Faarfannaa 37
1 Faarfannaa Daawit. Ati sababii namoota hamootiif jettee hin aarin yookaan warra jalʼina hojjetanitti hin hinaafin.
| לדוד אל תתחר במרעים אל תקנא בעשי עולה׃ |
2 Isaan akkuma margaa dafanii coollagu; akkuma biqiltuu misee dafanii gogu.
| כי כחציר מהרה ימלו וכירק דשא יבולון׃ |
3 Waaqayyoon amanadhu; waan gaariis hojjedhu; biyyattii keessa jiraadhu; nagaas qabaadhu.
| בטח ביהוה ועשה טוב שכן ארץ ורעה אמונה׃ |
4 Waaqayyotti gammadi; innis hawwii garaa keetii siif guuta.
| והתענג על יהוה ויתן לך משאלת לבך׃ |
5 Karaa kee Waaqayyotti kennadhu; isa amanadhu; inni siif milkeessa.
| גול על יהוה דרכך ובטח עליו והוא יעשה׃ |
6 Inni qajeelummaa kee akka aduu ganamaatti, murtii kee immoo akka aduu saafaatti ibsa.
| והוציא כאור צדקך ומשפטך כצהרים׃ |
7 Waaqayyo duratti calʼisi; obsaanis isa eeggadhu; nama karaan isaa qajeeleefitti, kan hammina hojjetuttis hin hinaafin.
| דום ליהוה והתחולל לו אל תתחר במצליח דרכו באיש עשה מזמות׃ |
8 Aarii irraa of eegi; dheekkamsa irraas deebiʼi; hin aarin; aariin hammina qofatti nama geessaatii.
| הרף מאף ועזב חמה אל תתחר אך להרע׃ |
9 Namoonni hamoon ni balleeffamuutii; warri Waaqayyoon abdatan garuu lafa dhaalu.
| כי מרעים יכרתון וקוי יהוה המה יירשו ארץ׃ |
10 Namoonni hamoon yeroo xinnoodhaaf malee siʼachi hin jiraatan; yoo ati isaan barbaadde illee hin argaman.
| ועוד מעט ואין רשע והתבוננת על מקומו ואיננו׃ |
11 Garraamonni garuu lafa ni dhaalu; nagaa guddaadhaanis ni gammadu.
| וענוים יירשו ארץ והתענגו על רב שלום׃ |
12 Namoonni hamoon nama qajeelaatti mariʼatu; ilkaan isaaniis isatti qaratu;
| זמם רשע לצדיק וחרק עליו שניו׃ |
13 Gooftaan hamootatti ni kolfa; inni akka guyyaan isaanii dhiʼaate ni beekaatii.
| אדני ישחק לו כי ראה כי יבא יומו׃ |
14 Namoonni hamoon hiyyeeyyii fi rakkattoota lafaan dhaʼuudhaaf, warra karaan isaanii qajeelaa taʼe immoo gorraʼuudhaaf, goraadee isaanii luqqifatu; iddaa isaaniis ni dabsatu.
| חרב פתחו רשעים ודרכו קשתם להפיל עני ואביון לטבוח ישרי דרך׃ |
15 Goraadeen isaanii garuu garaadhuma isaanii waraana; iddaan isaaniis ni caccaba.
| חרבם תבוא בלבם וקשתותם תשברנה׃ |
16 Badhaadhummaa hamoonni baayʼeen qaban irra, waan xinnoo namni qajeelaan qabu wayya;
| טוב מעט לצדיק מהמון רשעים רבים׃ |
17 humni hamootaa ni cabaatii; Waaqayyo garuu qajeeltota jabeessee ni dhaaba.
| כי זרועות רשעים תשברנה וסומך צדיקים יהוה׃ |
18 Waaqayyo bara tolootaa ni beeka; dhaalli isaaniis bara baraan jiraata.
| יודע יהוה ימי תמימם ונחלתם לעולם תהיה׃ |
19 Isaan bara hamaa keessa hin qaanaʼan; bara beelaa keessas ni quufu.
| לא יבשו בעת רעה ובימי רעבון ישבעו׃ |
20 Namoonni hamoon garuu ni barbadaaʼu; diinonni Waaqayyoos akkuma miidhagina daraaraa dirree ti; isaan ni badu; akkuma aaraa ni badu.
