, i kin madamadaua duen komui, o ni ai pirida, i kin lokelokaia duen komui.

7 Pwe komui jauaj pa i, o pan mot en lim omui kan i kin nijinij.

8 Nen i kin tenidi on komui; lim omui pali maun kin apapwali

9 A irail me majamajan ia, pwen jaik ia di, pan lokidokila pan jappa.

10 Re pan pupedi on nan kodlaj, o kidi en wel pan kan ir ala;

11 A nanmarki pan peren kida Kot. Me kin kaula on i, pan pwaida, pwe au en me likam akan pan pena pinla.