Faarfannaa 92

1 Faarfannaa Guyyaa Sanbataa Faarfatamu. Waaqayyoon, galateeffachuun, yaa Waaqa Waan Hundaa Olii, maqaa keetiif faarfachuun gaarii dha.

A Psalm [or] Song for the sabbath day. [It is a] good [thing] to give thanks unto the LORD, and to sing praises unto thy name, O most High:

2 Jaalala kee ganamaan, amanamummaa kees halkaniin labsuun,

To shew forth thy lovingkindness in the morning, and thy faithfulness every night,

3 kiraara ribuu kudhaniitiin, sagalee baganaatiinis labsuun gaarii dha.

Upon an instrument of ten strings, and upon the psaltery; upon the harp with a solemn sound.

4 Yaa Waaqayyo, ati hojii keetiin na gammachiiftaatii; ani sababii hojii harka keetiitiif gammachuudhaan nan faarfadha.

For thou, LORD, hast made me glad through thy work: I will triumph in the works of thy hands.

5 Yaa Waaqayyo, hojiin kee akkam guddaa dha; yaadni kees akkam gad fagoo dha!

O LORD, how great are thy works! [and] thy thoughts are very deep.

6 Namni qalbii hin qabne waan kana beekuu hin dandaʼu; gowwaanis hin hubatu;

A brutish man knoweth not; neither doth a fool understand this.

7 hamoonni yoo akkuma margaa biqilan iyyuu, jalʼoonni hundinuus yoo daraaran iyyuu, isaan bara baraan ni barbadaaʼu.

When the wicked spring as the grass, and when all the workers of iniquity do flourish; [it is] that they shall be destroyed for ever:

8 Yaa Waaqayyo, ati garuu bara baraan ol ol jetta.

But thou, LORD, [art most] high for evermore.

9 Yaa Waaqayyo, kunoo diinota kee, kunoo diinonni kee ni badu; warri jalʼina hojjetan hundinuus ni bittinneeffamu.

For, lo, thine enemies, O LORD, for, lo, thine enemies shall perish; all the workers of iniquity shall be scattered.

10 Ati gaanfa koo akka gaanfa gafarsaa ol ol qabde; zayitii haaraa natti dhangalaafte.

But my horn shalt thou exalt like [the horn of] an unicorn: I shall be anointed with fresh oil.

11 Iji koo moʼatamuu diinota koo argeera; gurri koos badiisa jalʼoota natti kaʼanii dhagaʼeera.

Mine eye also shall see [my desire] on mine enemies, [and] mine ears shall hear [my desire] of the wicked that rise up against me.

12 Qajeeltonni akkuma muka meexxii ni dagaagu; akkuma birbirsa Libaanoonitti ni guddatu;

The righteous shall flourish like the palm tree: he shall grow like a cedar in Lebanon.

13 isaan mana Waaqayyoo keessa dhaabamanii jiru; oobdii Waaqa keenyaa keessattis itti tolee misanii jiran.

Those that be planted in the house of the LORD shall flourish in the courts of our God.

14 Isaan amma iyyuu bara dullumaa keessa ija naqatu; gabbataniis dagaaganii jiraatu.

They shall still bring forth fruit in old age; they shall be fat and flourishing;

15 Isaanis, “Waaqayyo tolaa dha; inni Kattaa koo ti; hamminni isa keessa hin jiru” jedhanii labsu.

To shew that the LORD [is] upright: [he is] my rock, and [there is] no unrighteousness in him.