| כי רשעים יאבדו ואיבי יהוה כיקר כרים כלו בעשן כלו׃ |
21 Namoonni hamoon ni liqeeffatu; garuu deebisanii of irraa hin baasan; qajeeltonni garuu arjummaadhaan kennu;
| לוה רשע ולא ישלם וצדיק חונן ונותן׃ |
22 warri Waaqayyo eebbisu lafa ni dhaalu; warri inni abaaru garuu ni balleeffamu.
| כי מברכיו יירשו ארץ ומקלליו יכרתו׃ |
23 Adeemsi nama Waaqayyo biraa ajajama; inni karaa namicha sanaatti ni gammada.
| מיהוה מצעדי גבר כוננו ודרכו יחפץ׃ |
24 Inni yoo gufate illee lafa hin gaʼu; Waaqayyo harka isaatiin qabee isa dhaabaatii.
| כי יפל לא יוטל כי יהוה סומך ידו׃ |
25 Ani dargaggeessan ture; amma immoo dulloomeera; garuu qajeeltonni gatamuu isaanii yookaan ijoolleen isaaniis buddeena kadhachuu isaanii hin argine.
| נער הייתי גם זקנתי ולא ראיתי צדיק נעזב וזרעו מבקש לחם׃ |
26 Qajeeltonni yeroo hundumaa ni arjoomu; ni liqeessus; ijoolleen isaaniis ni eebbifamu.
| כל היום חונן ומלוה וזרעו לברכה׃ |
27 Waan hamaa irraa deebiʼiitii waan gaarii hojjedhu; yoos ati bara baraan ni jiraatta.
| סור מרע ועשה טוב ושכן לעולם׃ |
28 Waaqayyo murtii qajeelaa jaallataatii; warra isaaf amanamanis hin gatu. Isaanis bara baraan ni eegamu; sanyiin hamootaa garuu ni balleeffama.
| כי יהוה אהב משפט ולא יעזב את חסידיו לעולם נשמרו וזרע רשעים נכרת׃ |
29 Qajeeltonni lafa ni dhaalu; bara baraanis ishee irra ni jiraatu.
| צדיקים יירשו ארץ וישכנו לעד עליה׃ |
30 Afaan nama qajeelaa ogummaa dubbata; arrabni isaas murtii qajeelaa labsa.
| פי צדיק יהגה חכמה ולשונו תדבר משפט׃ |
31 Seerri Waaqa isaa garaa isaa keessa jira; miilli isaas hin mucucaatu.
| תורת אלהיו בלבו לא תמעד אשריו׃ |
32 Namoonni hamoon qajeeltota gaadu; isaan ajjeesuus ni barbaadu;
| צופה רשע לצדיק ומבקש להמיתו׃ |
33 Waaqayyo garuu harka isaaniitti jara hin dhiisu yookaan yommuu isaan murtiitti dhiʼeeffamanitti, akka isaanitti murteeffamu hin eeyyamu.
| יהוה לא יעזבנו בידו ולא ירשיענו בהשפטו׃ |
34 Waaqayyoon eeggadhu; karaa isaas eegi. Inni akka ati lafa dhaaltuuf ulfina siif kenna; atis badiisa hamootaa ni argita.
| קוה אל יהוה ושמר דרכו וירוממך לרשת ארץ בהכרת רשעים תראה׃ |
35 Nama hamaa fi gara jabeessa, isaa akkuma muka iddoon isaa itti tolee jiru nan arge.
| ראיתי רשע עריץ ומתערה כאזרח רענן׃ |
36 Ergasiis achiin nan darbe; inni garuu achi hin turre; ani cimsee isa nan barbaade; inni garuu hin argamne.
| ויעבר והנה איננו ואבקשהו ולא נמצא׃ |
37 Nama mudaa hin qabne yaadatti qabadhu; tolootas ilaali; sanyiin nama nagaa hin baduutii.
| שמר תם וראה ישר כי אחרית לאיש שלום׃ |
38 Cubbamoonni hundinuu garuu ni barbadeeffamu; galgalli nama hamaas hin tolu.
| ופשעים נשמדו יחדו אחרית רשעים נכרתה׃ |
39 Fayyinni qajeeltotaa Waaqayyo biraa dhufa; inni yeroo rakkinaatti daʼoo isaanii ti.
| ותשועת צדיקים מיהוה מעוזם בעת צרה׃ |
40 Waaqayyo isaan gargaara; isaan oolchas; harka namoota hamoo jalaa isaan baasa; isaan baraaras; isaan isatti kooluu galaniiruutii.
| ויעזרם יהוה ויפלטם יפלטם מרשעים ויושיעם כי חסו בו׃ |
