Faarfannaa 80
1 Dura Buʼaa Faarfattootaatiif. Yeedaloo, “Daraaraa Kakuutiin” Faarfatame. Faarfannaa Asaaf. Yaa tiksee saba Israaʼel, kan akkuma bushaayeetti Yoosefin geggeessitu nu dhagaʼi; ati kan kiirubeel gidduu teessoo irra teessu, ifiitii mulʼadhu.
| למנצח אל ששנים עדות לאסף מזמור רעה ישראל האזינה נהג כצאן יוסף ישב הכרובים הופיעה׃ |
2 Fuula Efreem, Beniyaamii fi Minaasee duratti humna kee sochoosi; kottuutii nu fayyisi.
| לפני אפרים ובנימן ומנשה עוררה את גבורתך ולכה לישעתה לנו׃ |
3 Yaa Waaqi, iddoo keenyatti nu deebisi; akka fayyinuufis fuula kee nurratti ibsi.
| אלהים השיבנו והאר פניך ונושעה׃ |
4 Yaa Waaqayyo, Waaqa Waan Hunda Dandeessu, ati hamma yoomiitti kadhannaa saba keetiitti aarta?
| יהוה אלהים צבאות עד מתי עשנת בתפלת עמך׃ |
5 Ati buddeena imimmaanii isaan nyaachifte; imimmaan waciitii guutuus isaan obaafte.
| האכלתם לחם דמעה ותשקמו בדמעות שליש׃ |
6 Ati akka olloonni keenya nu tuffatan goote; diinonni keenyas nutti qoosu.
| תשימנו מדון לשכנינו ואיבינו ילעגו למו׃ |
7 Yaa Waaqa Waan Hunda Dandeessu, iddoo keenyatti nu deebisi; akka nu fayyinuufis fuula kee nurratti ibsi.
| אלהים צבאות השיבנו והאר פניך ונושעה׃ |
8 Ati muka wayinii biyya Gibxii buqqiftee fidde; ormootas ariitee muka sana dhaabde.
| גפן ממצרים תסיע תגרש גוים ותטעה׃ |
9 Mukichaafis lafa qopheessite; mukni sunis hidda gad fageeffatee biyyattii guute.
| פנית לפניה ותשרש שרשיה ותמלא ארץ׃ |
10 Tulluuwwan gaaddisa isaatiin, birbirsawwan gurguddaanis dameewwan isaatiin haguugaman.
| כסו הרים צלה וענפיה ארזי אל׃ |
11 Innis dameewwan isaa gara Galaanaatti, lata isaas hamma Lagaatti diriirfate.
| תשלח קצירה עד ים ואל נהר יונקותיה׃ |
12 Yoos ati maaliif akka namni achiin darbu hundinuu ija isaa ciratu gochuuf jettee dallaa isaa diigde ree?
| למה פרצת גדריה וארוה כל עברי דרך׃ |
13 Kormi booyyee bosona keessaa baʼee isa ni balleessa; bineensi dirrees isa ni nyaata.
| יכרסמנה חזיר מיער וזיז שדי ירענה׃ |
14 Yaa Waaqa Waan Hunda Dandeessu, si kadhannaa gara keenyatti deebiʼi! Samii irraa gad ilaalii argi! Muka wayinii kana eegi;
| אלהים צבאות שוב נא הבט משמים וראה ופקד גפן זאת׃ |
15 mukni kun muka wayinii kan harki kee mirgaa dhaabee dha; biqiltuu ati ofii keetiif guddifattee dha.
| וכנה אשר נטעה ימינך ועל בן אמצתה לך׃ |
16 Wayiniin kee ciramee ibiddaan gubameera; sabni kees dheekkamsa keetiin bada.
| שרפה באש כסוחה מגערת פניך יאבדו׃ |
17 Harki kee namicha karaa harka kee mirgaa jiru irra, ilma namaa kan ati ofii keetiif guddifatte irra haa boqotu.
| תהי ידך על איש ימינך על בן אדם אמצת לך׃ |
18 Yoos nu sirraa hin garagallu; jireenya nuu kenni; nus maqaa kee ni waammannaa.
| ולא נסוג ממך תחינו ובשמך נקרא׃ |
19 Yaa Waaqayyo, Waaqa Waan Hunda Dandeessu iddoo keenyatti nu deebisi; akka nu fayyinuufis fuula kee nurratti ibsi.
| יהוה אלהים צבאות השיבנו האר פניך ונושעה׃ |
