Faarfannaa 47

1 Dura buʼaa faarfattootaatiif. Faarfannaa Ilmaan Qooraahi. Isin saboonni hundinuu harka keessan rukutaa; sagalee ol fudhadhaatii gammachuudhaan Waaqaaf ililchaa.

For the Chief Musician; a Psalm of the sons of Korah. O clap your hands, all ye peoples; shout unto God with the voice of triumph.

2 Waaqayyo Waaqa Waan Hundaa Olii, Mootichi guddaan lafa hundumaa, sodaachisaadhaatii!

For the LORD Most High is terrible; he is a great King over all the earth.

3 Inni saboota nu jala, namootas miilla keenya jala galcheera.

He shall subdue the peoples under us, and the nations under our feet.

4 Innis nu warra Yaaqoob isa inni jaallate sanaaf ulfina taaneef, dhaala keenya nuu fileera.

He shall choose our inheritance for us, the excellency of Jacob whom he loved. (Selah)

5 Waaqni ililleedhaan, Waaqayyo sagalee malakataatiin ol baʼe.

God is gone up with a shout, the LORD with the sound of a trumpet.

6 Faarfannaa galataa Waaqaaf faarfadhaa; faarfannaa galataa faarfadhaa; faarfannaa galataa Mootii keenyaaf faarfadhaa; faarfannaa galataa faarfadhaa.

Sing praises to God, sing praises: sing praises unto our King, sing praises.

7 Waaqni Mootii lafa hundaa ti; faarfannaa galataa hubannaadhaan faarfadhaa.

For God is the King of all the earth: sing ye praises with understanding.

8 Waaqni saboota irratti Mootii dha; Waaqni teessoo isaa qulqulluu irra taaʼeera.

God reigneth over the nations: God sitteth upon his holy throne.

9 Qondaaltonni sabootaa, akkuma saba Waaqa Abrahaamitti walitti qabamu; mootonni lafa irraa kan Waaqaatii; innis guddisee ol ol jedheera.

The princes of the peoples are gathered together [to be] the people of the God of Abraham: for the shields of the earth belong unto God; he is greatly exalted.