Matendu 8
1 Sauli kashiwoniti shitendu ashi sha kumlaga Stefanu kuwera shiherepa. Lishaka ali shipinga sha wantu yawamjimira Yesu aku Yerusalemu lyanjiti kutabisiwa nakamu. Wantu woseri yawamjimira Kristu, paiwera ndiri hera wantumintumi walii, walazimikiti kugenda aku na aku na kweneya museemu zya malambu ga Yudeya na Samariya.
掃祿也贊同殺死他。就在那一日，發生了嚴厲迫害耶路撒冷教會的事；除宗徒外，眾人都逃散到猶太和撒瑪黎雅鄉間。
2 Wantu watahoziwa wamsiri Stefanu, wamtenderi makiwa makulu.
虔誠的人共同埋葬了斯德望，也為他大哭了一場。
3 Kumbiti Sauli kashiharabisiya shipinga sha wantu yawamjimira Yesu. Kingira kila numba na kuwakamula wapalu na wadala na kuwatula mushibetubetu.
掃祿想摧毀教會，進入各家，連男帶女都拉去，押到監裏。
4 Walii wapalanganikiti wagenda aku na aku wankulibwelera shisoweru.
那些逃散的人經過各處，宣講真道的喜訊。
5 Filipi kasuluka kingira lushi lwa Samariya, kawabwelera kuusu Kristu.
斐理伯下到撒瑪黎雅城，給他們宣講基督。
6 Na makutanu kwa nfiru yimu wapikinira visoweru vira vyakatakuliti na Filipi pawapikaniriti na kulola mauzauza gakagatenditi.
群眾都留意斐理伯所講的話，都同心合意地聽教，並看到了他所行的奇蹟。
7 Washamshera wadoda wawalawa wantu wavuwa pawagutanga, wantu wavuwa yawalewelekiti na vibyeketu, woseri waponiziwitwi.
因為有許多附了邪魔的人，邪魔從他們身上大聲喊叫著出去了。有許多癱瘓和瘸子也被治好了。
8 Iweri sekuseku ngulu pakati palushi lulii
為此，那城裏的人皆大歡喜。
9 Muntu yumu, litawu lyakuwi Simoni, panu kwanja kaweriti pakanyawa uhawi pakati palushi palii, pakawakangasha wantu wa maisi ga Wasamariya, pakatakula paweri yomberi ndo muntu mkulu.
有一個人，名叫西滿，曾在這城中行過邪術，使撒瑪黎雅的百姓驚服，並稱自己是一位大人物。
10 Woseri wampikanira kwanjira mdidini ata mkulu, pawatakula, Muntu ayu ndo likakala lya Mlungu yakashemwa, likakala likulu.
所有的人，從上到下，都聽從他，說：「這人就是那稱為神的大能者。」
11 Wampikanira toziya kawakangashira kwa uhawi wakuwi kwa shipindi shitali.
他們聽從他，是因為他很久以來，就用邪術使他們驚服；
12 Kumbiti pawamjimiriti Filipi, pakabwera visoweru viwagira vya ufalumi wa Mlungu, na litawu lyakuwi Yesu Kristu, wabatiziwa, wapalu na wadala.
但當他們信服了那傳報天主的國，和耶穌基督名字的斐理伯時，男女就都受了洗，
13 Na yomberi Simoni mweni kajimiriti kubatizwa, walikola na Filipi, kalikangasha pakagawoniti makangashu na mauzauza makulu gagatendikiti.
