Faarfannaa 5

1 Faarfannaa Daawitii kan ululleedhaan faarfatamu. Yaa Waaqayyo, gurra kee dubbii kootti qabi; aaduu koo illee naa hubadhu.

For the end, a Psalm of David, concerning her that inherits. Listen to my words, O Lord, attend to my cry.

2 Yaa mootii koo fi Waaqa ko, iyya ani gargaarsaaf iyyadhu dhaggeeffadhu; ani sin kadhadhaatii.

Attend to the voice of my supplication, my King, and my God: for to you, O Lord, will I pray.

3 Yaa Waaqayyo, ganamaan sagalee koo ni dhageessa; anis ganamaan kadhata koo fuula kee duratti nan dhiʼeessa; abdiidhaanis nan eeggadha.

In the morning you shall hear my voice: in the morning will I wait upon you, and will look up.

4 Ati Waaqa hamminatti gammadu miti; hamaanis si wajjin hin jiraatu.

For you are not a god that desires iniquity; neither shall the worker of wickedness dwell with you.

5 Of tuultonni fuula kee dura dhaabachuu hin dandaʼan. Atis warra jalʼina hojjetan hunda ni jibbita;

Neither shall the transgressors continue in your sight: you hate, O Lord, all them that work iniquity.

6 Ati warra soba dubbatan ni balleessita. Waaqayyo warra dhiiga dheebotanii fi warra nama gowwoomsan ni xireeffata.

You will destroy all that speak falsehood: the Lord abhors the bloody and deceitful man.

7 Ani garuu araara kee baayʼee sanaan mana keetti ol nan gala; si sodaachuudhaanis gad jedhee gara mana qulqullummaa kee qulqulluu sanaatti garagalee nan sagada.

But I will enter into your house in the multitude of your mercy: I will worship in your fear toward your holy temple.

8 Yaa Waaqayyo, sababii diinota kootiif jedhiitii qajeelummaa keetiin na dura buʼi; karaa kees fuula koo duratti naa qajeelchi.

Lead me, O Lord, in your righteousness because of mine enemies; make my way plain before your face.

9 Dubbiin afaan isaaniitii baʼu tokko iyyuu hin amanamu; garaan isaanii badiisaan guutameera. Laagaan isaanii awwaala banamaa dha; arraba isaaniitiin ni sobu.

For there is no truth in their mouth; their heart is vain; their throat is an open sepulchre; with their tongues they have used deceit.

10 Yaa Waaqayyo, yakkitoota taʼuu isaanii isaanitti beeksisi! Daba isaaniitiinis haa kufan. Baayʼina cubbuu isaaniitiin isaan balleessi; isaan sitti fincilaniiruutii.

Judge them, O God; let them fail of their counsels: cast them out according to the abundance of their ungodliness; for they have provoked you, O Lord.

11 Warri kooluu sitti galan hundinuu garuu haa gammadan; bara baraanis gammachuudhaan haa faarfatan. Akka warri maqaa kee jaallatan sitti gammadaniif ati eegumsa kee isaan irra diriirsi.

But let all that trust on you be glad in you: they shall exult for ever, and you shall dwell among them; and all that love your name shall rejoice in you.

12 Yaa Waaqayyo, ati qajeeltota ni eebbiftaatii; akka gaachanaattis surraa keetiin isaan marsita.

For you, Lord, shall bless the righteous: you have compassed us as with a shield of favor.