Faarfannaa 96

1 Faarfannaa haaraa Waaqayyoof faarfadhaa; lafti hundinuu Waaqayyoon faarfadhaa.

Sing to the Lord a new song, sing to the Lord, all the earth.

2 Waaqayyoon faarfadhaa; maqaa isaa eebbisaa; fayyisuu isaas guyyuma guyyaan labsaa.

Sing to the Lord, bless his name, from day to day herald his victory.

3 Ulfina isaa saboota gidduutti, hojii isaa dinqisiisaa sana immoo namoota hunda keessatti labsaa.

Tell his glory among the nations, his wonders among all peoples.

4 Waaqayyo guddaadhaatii galanni baayʼeen isaaf ni mala; inni waaqota hundaa olittis sodaatamuu qaba.

For great is the Lord and worthy all praise; held in awe, above all gods:

5 Waaqonni saboota ormaa hundinuu waaqota tolfamoodhaatii; Waaqayyo garuu samiiwwan uume.

for all the gods of the nations are idols, but the Lord created the heavens.

6 Miidhaginnii fi surraan fuula isaa dura jiru; jabinnii fi ulfinni iddoo qulqullummaa isaa keessa jiru.

Before him are splendor and majesty, beauty and strength in his holy place.

7 Yaa maatiiwwan sabootaa Waaqayyoof kennaa; ulfinaa fi jabina Waaqayyoof kennaa.

Ascribe to the Lord, you tribes of the nations, ascribe to the Lord glory and strength.

8 Ulfina maqaa isaatiif malu Waaqayyoof kennaa; aarsaa fidaatii oobdii isaa seenaa.

Ascribe to the Lord the glory he manifests: bring you an offering, enter his courts.

9 Bareedina qulqullummaa isaatiin Waaqayyoon waaqeffadhaa; isin lafti hundinuu fuula isaa duratti holladhaa.

Bow to the Lord in holy array: tremble before him, all the earth.

10 Saboota gidduutti, “Waaqayyo mootii dha” jedhaa; addunyaan jabaattee dhaabatteerti; sochoofamuus hin dandeessu. Inni qajeelummaadhaan sabootaaf murtii kenna.

Say to the nations, “The Lord is king.” The world stands firm to be shaken no more. He will judge the peoples with equity.

11 Samiiwwan haa ililchan; laftis haa gammaddu; galaannii fi wanni isa keessa jiru hundinuu haa huursu.

Let the heavens be glad and the earth rejoice, let the sea and its fulness thunder.

12 Dirreewwanii fi wanni isaan irra jiran hundinuu haa gammadan. Mukkeen bosonaa hundinuus gammachuudhaan haa faarfatan.

Let the field, and all that is in it, exult; let the trees of the forest ring out their joy

13 Uumamni hundi fuula Waaqayyoo duratti haa faarfatu; inni ni dhufaatii; inni lafatti murteessuuf ni dhufa. Addunyaatti qajeelummaadhaan, sabootatti immoo dhugaa isaatiin ni mura.

before the Lord: for he comes, he comes to judge the earth. He will judge the world with justice and the nations with faithfulness.