Faarfannaa 69
1 Dura buʼaa faarfattootaatiif. Yeedaloo “Daraaraatiin.” Faarfannaa Daawit. Yaa Waaqi, ati na baasi; bishaan ol dhufee morma na gaʼeeraatii.
| למנצח על שושנים לדוד הושיעני אלהים כי באו מים עד נפש׃ |
2 Ani raaree keessa, lafa iddoon miilla dhaabatan hin jirre keessa seeneera. Ani tuujuba bishaanii keessa seeneera; lolaanis narra garagaleera.
| טבעתי ביון מצולה ואין מעמד באתי במעמקי מים ושבלת שטפתני׃ |
3 Ani iyyuudhaan dadhabeera; laagaan koo babbaqaqeera; iji koo, Waaqa koo eeggachuudhaan dadhabeera.
| יגעתי בקראי נחר גרוני כלו עיני מיחל לאלהי׃ |
4 Warri lafumaa kaʼanii na jibban rifeensa mataa kootii caalaa baayʼatu; warri na ajjeesuu barbaadan, warri akkasumaan diina koo taʼan baayʼee dha. Ani akkan waan hin hatin deebisu dirqameera.
| רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃ |
5 Yaa Waaqi, ati gowwummaa koo ni beekta; yakki koos si duraa hin dhokatu.
| אלהים אתה ידעת לאולתי ואשמותי ממך לא נכחדו׃ |
6 Yaa Gooftaa, Waaqayyo Waan Hunda Dandeessu, warri abdii sirra kaaʼatan, sababii kootiif hin qaanaʼin; yaa Waaqa Israaʼel, warri si barbaadan, sababii kootiif hin qaaneffamin.
| אל יבשו בי קויך אדני יהוה צבאות אל יכלמו בי מבקשיך אלהי ישראל׃ |
7 Ani siif jedhee tuffii obseeraatii; qaaniinis fuula koo haguugeera.
| כי עליך נשאתי חרפה כסתה כלמה פני׃ |
8 Ani obboloota kootti keessummaa, ilmaan haadha kootiittis alagaa dha;
| מוזר הייתי לאחי ונכרי לבני אמי׃ |
9 Hinaaffaan mana keetii na guggubeeraatii; arrabsoon warra si arrabsaniis narra buʼeera.
| כי קנאת ביתך אכלתני וחרפות חורפיך נפלו עלי׃ |
10 Booʼuu fi soomuun koo, arrabsoo natti taʼe.
| ואבכה בצום נפשי ותהי לחרפות לי׃ |
11 Yommuu ani wayyaa gaddaa uffadhetti, namoonni natti qoosu.
| ואתנה לבושי שק ואהי להם למשל׃ |
12 Warri karra dura tataaʼan natti qoosu; machooftonnis waaʼee kootiin sirbu.
| ישיחו בי ישבי שער ונגינות שותי שכר׃ |
13 Ani garuu yaa Waaqayyo, yeroo ati filattutti sin kadhadha; yaa Waaqi, jaalala kee guddichaan fayyina kee kan dhugaatiinis deebii naaf kenni.
| ואני תפלתי לך יהוה עת רצון אלהים ברב חסדך ענני באמת ישעך׃ |
14 Akka ani hin liqimfamneef, raaree keessaa na baasi; warra na jibban jalaa, bishaanota gad fagoo keessaas na baasi.
| הצילני מטיט ואל אטבעה אנצלה משנאי וממעמקי מים׃ |
15 Ati akka lolaan na hin fudhanne, akka tuujubni na hin liqimsine, akka boollis afaan isaa natti hin cufanne godhi.
| אל תשטפני שבלת מים ואל תבלעני מצולה ואל תאטר עלי באר פיה׃ |
16 Yaa Waaqayyo, gaarummaa jaalala keetiitiin deebii naaf kenni; araara kee guddichaanis natti garagali.
| ענני יהוה כי טוב חסדך כרב רחמיך פנה אלי׃ |
17 Fuula kee tajaajilaa kee duraa hin dhokfatin; waan ani rakkina keessa jiruuf dafiitii deebii naaf kenni.
| ואל תסתר פניך מעבדך כי צר לי מהר ענני׃ |
18 Natti dhiʼaadhuutii na furi; xiiqii diinota kootiif jedhii na baasi.
| קרבה אל נפשי גאלה למען איבי פדני׃ |
19 Ati akka ani hammam tuffatamee, salphifamee fi akka ani qaaneffame ni beekta; diinonni koo hundinuus fuula koo dura jiru.