連西滿自己也信服了。他受洗以後，常隨從斐理伯；他看到所顯的奇蹟和大能，稱奇不止。
14 Wantumintumi yawaweriti Yerusalemu, pawapikaniriti kuwera Samariya washijimira Shisoweru sha Mlungu, womberi wawatumiti Peteru na Yohani,
當時，在耶路撒冷的宗徒，聽說撒瑪黎雅接受了天主的聖道，便打發伯多祿和若望往他們那裏去。
15 Womberi pawasokiti, wawaluwira wamwanki Rohu Mnanagala.
他們二人一到，就為他們祈禱，使他們領受聖神，
16 Kwa mana badu hakeniwasulukiri ata yumu gwawu, ila wabatiziwa hera kwa litawu lyakuwi Mtuwa Yesu.
因為聖神還沒有降臨在任何人身上，他們只因主耶穌的名受過洗。
17 Watula mawoku gawu panani pawu, nawomberi wamyanga Rohu Mnanagala
那時，宗徒便給他們覆手，他們就領受了聖神。
18 Simoni pakawoniti kuwera wantu wankupananwa Rohu Mnanagala kwa kutulilwa mawoku ga wantumintumi, yomberi kafiruwiti kuwapanana mpiya pakalonga,
西滿看見藉宗徒們的覆手，賦給人聖神，遂獻給他們銀錢，
19 Mmpanani neni uwezu awu, su kila muntu yanfira kumtulira mawoku gangu, kawanki Rohu Mnanagala.
說：「你們也把這個權柄交給我，為叫我無論給誰覆手，誰就領受聖神。」
20 Kumbiti Peteru kamwankula, gwagamiri kutali na mpiya zyaku toziya gulihola handa guweza kuhemera lifupu lya Mlungu kwa mpiya.
伯多祿卻向他說：「願你的銀錢與你一起喪亡！因為你想天主的恩賜可用銀錢買得。
21 Gwahera shifungu wala gwahera seemu pakati pashitwatira ashi, Toziya moyu gwaku guherepa ndiri kulongolu kwa Mlungu.
在這事上，你沒有股，也沒有分，因為你在天主前心懷不正。
22 Su, guleki madoda gaku aga, gukamluwi Mtuwa, na yomberi kaweza kukulekeziya maholu gaku aga.
所以，你該回心轉意，擺脫你這個惡念，祈求主，或者可給你赦免你心中的妄想，
23 Kwa mana nukuwona handa gumema weya nentu na gwa mtatilwa gwa vidoda.
因為我明知你心懷苦毒，並在邪惡的束縛中。」
24 Simoni kankula, pakatakula, munduwili mwenga kwa Mtuwa, nashiza kumpata shoseri pakati pa aga gamtakuliti.
西滿回答說：「請你們為我祈求主，好叫你們所說的，一點也不要降在我身上。」
25 Peteru na Yohani pawabweriti kala kuusu Mtuwa, wawuya Yerusalemu. Wabweriti shisoweru shiwagira pakati pavijiji vya Samariya.
二宗徒既作了證，並宣講了主的聖道，就返回耶路撒冷，一路在撒瑪黎雅人的許多鄉村中，宣講了福音。
26 Ntumintumi gwa kumpindi gwa Mtuwa katakula na Filipi, kamgambira, Guwuki ugendi ouwega wa kusika ata njira ilii yailawa Yerusalemu kugenda Gaza, njira ayi ipita kushiwala.
上主的天使向斐理伯說：「起來，往南行，沿著由耶路撒冷下到迦薩的路走，即曠野中的那條路。」
27 Nayomberi kawuka, kagenda, shipindi shirashi kuweriti na Mwisiopiya yumu, towashi, mweni kaweriti kamumwanja kugenda ukaya. Muntu ayu kaweriti mkolamlima kamanika gwa luhanja lwa Kandaki, malikiya gwa Esiyopiya. Kaweriti kagenda aku Yerusalemu kuguwira na shipindi ashi kaweriti kankuwuya pakawera kakwena mbutuka ya kunika.
