Faarfannaa 8

1 Dura buʼaa faarfattootaatiif. Faarfannaa Daawit kan Gitiitiidhaan faarfatamu. Yaa Waaqayyo Gooftaa keenya, maqaan kee lafa hundatti akkam ulfina qabeessa! Ati ulfina kee samiiwwan irratti diriirsiteerta.

“For the leader of the music; to be accompanied with the gittith. A psalm of David.” O Jehovah, our Lord! How excellent is thy name in all the earth! Thou hast set thy glory above the heavens.

2 Sababii diinota keetiitiif, amajaajii fi nama haaloo baafatu afaan qabachiisuuf jettee, afaan daaʼimmaniitii fi mucoolii harma hodhanii irraa galata qopheessiteerta.

Out of the mouths of babes and sucklings hast thou ordained praise, To put thine adversaries to shame, And to silence the enemy and avenger.

3 Yommuu ani hojii quba keetii, samiiwwan kee, jiʼaa fi urjiiwwan ati hundeessitee ilaalutti,

When I consider thy heavens, the work of thy fingers, The moon and the stars which thou hast ordained:

4 akka ati isaaf yaadduuf namni maali? Akka isaaf dhimmituuf ilmi namaa maali?

What is man, that thou art mindful of him, And the son of man, that thou carest for him?

5 Ati xinnoo ishee ofii keetii gad isa goote; ulfinaa fi kabajaan isa gonfite.

Yet thou hast made him little lower than God; Thou hast crowned him with glory and honor.

6 Hojii harka keetii irratti bulchaa isa goote; waan hundas miilla isaa jala galchite;

Thou hast given him dominion over the works of thy hands; Thou hast put all things under his feet, —

7 bushaayee fi loon hunda, bineensota bosonaas,

All sheep and oxen, Yea, and the beasts of the forest;

8 simbirroota samii irraa, qurxummii galaanaa, waan daandii galaanaatiin darbu hundas miilla isaa jala galchite.

The birds of the air, and the fishes of the sea, And whatever passeth through the paths of the deep.

9 Yaa Waaqayyo Gooftaa keenya, maqaan kee lafa hundumaa irratti akkam ulfina qabeessa!

O Jehovah, our Lord, How excellent is thy name in all the earth!