Faarfannaa 5

1 Faarfannaa Daawitii kan ululleedhaan faarfatamu. Yaa Waaqayyo, gurra kee dubbii kootti qabi; aaduu koo illee naa hubadhu.

למנצח אל-הנחילות מזמור לדוד ב אמרי האזינה יהוה בינה הגיגי

2 Yaa mootii koo fi Waaqa ko, iyya ani gargaarsaaf iyyadhu dhaggeeffadhu; ani sin kadhadhaatii.

הקשיבה לקול שועי--מלכי ואלהי כי-אליך אתפלל

3 Yaa Waaqayyo, ganamaan sagalee koo ni dhageessa; anis ganamaan kadhata koo fuula kee duratti nan dhiʼeessa; abdiidhaanis nan eeggadha.

יהוה--בקר תשמע קולי בקר אערך-לך ואצפה

4 Ati Waaqa hamminatti gammadu miti; hamaanis si wajjin hin jiraatu.

כי לא אל חפץ רשע אתה לא יגרך רע

5 Of tuultonni fuula kee dura dhaabachuu hin dandaʼan. Atis warra jalʼina hojjetan hunda ni jibbita;

לא-יתיצבו הוללים לנגד עיניך שנאת כל-פעלי און

6 Ati warra soba dubbatan ni balleessita. Waaqayyo warra dhiiga dheebotanii fi warra nama gowwoomsan ni xireeffata.

תאבד דברי כזב איש-דמים ומרמה יתעב יהוה

7 Ani garuu araara kee baayʼee sanaan mana keetti ol nan gala; si sodaachuudhaanis gad jedhee gara mana qulqullummaa kee qulqulluu sanaatti garagalee nan sagada.

ואני--ברב חסדך אבוא ביתך אשתחוה אל-היכל-קדשך ביראתך

8 Yaa Waaqayyo, sababii diinota kootiif jedhiitii qajeelummaa keetiin na dura buʼi; karaa kees fuula koo duratti naa qajeelchi.

יהוה נחני בצדקתך--למען שוררי הושר (הישר) לפני דרכך

9 Dubbiin afaan isaaniitii baʼu tokko iyyuu hin amanamu; garaan isaanii badiisaan guutameera. Laagaan isaanii awwaala banamaa dha; arraba isaaniitiin ni sobu.

כי אין בפיהו נכונה--קרבם הוות קבר-פתוח גרנם לשונם יחליקון

10 Yaa Waaqayyo, yakkitoota taʼuu isaanii isaanitti beeksisi! Daba isaaniitiinis haa kufan. Baayʼina cubbuu isaaniitiin isaan balleessi; isaan sitti fincilaniiruutii.

האשימם אלהים-- יפלו ממעצותיהם ברב פשעיהם הדיחמו-- כי-מרו בך

11 Warri kooluu sitti galan hundinuu garuu haa gammadan; bara baraanis gammachuudhaan haa faarfatan. Akka warri maqaa kee jaallatan sitti gammadaniif ati eegumsa kee isaan irra diriirsi.

וישמחו כל-חוסי בך לעולם ירננו-- ותסך עלימו ויעלצו בך אהבי שמך

12 Yaa Waaqayyo, ati qajeeltota ni eebbiftaatii; akka gaachanaattis surraa keetiin isaan marsita.

כי-אתה תברך צדיק יהוה--כצנה רצון תעטרנו