Faarfannaa 41

1 Dura buʼaa faarfattootaatiif. Faarfannaa Daawit. Namni hiyyeessaaf yaadu eebbifamaa dha; guyyaa rakkinaatti Waaqayyo isa ni oolcha.

For the Chief Musician. A Psalm of David. Blessed is he that considereth the poor: the LORD will deliver him in the day of evil.

2 Waaqayyo isa ni eega; bara jireenya isaas ni dheeressa; lafa irratti isa eebbisa; hawwii diinota isaattis dabarsee isa hin kennu.

The LORD will preserve him, and keep him alive, and he shall be blessed upon the earth; and deliver not thou him unto the will of his enemies.

3 Waaqayyo siree inni dhukkubsatee irra ciisu irratti isa kunuunsa; fayyisees siree dhukkubaa irraa isa ni kaasa.

The LORD will support him upon the couch of languishing: thou makest all his bed in his sickness.

4 Anis, “Yaa Waaqayyo na maari; ani cubbuu sitti hojjedheeraatii na fayyisi” nan jedhe.

I said, O LORD, have mercy upon me: heal my soul; for I have sinned against thee.

5 Diinonni koo hamminaan, “Inni yoom duʼee maqaan isaa lafa irraa bada?” jedhanii waaʼee koo dubbatu.

Mine enemies speak evil against me, [saying], When shall he die, and his name perish?

6 Namni tokko yeroo na gaafachuu dhufutti, utuma garaa isaatti hammina kuufatee qabuu, sobee dubbata; gad baʼees iddoo hundumatti odeessa.

And if he come to see [me], he speaketh vanity; his heart gathereth iniquity to itself: when he goeth abroad, he telleth it.

7 Warri na jibban hundinuu waaʼee koo walitti hasaasu; waan akka malee hamaa taʼes natti mariʼatu.

All that hate me whisper together against me: against me do they devise my hurt.

8 Isaanis, “Dhukkubni hamaan isa qabateera; inni siʼachi iddoo ciisu sanaa hin kaʼu” jedhu.

An evil disease, [say they], cleaveth fast unto him: and now that he lieth he shall rise up no more.

9 Michuun koo inni natti dhiʼaatu, inni ani amanadhe, inni buddeena koo nyaate koomee isaa natti ol fudhate.

Yea, mine own familiar friend, in whom I trusted, which did eat of my bread, hath lifted up his heel against me.

10 Ati garuu yaa Waaqayyo na baasi; akka ani haaloo baafadhuufis ol na kaasi.

But thou, O LORD, have mercy upon me, and raise me up, that I may requite them.

11 Akka ati natti gammaddu ani beeka; diinni koo narra hin aanuutii.

By this I know that thou delightest in me, because mine enemy doth not triumph over me.

12 Ati sababii amanamummaa kootiitiif utubdee na qabda; baruma baraanis fuula kee dura na dhaabda.

And as for me, thou upholdest me in mine integrity, and settest me before thy face for ever.

13 Waaqayyo Waaqni Israaʼel, bara baraa hamma bara baraatti haa eebbifamu.

Blessed be the LORD, the God of Israel, from everlasting and to everlasting. Amen, and Amen.