Faarfannaa 98

1 Faarfannaa. Waaqayyoof faarfannaa haaraa faarfadhaa; inni dinqii hojjeteeratii; harki isaa inni mirgaatii fi irreen isaa qulqulluun, akka inni moʼannaa argatu godhaniiru.

“A psalm.” Oh sing unto the Lord a new song; for he hath done wonderful things: his right hand and his holy arm have gotten him the victory.

2 Waaqayyo akka fayyisuun isaa beekamu godheera; qajeelummaa isaas sabootatti mulʼiseera.

The Lord hath made known his salvation: before the eyes of the nations hath he revealed his righteousness.

3 Inni jaalala isaatii fi amanamummaa isaa mana Israaʼeliif yaadateera; daariin lafaa hundinuu, fayyisuu Waaqa keenyaa arganiiru.

He hath remembered his kindness and his truth toward the house of Israel: all the ends of the earth have seen the salvation of our God.

4 Lafti hundinuu Waaqayyoof ililchaa; faarfannaa gammachuutiin iyyaa; weedduu galataas weeddisaa;

Shout joyfully unto the Lord, all the lands: break forth, and rejoice, and sing praises.

5 baganaadhaan faarfannaa galataa, baganaa fi sagalee weedduutiin Waaqayyoof faarfadhaa;

Sing praises unto the Lord with the harp, —with the harp, and the voice of psalmody.

6 malakataa fi sagalee gaanfaatiin, fuula Waaqayyo mootichaa duratti ililchaa.

With trumpets and the sound of cornet shout joyfully before the King, the Lord.

7 Galaannii fi wanni isa keessa jiru hundinuu, addunyaa fi wanti ishee keessa jiraatu hundinuu haa huursan.

Let the sea roar, with all that filleth it; the world, with those that dwell therein.

8 Lageen harka isaanii haa rurrukutan; tulluuwwanis tokkummaadhaan haa ililchan;

Let the rivers clap their hands; let the mountains be joyful together,

9 isaan fuula Waaqayyoo duratti haa faarfatan; inni lafatti murteessuu ni dhufaatii. Inni addunyaaf qajeelummaadhaan, namootaaf immoo utuu wal hin caalchisin murtii kenna.

Before the Lord; for he cometh to judge the earth: he will judge the world with righteousness, and people with equity.