| אתה ידעת חרפתי ובשתי וכלמתי נגדך כל צוררי׃ |
20 Arrabsoon garaa koo cabse; anis abdii kutadheera. Ani nama garaa naaf laafu nan barbaade; garuu nan dhabe; nama na jajjabeessus nan barbaade; garuu tokko illee hin arganne.
| חרפה שברה לבי ואנושה ואקוה לנוד ואין ולמנחמים ולא מצאתי׃ |
21 Nyaata kootti hadhooftuu makan; akka ani dhuguuf immoo waan dhangaggaaʼaa naa kennan.
| ויתנו בברותי ראש ולצמאי ישקוני חמץ׃ |
22 Maaddiin isaanii iddaa isaanitti haa taʼu; adabaa fi kiyyoo isaanitti haa taʼu.
| יהי שלחנם לפניהם לפח ולשלומים למוקש׃ |
23 Akka arguu hin dandeenyeef iji isaanii haa haguuggamu; dugdi isaaniis bara baraan haa goophatu.
| תחשכנה עיניהם מראות ומתניהם תמיד המעד׃ |
24 Dheekkamsa kee isaan irratti dhangalaasi; aariin kee bobaʼaan sunis isaan irra haa buʼu.
| שפך עליהם זעמך וחרון אפך ישיגם׃ |
25 Qeʼeen isaanii haa onu; namni dunkaana isaanii keessa jiraatu tokko iyyuu hin hafin.
| תהי טירתם נשמה באהליהם אל יהי ישב׃ |
26 Isaan warra ati madeessite sana ni ariʼatuutii; waaʼee dhukkubbii warra ati miite sanaas ni odeessu.
| כי אתה אשר הכית רדפו ואל מכאוב חלליך יספרו׃ |
27 Yakka irratti yakka isaanitti dabali; isaan gara qajeelumma keetii hin dhufin.
| תנה עון על עונם ואל יבאו בצדקתך׃ |
28 Maqaan isaanii kitaaba jireenyaa keessaa haa haqamu; qajeeltota wajjinis hin galmeeffamin.
| ימחו מספר חיים ועם צדיקים אל יכתבו׃ |
29 Ani garuu dhiphinaa fi rakkina keessan jira; yaa Waaqi, fayyinni kee ol na haa qabu.
| ואני עני וכואב ישועתך אלהים תשגבני׃ |
30 Ani faarfannaadhaan maqaa Waaqaa nan galateeffadha; galataanis ulfina nan kennaaf.
| אהללה שם אלהים בשיר ואגדלנו בתודה׃ |
31 Kunis sangaa caalaa, korma gaanfaa fi kottee qabu dhiʼeessuu caalaa Waaqayyoon gammachiisa.
| ותיטב ליהוה משור פר מקרן מפריס׃ |
32 Hiyyeeyyiin waan kana arganii ni gammadu; isin warri Waaqa barbaaddan garaan keessan jiraata haa taʼu!
| ראו ענוים ישמחו דרשי אלהים ויחי לבבכם׃ |
33 Waaqayyo rakkattoota ni dhagaʼa; namoota isaa warra hidhamanis hin tuffatu.
| כי שמע אל אביונים יהוה ואת אסיריו לא בזה׃ |
34 Samii fi lafti, galaanonnii fi wanni isaan keessa jiraatan hundinuu isa haa leellissan.
| יהללוהו שמים וארץ ימים וכל רמש בם׃ |
35 Waaqni Xiyoonin ni fayyisaatii; magaalaawwan Yihuudaas deebisee ni ijaara. Sabni isaas achi qubata; ni dhaalas.
| כי אלהים יושיע ציון ויבנה ערי יהודה וישבו שם וירשוה׃ |
36 Sanyiin tajaajiltoota isaa magaalattii ni dhaalu; warri maqaa isaa jaallatanis achi jiraatu.
| וזרע עבדיו ינחלוה ואהבי שמו ישכנו בה׃ |
