Men Kalejia 5

1 KOMAIL ari dadaurata en Krijtuj a kotin kamaioda kitail, komail ari kalaka pein komail, pwe komail der pur on ni omail kanaudok.

2 Kilan, nai Pauluj indai on komail, ma komail pan ian jirkomjaij, nan Krijtuj jota pan katepai on komail.

3 I pil kadede on aramaj karoj, me pan jirkomjaijela, i en kapwaiada kapun pokon.

4 Komail, me men pun kila kapun o, muei janer Krijtuj o pup wei janer mak.

5 A kit kin auiaui ren Nen ki pojon kaporopor en pun.

6 Pwe ren Krijtuj Iejuj jirkomjaij de jojirkomjaij jota meakot, pwe pojon ta, me kin janjaleki dodok en limpok.

7 Komail taner mau, ij me karompwa komail, pwe ender peiki on melel?

8 I jon en kaweid jota kin tapi jan me molipe komail er.

9 Kalap kij kin kamutala dolepa karoj;

10 I kaporoporeki ren Kaun o me komail jota pan wia eu lamalam toror. A me kin kapin komail da, pan lodi on kapun o, jota lipilipil ij i.

11 A nai, ri ai kan, ma i poden padaki duen jirkomjaij, menda I kankaneranirla? Pwe ma iduen, a jolar men kamakar pan lopu.

12 I men irail me kin kawe komail la, ren pil kawela pein irail.

13 A ri ai kan, komail paeker on maio, komail der men maio, pwe tiak en pali uduk en pwaida, a komail papa amen amen ni limpok.

14 Pwe kapun pon kapwai pan majan ta ieu: Koe en pok on men imp om due pein uk.

15 A ma komail pakolok kaokaoe amen o amen, kalaka, pwe komail de momela.

16 A nai inda: Aluki Nen komail ap jota pan kapwaiada inon jued en uduk.

17 Pwe uduk kin inon ion me toror jan Nen, a Nen kin kotin inon ion toror jan uduk, a ira paronaron pena, iei me komail jota wia kida, me komail kin men wia.

18 A ma Nen pan kotin kalua komail, komail jota mimi pan kapun.

19 Wiawia kan en uduk me janjal. Ietakan: Nenek, jamin, monepil,

20 Poni on ani mal, wun ani, kailuk, akatat, luak, makar, akamai, kamauouo, padak likam.

21 Peirin, kamom joko, kaped en mana ape. Iran mepukat i padaki on komail er maj o, me irail, me kin kapwaiada mepukat, jota pan jojoki wein Kot.

22 A iet akan wa en Nen: Limpok, peren, popol, kanonama. kadek, kamau, pojon, opampap liki jan me jued.

23 Jota kapun pan mepukat.

24 A me japwilim en Krijtuj, kalopuelar uduk ianaki tiak jued o inon jued akan.

25 Ma kitail memaureki Nen, kitail en pil alualuki Nen o.

26 Kitail der inon ion wau ren aramaj, o der kamoronada on amen amen, o der peipeirin amen amen.