Faarfannaa 24

1 Faarfannaa Daawit. Laftii fi wanni lafa irra jiru hundinuu, addunyaa fi wanni ishee keessa jiraatu hundinuus kan Waaqayyoo ti;

A PSALM OF DAVID. To YHWH [is] the earth and its fullness, The world and the inhabitants in it.

2 inni galaanota irratti ishee hundeesseeraatii; bishaan irras ishee dhaabeera.

For He has founded it on the seas, And He establishes it on the floods.

3 Eenyutu tulluu Waaqayyootti ol baʼa? Iddoo isaa qulqulluu sanas eenyutu dhaabata?

Who goes up into the hill of YHWH? And who rises up in His holy place?

4 Nama harka qulqulluu fi garaa qulqulluu qabu, nama lubbuu isaa gara waaqa tolfamaatti ol hin kaafne yookaan nama sobaan hin kakannee dha.

The clean of hands, and pure of heart, Who has not lifted up his soul to vanity, Nor has sworn to deceit.

5 Inni Waaqayyo biraa eebba, Waaqa Fayyisaa isaa biraa immoo qajeelummaa ni argata.

He carries away a blessing from YHWH, Righteousness from the God of his salvation.

6 Dhaloonni kun dhaloota warra isa barbaadanii ti; kan dhaloota warra fuula Waaqa Yaaqoob barbaadanii ti.

This [is] a generation of those seeking Him. Seeking Your face, O Jacob! (Selah)

7 Yaa karroota nana, mataa keessan ol qabadhaa; isinis balbalawwan durii, akka mootiin ulfinaa ol galuuf ol qabamaa.

Lift up your heads, O gates! And be lifted up, O perpetual doors! And the King of Glory comes in!

8 Mootiin ulfinaa kun eenyu? Waaqayyo jabaa fi humna qabeessa, Waaqayyo isa waraana keessattis humna qabu sanaa dha.

Who [is] this—“the King of Glory?” YHWH—strong and mighty, YHWH, the mighty in battle.

9 Yaa karroota nana, mataa keessan ol qabadhaa; isinis balbalawwan durii akka mootiin ulfinaa ol galuuf mataa keessan ol qabadhaa.

Lift up your heads, O gates! And be lifted up, O perpetual doors! And the King of Glory comes in!

10 Mootiin ulfinaa kun eenyu? Waaqayyoon Waan Hunda Dandaʼu sun, inni Mootii ulfinaa ti.

Who [is] He—this “King of Glory?” YHWH of hosts—He [is] the King of Glory! (Selah)