Faarfannaa 56

1 Dura buʼaa faarfattootaatiif. Yeedaloo “Gugee Qilxuu Fagoo irraa” jedhuun faarfatame. Miiktaamii Faarfannaa Daawit. Innis yeroo Filisxeemonni Gaati keessatti isa qaban faarfate. Yaa Waaqi na maari; diinonni koo akka malee na ariʼu; guyyaa guutuus na cunqursu.

For the Chief Musician. To the tune of “Silent Dove in Distant Lands.” A poem by David, when the Philistines seized him in Gath. Be merciful to me, God, for man wants to swallow me up. All day long, he attacks and oppresses me.

2 Diinonni koo guyyaa guutuu na gaadu; namoonni baayʼeen of tuulummaadhaan na lolu.

My enemies want to swallow me up all day long, for they are many who fight proudly against me.

3 Ani yommuun sodaadhutti sin amanadha.

When I am afraid, I will put my trust in you.

4 Waaqa ani dubbii isaa jajadhu, Waaqa nan amanadha; homaa hin sodaadhu. Namni duʼa hin oolle maal na gochuu dandaʼa?

In God, I praise his word. In God, I put my trust. I will not be afraid. What can flesh do to me?

5 Isaan guyyaa guutuu dubbii koo micciiru; na miidhuudhaafis yeroo hunda natti malatu.

All day long they twist my words. All their thoughts are against me for evil.

6 Isaan ni mariʼatu; ni riphus; lubbuu koo galaafachuuf jedhanii tarkaanfii koo eeggatu.

They conspire and lurk, watching my steps. They are eager to take my life.

7 Sababii hammina isaaniitiif akka isaan miliqan hin godhin; yaa Waaqi, dheekkamsa keetiin saboota gad deebisi.

Shall they escape by iniquity? In anger cast down the peoples, God.

8 Gadadamu koo galmeessi; imimmaan koos kitaaba kee keessatti barreessi; isaan galmee kee keessa jiru mitii?

You count my wanderings. You put my tears into your container. Are not they in your book?

9 Yommuu ani gargaarsaaf si waammadhutti, diinonni koo dugda duuba deebiʼu. Anis kanaan akka Waaqni na wajjin jiru beeka.

Then my enemies shall turn back in the day that I call. I know this: that God is for me.

10 Waaqa ani dubbii isaa jajadhu, Waaqayyo ani dubbii isaa jajadhu,

In God, I will praise his word. In the LORD, I will praise his word.

11 Waaqa nan amanadha; ani homaa hin sodaadhu. Namni maal na gochuu dandaʼa?

I have put my trust in God. I will not be afraid. What can man do to me?

12 Yaa Waaqi wareegni kee narra jira; aarsaa galataas siif nan dhiʼeessa.

Your vows are on me, God. I will give thank offerings to you.

13 Akka ani fuula Waaqaa dura, ifa jireenyaa keessa deddeebiʼuuf, ati lubbuu koo duʼa jalaa, miilla koos gufachuu oolchiteertaatii.

For you have delivered my soul from death, and prevented my feet from falling, that I may walk before God in the light of the living.