Faarfannaa 81
1 Dura Buʼaa Faarfattootaatiif. Faarfannaa Asaaf Kan Gitiitiidhaan Faarfatamu. Waaqa jabina nuu taʼeef gammachuudhaan faarfadhaa; Waaqa Yaaqoobiitiif gammachuudhaan ililchaa!
| למנצח על הגתית לאסף הרנינו לאלהים עוזנו הריעו לאלהי יעקב׃ |
2 Faarfachuu jalqabaa; dibbees rukutaa; baganaa fi kiraara sagalee gaarii qabu rukutaa.
| שאו זמרה ותנו תף כנור נעים עם נבל׃ |
3 Yeroo Baatiin dhalattu, yommuu jiʼi goobanutti, guyyaa ayyaana keenyaa malakata afuufaa;
| תקעו בחדש שופר בכסה ליום חגנו׃ |
4 kun seera Israaʼeliif kenname, ajaja Waaqa Yaaqoob.
| כי חק לישראל הוא משפט לאלהי יעקב׃ |
5 Inni yeroo biyya Gibxi dhaʼuuf baʼetti, waan kana Yoosefiif seera godhee dhaabe. Anis afaan duraan hin beekin tokko dhagaʼe.
| עדות ביהוסף שמו בצאתו על ארץ מצרים שפת לא ידעתי אשמע׃ |
6 Innis akkana jedhe; “Ani gatiittii isaanii irraa baʼaa buuseera; harki isaanis guuboo baachuu jalaa baʼe.
| הסירותי מסבל שכמו כפיו מדוד תעברנה׃ |
7 Ati dhiphina kee keessatti na waammatte; anis sin oolche; anis lafa bakakkaan itti dhokatu keessaa deebii siifin kenne; bishaan Mariibaa birattis sin qore.
| בצרה קראת ואחלצך אענך בסתר רעם אבחנך על מי מריבה סלה׃ |
8 “Yaa saba koo dhagaʼi; ani siin akeekkachiisa; yaa Israaʼel ati utuu na dhaggeeffate!
| שמע עמי ואעידה בך ישראל אם תשמע לי׃ |
9 Waaqni ormaa tokko iyyuu isin gidduu hin jiraatin; ana malee waaqa biraa hin waaqeffatin.
| לא יהיה בך אל זר ולא תשתחוה לאל נכר׃ |
10 Ani Waaqayyo Waaqa kee, kan Gibxii baasee isin fidee dha. Afaan kee balʼisii banadhu; ani nan guutaa.
| אנכי יהוה אלהיך המעלך מארץ מצרים הרחב פיך ואמלאהו׃ |
11 “Sabni koo garuu na hin dhaggeeffanne; Israaʼel anaaf hin bulle.
| ולא שמע עמי לקולי וישראל לא אבה לי׃ |
12 Kanaafuu ani akka isaan karaa fedhii isaanii deemaniif dabarsee mata jabina isaaniitti isaan kenne.
| ואשלחהו בשרירות לבם ילכו במועצותיהם׃ |
13 “Utuu sabni koo na dhaggeeffatee, utuu Israaʼel karaa koo irra deemee jiraatee,
| לו עמי שמע לי ישראל בדרכי יהלכו׃ |
14 ani silaa akkam dafee diinota isaanii jilbeenfachiisee harka koos amajaajota isaaniitti nan kaasa ture!
| כמעט אויביהם אכניע ועל צריהם אשיב ידי׃ |
15 Warri Waaqayyoon jibban fuula isaa duratti ni gugguufu; adabbiin isaaniis bara baraan itti fufa.
| משנאי יהוה יכחשו לו ויהי עתם לעולם׃ |
16 Ani garuu qamadii qulqulluu isin soora; damma kattaa keessaa baafames isinan quubsa.”
| ויאכילהו מחלב חטה ומצור דבש אשביעך׃ |
