Matayu 26
1 Shipindi Yesu pakamalariti kufunda vitwatira vyoseri avi, kawagambiriti wafundwa wakuwi,
講完了這一切話，便衪的門徒說：
2 “Pamashaka mawili muvimana, hapaweri na msambu gwa Pasaka, na Mwana gwa Muntu hawamkamuli su wampingiki mulupingika.” Msambu gwa Pasaka guweriti gwa kulihola ntambu Waisraeli pawawalopoziya kulawa muufalumi wa Farawu.
「你們知道：兩天以後就是逾越節，人子要被解送，被釘在十字架上。」
3 Shakapanu watambika wakulu pamuhera na wazewi waliwoniti pamuhera muukumbi wa Kayafa, Mkulu gwa Watambika.
司祭長和民間長老，都聚集在叫蓋法的司祭的庭院內，
4 Wasakuliti ntambu ya kumkamula Yesu kwa bada su wamlagi.
同共議決要用詭計捉拿耶穌，君以殺害。
5 Womberi watakuliti, “Shitwatira ashi nashitendeka shipindi sha msambu gwa Pasaka toziya wantu hawatendi ndewu.”
但是他們說：不可在慶節期內，免得民間發生暴動」。
6 Yesu kaweriti Betaniya, ukaya kwa Simoni, muntu yakalwaliti ungumbula.
耶穌正在伯達尼癩病人西滿家裏時，
7 Yesu pakaweriti kankuliya shiboga, mdala yumu kamgenderiti pakaweriti na supa ya alabasta yayimemiti utuli wa mpiya zivuwa, kammiminira mumtuwi mwakuwi.
有一個女人拿著一玉瓶貴重的香液來到耶穌跟前，倒在正坐席的耶穌的頭上。
8 Wafundwa wakuwi pawawoniti hangu, wakalala na wamkosiya, “Iwera ashi kwananga goseri aga?”
門徒們見了就不滿意說：「為什麼這樣浪法費﹖
9 “Utuli awu meuwuzwi kwa mpiya zivuwa na kuwapanani wahushu!”
這香液原可賣得許多錢，施捨給窮人。」
10 Yesu kavimati shawashiyowera su kawagambira, “Iwera ashi mwankumgaziya mdala ayu? Shakantendiriti ndo shiherepa kwaneni.
耶穌知道了，就對他們說：「你們為什麼叫這個女人難受？ 她在我身上原是作了一件善事。
11 Wantu wahushu mwanawu mashaka goseri, kumbuti neni hapeni hweri na mwenga mashaka goseri.
你們常有窮人同你們在一起，於我，你們卻不常有。
12 Shakatenditi mdala ayu kumiminira utuli awu munshimba mwangu su katandira kusilwa kwaneni.
她把這香液倒在我身上，原是為安葬我而作的。
13 Vinu nuwagambirani nakaka, poseri pawabwera Shisoweru Shiwagira pasi panu, shitwatira shakatenditi mdala ayu hashitakulwi, na wantu hawamuholi.”
我實在告訴你們：將來在全世界，這福音無論傳到那裏，必要述說她所作的事，來記念她。」
14 Shakapanu yumu gwa wantumintumi lilongu na wawili, litawu lyakuwi Yuda Isikariyoti su kagenda kwa watambika wakulu
隨後，那十二人中之一，名叫猶達斯依斯加略的，去見司祭長，
15 na kawakosiyiti, “Hamnupi shishi handa panumgalambuki Yesu kwa mwenga?” Womberi wamuwalangiriti magwala ga shaba malongu matatu na kumupa.
說：「我把他交給你們，你們願意給我什麼？ 」他們約定給他三十塊銀錢。
16 Na kwanjira shipindi shilii Yuda kaweriti kankusakula lupenyu luherepa lwa kumgalambuka Yesu kwa womberi.
從此他便尋找機會，要把耶穌交出。
17 Lishaka lya kwanja pamberi pa msambu gwa mabumunda galekerwa ndiri simika, wafundwa wamgenderiti Yesu na kumkosiya, “Gufira twakakutandiri koshi shiboga sha Pasaka?”
