Faarfannaa 24

1 Faarfannaa Daawit. Laftii fi wanni lafa irra jiru hundinuu, addunyaa fi wanni ishee keessa jiraatu hundinuus kan Waaqayyoo ti;

Mazmur Daud. Milik Tuhanlah bumi seisinya, dunia dan semua yang mendiaminya.

2 inni galaanota irratti ishee hundeesseeraatii; bishaan irras ishee dhaabeera.

Ia meletakkan dasarnya di atas lautan, dan menegakkannya di atas air yang dalam.

3 Eenyutu tulluu Waaqayyootti ol baʼa? Iddoo isaa qulqulluu sanas eenyutu dhaabata?

Siapakah yang boleh naik ke Bukit TUHAN, dan masuk ke dalam Rumah-Nya?

4 Nama harka qulqulluu fi garaa qulqulluu qabu, nama lubbuu isaa gara waaqa tolfamaatti ol hin kaafne yookaan nama sobaan hin kakannee dha.

Orang yang tidak bercela pikiran dan perbuatannya, yang tidak bersumpah palsu dan tidak menyembah berhala.

5 Inni Waaqayyo biraa eebba, Waaqa Fayyisaa isaa biraa immoo qajeelummaa ni argata.

Dialah yang akan diberkati dan diselamatkan TUHAN, dan dinyatakan tidak bersalah oleh Allah.

6 Dhaloonni kun dhaloota warra isa barbaadanii ti; kan dhaloota warra fuula Waaqa Yaaqoob barbaadanii ti.

Begitulah orang yang datang menghadap Allah, yang datang menyembah Allah Yakub.

7 Yaa karroota nana, mataa keessan ol qabadhaa; isinis balbalawwan durii, akka mootiin ulfinaa ol galuuf ol qabamaa.

Bukalah lebar-lebar gerbang tua, supaya masuk Raja yang mulia.

8 Mootiin ulfinaa kun eenyu? Waaqayyo jabaa fi humna qabeessa, Waaqayyo isa waraana keessattis humna qabu sanaa dha.

Siapakah Raja yang mulia? Dialah TUHAN yang perkasa; TUHAN yang penuh kuasa, yang jaya dalam peperangan.

9 Yaa karroota nana, mataa keessan ol qabadhaa; isinis balbalawwan durii akka mootiin ulfinaa ol galuuf mataa keessan ol qabadhaa.

Bukalah lebar-lebar gerbang tua, supaya masuk Raja yang mulia.

10 Mootiin ulfinaa kun eenyu? Waaqayyoon Waan Hunda Dandaʼu sun, inni Mootii ulfinaa ti.

Siapakah Raja yang mulia? TUHAN Yang Mahakuasa, Dialah Raja yang mulia!