Faarfannaa 83
1 Faarfannaa Asaaf. Yaa Waaqi gab hin jedhin; yaa Waaqi, hin calʼisin; akkasumattis hin dhiisin.
Keep not thou silence, O God: hold not thy peace, and be not still, O God.
2 Diinonni kee akkam akka kakaʼan, warri si jibbanis akkam akka mataa ol qabatan ilaali.
For, lo, thine enemies make a tumult: and they that hate thee have lifted up the head.
3 Isaan saba keetti daba karoorfatu; warra ati eegdutti mariʼatu.
They have taken crafty counsel against thy people, and consulted against thy hidden ones.
4 Isaanis, “Kottaa akka maqaan Israaʼel lammata hin yaadatamneef, akka isaan saba hin taaneef isaan barbadeessinaa” jedhu.
They have said, Come, and let us cut them off from being a nation; that the name of Israel may be no more in remembrance.
5 Isaan yaada tokkoon walii galu; sittis ni gurmaaʼu;
For they have consulted together with one consent: they are confederate against thee:
6 isaanis dunkaanota Edoom, Ishmaaʼeeloota, Moʼaabii fi gosa Aggaar,
The tabernacles of Edom, and the Ishmaelites; of Moab, and the Hagarenes;
7 Gebaal, Amoonii fi Amaaleq, Filisxeemii fi namoota biyya Xiiroos wajjin turan.
Gebal, and Ammon, and Amalek; the Philistines with the inhabitants of Tyre;
8 Warri Asooriis, ilmaan Looxiitiif irree jabaa taʼuudhaaf isaanitti makaman.
Assur also is joined with them: they have holpen the children of Lot. (Selah)
9 Ati akkuma Midiyaanin goote, akkuma laga Qiishooniitti Siisaaraa fi Yaabiinin goote sana isaan godhi;
Do unto them as unto the Midianites; as to Sisera, as to Jabin, at the brook of Kison:
10 isaan Eendooritti dhumanii akkuma kosii lafaa taʼan.
Which perished at Endor: they became as dung for the earth.
11 Gurguddoota isaanii akka Hereebiitii fi Zeʼeeb, ilmaan mootota isaanii immoo akka Zebaa fi Zalmunaa godhi;
Make their nobles like Oreb, and like Zeeb: yea, all their princes as Zebah, and as Zalmunna:
12 isaan warra, “Kottaa, lafa tika Waaqaa fudhannee kan dhuunfaa keenyaa godhannaa” jedhanii dha.
Who said, Let us take to ourselves the houses of God in possession.
13 Yaa Waaqa ko, akka awwaara bubbeen fudhatuu, akka habaqii qilleensi bittinneessuu isaan godhi.
O my God, make them like a wheel; as the stubble before the wind.
14 Akkuma ibiddi bosona balleessu, yookaan akkuma arrabni ibiddaa tulluuwwan gubu,
As the fire burneth a wood, and as the flame setteth the mountains on fire;
15 atis akkasuma aarii keetiin isaan gugsi; bubbee keetiin isaan sodaachisi.
So persecute them with thy tempest, and make them afraid with thy storm.
16 Yaa Waaqayyo, akka isaan maqaa kee barbaaddataniif, fuula isaanii qaaniin haguugi.
Fill their faces with shame; that they may seek thy name, O Yhwh.
17 Isaan yeroo hunda qaanaʼanii haa dhiphatan; salphinaanis haa badan.
Let them be confounded and troubled for ever; yea, let them be put to shame, and perish:
18 Isaan akka ati kan maqaan kee Waaqayyo taʼe sun qofti, lafa hundumaa irratti Waaqa Waan Hundaa Olii taate haa beekan.
That men may know that thou, whose name alone is Yhwh, art the most high over all the earth.