無酵節的第一天，門徒前來對耶穌說：「你願意我們在那裏，給你預備吃逾越節晚餐？」
18 Yesu kawagambira, “Mgendi mlushi kwa muntu yumu ayu mwakamgambiri, ‘Mfunda kalonga, Shipindi shangu shisoka, handiyi shiboga sha Pasaka pamuhera na wafundwa wangu, ukaya kwaku.’”
耶穌說：「你們進城去見某人，對他說：師父說：我的時候近了，我要與我門徒在你那裏舉行逾越節。」
19 Wafundwa watenda handa Yesu ntambu yakawagambiriti watandiri shiboga sha Pasaka.
門徒就照耶穌吩咐他們的作了，預備了逾越節晚餐。
20 Shipindi payiweriti pamihi, Yesu na wantumini wakuwi lilongu na wawili walivaga kuliya shiboga.
到了晚上，耶穌與十二門徒坐席。
21 Pawaweriti wankuliya Yesu kalonga, “Nuwagambirani yumu gwenu hakang'alambuki.”
他們正吃晚餐的時候，耶穌說：我實在告訴你們：你們中有一個人要出賣我。」
22 Wantumini wahinginika nentu wanja kulikosiya yumu yumu, “Mtuwa hashi ndo neni?”
他們非常憂悶，開始各自對衪說：「主，難道是我嗎？」
23 Yesu kawankula, “Yakashwika ndolonji mubakuli pamuhera na neni ndo hakang'alambuki.
耶穌回答說：「那同我一起把手蘸在盤子裏的人要出賣我。
24 Mwana gwa Muntu hakahowi gambira Malembu Mananagala ntambu yagatakula, kumbuti oli wakuwi muntu ayu yakamgalambuka Mwana gwa Muntu! Iweri mbaka kwa muntu ayu handa mekayiwuki ndiri!”
人子固然要按照指著他所記載的而去，但是出賣人子的那人卻是有禍的，那人若是沒內有生，為他更好。」
25 Yuda mgalambuka kamkosiya, “mfunda ndo neni?” Yesu kamwankula, “Yina, gwenga ndo gutakula.”
那要出賣衪的猶達斯也開口問耶穌說：「辣彼，難道是我嗎？ 」耶穌對他說：「你說的是。」
26 Pawaweriti wankuliya, Yesu katoliti libumunda, kalonga mayagashii Mlungu, kalimega na kawapanana wafundwa wakuwi, pakalonga, “Mtoli mlii, ayi ndo nshimba ya neni.”
他們正吃晚餐的時候，耶穌拿起餅來，祝謝了，擘開遞給們徒說：「你們拿去吃吧！這是我的身體。」
27 Shakapanu katola shikombi na kalonga mayagashii Mlungu, kawapanani pakalonga, “Mlandi woseri mwenga,
然後又拿起杯來，祝謝了，遞給他們說：「你們都由其中喝吧！
28 agu ndo mwazi gwangu, gwagulanguziya lipatanu lya Mlungu kwa wantu wakuwi, mwazi gwaguyitika kwajili ya wantu wavuwa kuwalekiziya vidoda.
因為這是我的血，為大眾傾流，以赦免罪過。
29 Nuwagambirani, hanandi kayi ndiri divayi ya mzyabibu mpaka lishaka lilii pananda divayi yasyayi pamuhera na mwenga Muufalumi wa Tati gwangu.”
我告訴你們：從今以後，我不再喝這葡萄汁了，直到在我父的國裏那一天，與你們同喝新酒。」
30 Shakapanu womberi wimbiti lwimbu na wawuka wagenditi kulugongu lwa Mizeyituni.
他們唱了聖詠，就出來往橄欖山去。
31 Shakapanu Yesu kawagambira, “Leru pashiru panu mawoseri mwenga hamtugi na kundeka neni, ntambu ya Malembu Mananagala galonga, ‘Mlungu kalonga, hakamlagi mlolera mifugu na wakondolu wa shipinga hawapalanganyiki.’
那時，耶穌對他們說：「今夜你們都要為我的緣故跌倒，因為經上記載：『我要打擊牧人，羊群就要四散。』
32 Kumbiti panzyukaku, hanuwalongoleri kugenda ku Galilaya.”
但是我復活後，要在你們以先到加利肋亞去。」
33 Peteru kamgambira Yesu, “Neni hapeni nukuleki gwenga ata woseri pawakulema!”
伯多祿卻回答衪說：「既使眾人都要因仔的緣故跌倒，我決不會跌倒。」
34 Yesu kamgambira Peteru, “Nukugambira, pashiru pamberi njogolu hakeniwiki, hagunemi mala ntatu kuwera gumana ndiri neni.”