他就起來去了。看，有個厄提約丕雅人，是厄提約丕雅女王甘達刻的有權勢的太監，也是她寶庫的總管；他曾來到耶路撒冷朝聖。
28 Pakaweriti kammwanja, kaweriti kankushibetula shintola sha mbuyi gwa Mlungu Isaya.
他回去的時候，坐在車上誦讀依撒意亞先知。
29 Rohu kamgambira Filipi, Gusegeleri pakwegera na mbutuka ayi, gulikoliri nayi.
聖神就向斐理伯說：「你上前去，走近這輛車子！」
30 Su Filipu kagenda mbiru, kampikanira kankubetula mushintora sha Isaya mbuyi gwa Mlungu. Filipi kamkosiyiti, “Hashi, gugamana aga gagubetula?”
斐理伯就跑過去，聽見他誦讀依撒意亞先知，便說道： 「你明白所誦讀的嗎﹖」
31 Yomberi kamwankuliti, “Hanwezi hashi kugamana pota muntu gwa kuntakulira?” Shakapanu yomberi kamluwiti Filipi kakweni na kulivaga pamuhera na yomberi mumbutuka.
他答說：「若沒有人指教我，怎麼能夠﹖」於是，請斐理伯上車與他同坐。
32 Na shifungu sha Malembu Mananagala gakaweriti kankugabetula ndo aga, “Kalongolerwa kugenda kwawahanjanga handa kondolu, Na handa vila mwana kondolu kajii paulongolu pakuwi yakamdumula mbapatiru, Ndambu irayi yomberi kagubutula ndiri mlomu gwakuwi.
他所誦讀的那段經正是：『他如同被牽去宰殺的羊，又像羔羊在剪毛者前緘默，他也同樣不開口。
33 Wamsoniziyiti na kunyima shakafiruwa. Kwahera yakaweza kuyowera kuusu shiyiwuku shakuwi. Kwa mana ukomu wakuwi uwusiwa pasipanu.”
在他屈辱之時，無人為他申辯。誰能描述他的後代呢﹖因為他的生命從地上被奪去了。』
34 Afisa ulii kamwankula Filipi, katakula, nukuluwa, mbuyi ayu, katakula visoweru avi kwa visoweru vya gaa, ndo visoweru vyakuwi mweni ama vya muntu mmonga
太監向斐理伯發言說：「請你說： 先知說這話是指誰呢﹖是指自己或是指別人﹖」
35 Filipi kanjiti kutakula, kanjiti kwa Malembu Mananagala galaa aga, kamgambiriti yomberi Shisoweru Shiwagira sha Yesu.
斐理伯便開口，從這段經文開始，給他宣講了耶穌的福音。
36 Pawaweriti wankali wakwendereya na mwanja, wasokiti pahala pana mashi, na afisa ulii katakula, “pahala panu pana mashi, kwana shoseri sha kunewelera nambatizwa?”
他們沿路前行的時候，來到了一個有水的地方，那太監就說：「看，這裏有水；還有什麼阻擋我受洗呢﹖」
37 Filipu katakula, Pagujimira kwa moyu gwaku goseri, iwezikana. Kankula, kalonga, njimira handa Yesu Kristu ndo Mwana gwa Mlungu.
[斐理伯答說：「你若全心相信，便可以。」他答說：「我信耶穌基督就是天主子。」]
38 Kaamuli mbutuka ilii igoloki, wasuluka woseri wawili mmashi, Filipi na towashi ulii, nayomberi kambatiza.
他就命車停住，斐理伯和太監兩人下到水中，斐理伯給他付了洗。
39 Shakapanu, pawakweniti kulawa mmashi, Rohu gwa Mtuwa kamnyasula Filipi, towashi ulii hapani kamwoni kayi, su kagenditi zakuwi kasekuseku.
當他們從水中上來的時候，主的神把斐理伯提去，太監就再看不見他了。他就喜喜歡歡地往前行自己的路。
40 Kumbiti Filipi kawonikana pakati pa Azotu, na pakaweriti pakapita pakabwera shisoweru shiwagira pakati palushi yoseri, ata kingira Kaisariya.
斐理伯卻出現在阿左托，以後經過各城，宣講福音，直到凱撒勒雅。
