Faarfannaa 26

1 Faarfannaa Daawit. Yaa Waaqayyo, sababii ani jireenya hirʼina hin qabne jiraadheef, ati naa murteessi; anis utuu asii fi achi hin raafamin, Waaqayyoon amanadheera.

Judge me, O LORD; for I have walked in mine integrity: I have trusted also in the LORD; therefore I shall not slide.

2 Yaa Waaqayyo, qoriitii na ilaali; garaa koo fi qalbii koo qori;

Examine me, O LORD, and prove me; try my reins and my heart.

3 jaalalli kee kan hin geeddaramne sun ija koo dura jiraatii; anis dhugaa keetiin nan deddeebiʼa.

For your loving kindness is before mine eyes: and I have walked in your truth.

4 Ani warra nama gowwoomsan wajjin hin taaʼu, yookaan fakkeessitoota wajjin tokkummaa hin qabaadhu;

I have not sat with vain persons, neither will I go in with dissemblers.

5 ani waldaa warra hammina hojjetanii nan jibba; hamoota wajjinis hin taaʼu.

I have hated the congregation of evil doers; and will not sit with the wicked.

6 Yaa Waaqayyo, ani harka koo qulqullummaadhaan nan dhiqadha; iddoo aarsaa keetii irras nan naannaʼa.

I will wash mine hands in innocence: so will I compass your altar, O LORD:

7 Faarfannaa galataa guddisee nan faarfadha; dinqii hojii keetii hunda nan odeessa.

That I may publish with the voice of thanksgiving, and tell of all your wondrous works.

8 Yaa Waaqayyo, mana ati keessa jiraattu, iddoo ulfinni kee jirus nan jaalladha.

LORD, I have loved the habitation of your house, and the place where your honour dwells.

9 Lubbuu koo cubbamoota wajjin, jireenya koos warra dhiiga dhangalaasan wajjin hin balleessin;

Gather not my soul with sinners, nor my life with bloody men:

10 warra harka isaanii keessa karoorri jalʼinaa jiru kanneen harki isaanii mirgaa mattaʼaadhaan guutame wajjin na hin balleessin.

In whose hands is mischief, and their right hand is full of bribes.

11 Ani garuu jireenya hirʼina hin qabne nan jiraadha; ati na furi; araaras naa buusi.

But as for me, I will walk in mine integrity: redeem me, and be merciful unto me.

12 Miilli koo lafa wal qixxee irra dhaabata; waldaa guddaa keessattis Waaqayyoon nan jajadha.

My foot stands in an even place: in the congregations will I bless the LORD.