耶穌對他說：「我寶在告訴你：今夜雞叫以前，你要三次不認我。」
35 Peteru kamwankula, “Ata panfiruwa kuhowa pamuhera na gwenga, hapeni nukulemi nakamu!” Na wafundwa wamonga woseri watakula ntambu iraa ayi.
伯多祿對衪說：「即便我該你一起死，我也決不會不認你。」眾門徒也都這樣說了。
36 Shakapanu Yesu kagenditi pamuhera na wafundwa wakuwi pahala pawapashemapu Getisemani na kawagambira, “Mulivagi panu neni ng'enda palongolu palii na kuluwa.”
髓後，耶穌同他們來到一個名叫革責瑪尼的莊園裏，便對門徒說：「你們坐在這裏，等我到那邊去祈禱。」
37 Kawatola Peteru na wana wawili wa Zebedayu, kanja kuhinginika na kushashatika,
遂帶了伯多祿和載伯德的兩個兒子同去，開始憂愁恐怖起來，
38 na kawagambira womberi, “Moyu guntama nentu sambira nfuwi. Mulivagi panu na mwikali masu pamuhera naneni.”
遂對他門說：我的心靈憂悶得要死，你們留在這裏同我一起醒寤吧！」
39 Su kagenda kulongolu kidogu, kasuntama makukama na kuluwa, “Tati gwangu, handa payiwezekana, guwusiyi nkata ayi ya ndabiri kwaneni! Ntambu yanfira ndiri neni, kumbiti gutendi ntambu yagufira gumweni.”
衪稍微前行，就俯首至地祈禱說：「我父，若是可能，就讓這杯離開我吧！但不要照我，而要照你所願意的。」
40 Shakapanu kawawuyira wafundwa watatu walii na kawawona wagonja mpota na kamgambira Peteru, “Muweza ndiri kulikala masu pamuhera na neni ata lisaa limu?
衪來到門徒那裏，見他門睡著了，便對伯多祿說：「你們竟不能同我醒寤一個時辰嗎？
41 Mlikali masu na mluwi namwingira mumajerwa. Moyu gwa muntu gufira gutenda gakafira Mlungu, kumbiti makakala ga muntu gatosha ndiri.”
醒寤祈禱吧！免陷於誘惑；心固神然切願，但肉體卻軟弱。」
42 Yesu kagenditi kayi na kaluwa, “Tati gwangu, handa payiwezekana ndiri shikombi sha ndabiri shiwuki pota neni kushilanda, su nushirandi, su vyagufiriti guvitendi.”
衪第二次再去祈禱說：「我父！如果這杯不能離去，非要我喝不可，就成全你的願意吧！」
43 Kawuyiti kayi na kuwawona wantumini wagonja mpota, masu gawu gaweriti gana mbota nentu.
衪又回來，見他門仍然睡著，因為他門的眼睛很是沈重。
44 Yesu kawaleka kayi, kagenda zyakuwi na kuluwa mala ya tatu, pakaluwa ntambu iraa ilii.
衪再離開他門，第三次去祈禱，又說了同樣的話。
45 Shakapanu kawawuyira wafundwa na kuwagambira, “Hashi mwankali mwakugonja mpota na kwoyera? Mloli! Lisaa lyeni lisoka lya Mwana gwa Muntu kukamulwa kwa makakala mumawoku ga wantu yawana vidoda.
然後回到門徒那裏，對他門說：「你們睡下去吧！休息吧！ 看，時候到了，人子就要被交於罪人手裏。
46 Mwimuki, tugendeni zyetu. Mloli, panu kwana muntu ulii yakafira kung'alambuka!”
起來，我們去吧！看那出賣我的已來近了。」
47 Yesu kaweriti kankali kankutakula shipindi Yuda yumu gwa wantumini lilongu na wawili, pakasokiti. Liziti lipinga likulu lya wantu wavuwa yawawera na mapanga pamuhera na vindonga, womberi watumitwi na watambika wakulu pamuhera na wazewi.
