Faarfannaa 47

1 Dura buʼaa faarfattootaatiif. Faarfannaa Ilmaan Qooraahi. Isin saboonni hundinuu harka keessan rukutaa; sagalee ol fudhadhaatii gammachuudhaan Waaqaaf ililchaa.

“For the leader of the music. A psalm of the sons of Korah.” O clap your hands, all ye nations! Shout unto God with the voice of triumph!

2 Waaqayyo Waaqa Waan Hundaa Olii, Mootichi guddaan lafa hundumaa, sodaachisaadhaatii!

For terrible is Jehovah, the Most High, The great king over all the earth.

3 Inni saboota nu jala, namootas miilla keenya jala galcheera.

He hath subdued nations under us, And kingdoms under our feet;

4 Innis nu warra Yaaqoob isa inni jaallate sanaaf ulfina taaneef, dhaala keenya nuu fileera.

He hath chosen for us an inheritance, The glory of Jacob, whom he loved. (Pause)

5 Waaqni ililleedhaan, Waaqayyo sagalee malakataatiin ol baʼe.

God goeth up with a shout; Jehovah with the sound of the trumpet.

6 Faarfannaa galataa Waaqaaf faarfadhaa; faarfannaa galataa faarfadhaa; faarfannaa galataa Mootii keenyaaf faarfadhaa; faarfannaa galataa faarfadhaa.

Sing praises to God, sing praises! Sing praises to our king, sing praises!

7 Waaqni Mootii lafa hundaa ti; faarfannaa galataa hubannaadhaan faarfadhaa.

For God is king of all the earth; Sing to him hymns of praise!

8 Waaqni saboota irratti Mootii dha; Waaqni teessoo isaa qulqulluu irra taaʼeera.

God reigneth over the nations; God sitteth upon his holy throne.

9 Qondaaltonni sabootaa, akkuma saba Waaqa Abrahaamitti walitti qabamu; mootonni lafa irraa kan Waaqaatii; innis guddisee ol ol jedheera.

The princes of the nations gather themselves together To the people of the God of Abraham; For the mighty of the earth belong to God; He is supremely exalted.