衪還在說話的時候，看，那十二人中之一的猶達斯來了；同他一起的，還有許多帶著刀劍棍棒的群眾，摸是由司祭長和民間長老派來的。
48 Yuda kawapiti lipinga lya wantu lilangaliru pakatakula, “Muntu yanumnona ndo yamumfira, su mumkamuli!”
那出賣耶穌的給了他門一個暗號說：「我失口親誰，誰就是，你們拿住衪。」
49 Yuda kamgendera Yesu na kamlamsiya, “Mfunda, ponga iweri na gwenga, su kamnona.”
猶達斯一來到耶穌跟前，就說：「辣彼，你好。」就口親了衪。
50 Yesu kamgambira, “Ganja gutendi kanongola shagwiziriti!” Wantu walii su wiziti na wamkamula Yesu na wamtawa.
耶穌卻對他說：「朋友，你來做的事，就做吧！」於是他門上前，向耶穌下手，拿住了衪。
51 Yumu gwa wantumintumi wa Yesu kasomola upanga wakuwi na kamdumula likutu lya ntumintumi gwa Mtambika mkulu.
有同耶穌在一的一個人，伸手拔出自己的劍，砍了大司祭的僕人一劍，削去了他的一個耳朵。
52 Yesu kamgambira, “Guwuziyi upanga waku mumuhaku, toziya yoseri yakautendera upanga, hakahowi kwa upanga.
耶穌遂對他說：「把你的劍放回處；因為凡持劍的，必死在劍下。
53 Muvimana ndiri kuwera neni menumluwi Tati gwangu kantangi, nayomberi mekanjegeri majeshi makulu malongu na mawili ga wantumintumi wa kumpindi kuntanga?
你想，我不能要交我父，即刻給我調動十二軍以上的天使嗎？
54 Kumbiti hagaweri hashi, nakaka Malembu Mananagala gagalembitwi kuwera gafiruwa kulawira?”
若是這樣，怎能應驗經上所載應如此成就事呢？ 」
55 Shakapanu Yesu kaligambira lipinga lya wantu, “Iwera hashi munizira na mapanga na vindonga kunkamula gambira neni mkwapula? Kila lishaka nweriti Mnumba nkulu ya Mlungu panfunda na munkamula ndiri.
在那時，耶穌對群眾說：「你們帶著刀劍棍棒出來拿我，如同對付強盜。我天天坐在聖殿內施教，你們沒有拿我。」
56 Kumbiti goseri aga galawira su Malembu Mananagala ga wambuyi wa Mlungu gatendeki.” Shakapanu wafundwa woseri wamleka su watuga.
這一切都發生了，是為應驗先知所記載的。於是門徒都撇下衪逃跑了。
57 Wantu awa yawamkamuliti Yesu wamjegeriti kunumba kwa Kayafa, Mtambika mkulu, wamjojinikira wafunda wa Malagaliru na wazewi.
那些拿住耶穌的人，將耶穌帶到大司祭蓋法前；經師和長老已聚集在那裏。
58 Peteru kamfwatiti kwa kutali mpaka kuluwaga lwa Mtambika mkulu na kingiriti kuzyetu pakutozera kalivaga pamuhera na walolera mlyangu, su kapati kulola vitwatira ntambu yaviwera.
伯多祿遠遠跟著耶穌，直到大司祭的庭院，他也進到裏面，坐在差役中觀看結局。
59 Watambika wakulu na shiyotera motu shoseri sha Wayawudi, shisakuliti upitawu wa kupaya kuusu Yesu wapati kumlaga,
司祭長和全公議會尋找相反耶穌的假證據，要把衪處死。
60 kumbiti wantu wavuwa watakuliti ukapitawu wa upayira kuusu yomberi. Pamuhera na hangu wapata ndiri shintu shoseri. Lupeleru wiziti wantu wawili
雖然有許多假見證出庭，但沒有找出什麼。最後有兩個人上前來，說：「
61 na walonga, “Muntu ayu katakuriti, ‘Weza kubomolanga Numba nkulu ya Mlungu na hanyawi kwa mashaka matatu.’”
這人曾經說過：我能拆毀天主的聖殿，在三天內我能把它重建起來。」
62 Mtambika mkulu kagoloka na kamgambira Yesu, “Hashi, guwawankula ndiri wantu awa wakutakulira shishi gwenga?”
大司祭就站起來，對衪說：「這些人作證反對你的事，你什麼也不回答嗎？ 」
63 Kumbiti Yesu kanyamala jii. Mtambika mkulu kamgambira kayi, “Nukulapira kwa Mlungu mkomu, gutugambiri handa gwenga ndo gwa Kristu Mlopoziya, Mwana gwa Mlungu.”
耶穌卻不出聲。於是大司祭對衪說：「我因生活的天主，起誓命你告訴我們：你是不是默西亞，天主之子？」
64 Yesu kamwankula, “Yina, gwenga gutakula. Kumbiti nuwagambirani mwawoseri mwenga, kwanjira shipindi ashi hamumwoni Mwana gwa Muntu kalivaga uwega wa kumliwu wa Mlungu yakawera na makakala goseri na pakiza mumawundi ga kumpindi!”
耶穌他說：「你說的是。並且我告訴你們：從此你們要看見人子坐在大能者的右邊，乘著天上的雲彩降來。
65 Panu Mtambika mkulu kapapula nguwu yakuwi na katakula, “Kamuhigilanga Mlungu! Tufira ndiri ukapitawu umonga! Vinu mpikanira mayigiranga gakuwi!
大司祭遂撕裂自己衣服說：「他說了褻瀆的話。何必還須要見證呢？ 你們剛才聽到了這褻瀆的話，
66 Mwenga mulihola hashi?” Womberi wamwankula, “Kana makosa su kafiruwa kahowi.”
你們以為該怎樣？ 」他們回答說：「他該死。」
67 Shakapanu wamtemera mata kusheni na wamkoma na womberi wamuwakula.
眾人遂即向衪臉上吐唾沬，用拳碩打衪；另有一些人也用巴掌打衪，
68 Na walonga, “Kristu gututungiri! Ndo gaa yakakuwakuliti!”
說：「默西亞，你猜猜是誰打你？ 」
69 Peteru kaweriti kalivagiti kunja kuzyetu ntumini mdala pakamgenderiti na kulonga “Gwenga guweriti pamuhera na Yesu gwa Galilaya.”
伯多祿在外面庭院裏坐著，有一個使女來到他跟前說：」你也是同那加利肋亞人耶穌一起的。」
70 Kumbiti Peteru kabera palongolu pa woseri. Kalonga, “Nuvimana ndiri vintu vyagutakula.”
他當眾人否認說：「我不知道妳的是什麼。」
71 Pakaweriti kankulawa pamlyangu gwa kuzyetu, ntumini mdala yumonga kamwona Peteru na kawagambira wantu yawaweriti paliya, “Muntu ayu kaweriti pamuhera na Yesu gwa Nazareti.”
他出去到了門廊，另有一個使女看他，就對那裏的人說：「這人是同那納匝肋人耶穌一起的。」
72 Peteru kabera kayi na kuwankula, “Nulirapa kuwera nummana ndiri muntu ayu!”
他又發誓否認說：「我不認識這個人。」
73 Katepu hera wantu yawaweriti wagoloka paliya wamgenderiti Peteru na watakula, “Nakaka ntambu yagutakula ilanguziya gwenga gwa muntu wa Galilaya!”
過了一回，站在那的人前來對伯多祿說：「的確，你也是他們中的一個，因為你的口音把你露出來了。」
74 Shakapanu Peteru kalonga, “Nulirapa kuwera nuwagambirani nakaka! Mlungu gwangu kanazibu handa neni panuwapayira! Nummana ndiri muntu ayu!” Katepu njogolu kaweka,
伯多祿就開始詛咒發詈說：「我不認識這個人。」立刻雞就叫了。
75 na Peteru kaliholiti visoweru vyakagambiritwi na Yesu, “Pamberi pa njogolu keniwiki, hagunemi mala ntatu kuwera gumana ndiri neni.” Kalawa kunja na kagenda kulila nentu.
伯多祿就想起耶穌所說的話來：「雞叫以前，你要三次不認我。」他一到了外面，就傷心痛哭起來。
