Faarfannaa 20

1 Dura Buʼaa Faarfattootaatiif. Faarfannaa Daawit. Guyyaa rakkinaatti Waaqayyo deebii siif haa kennu; maqaan Waaqa Yaaqoobis si haa eegu.

For the end, a Psalm of David. The Lord hear you in the day of trouble; the name of the God of Jacob defend you.

2 Inni iddoo qulqulluudhaa gargaarsa siif haa ergu; Xiyoon irraas jabina siif haa kennu.

Send you help from the sanctuary, and aid you out of Sion.

3 Aarsaa kee hunda siif haa yaadatu; qalma kee kan gubamus siif haa fudhatu.

Remember all your sacrifice, and enrich your whole burnt offering. (Pause)

4 Hawwii garaa keetii siif haa kennu; karoora kee hundas fiixaan siif haa baasu.

Grant you according to your heart, and fulfill all your desire.

5 Yommuu ati moʼattutti ililchinee maqaa Waaqa keenyaatiin faajjii keenya ol fudhanna. Waaqayyo waan ati kadhattu hundumaa siif haa kennu.

We will exult in your salvation, and in the name of our God shall we be magnified: the Lord fulfil all your petitions.

6 Ani akka Waaqayyo dibamaa isaa fayyisu amma beeka; Waaqayyo humna nama fayyisu kan harka isaa mirgaa keessa jiru sanaan samii isaa qulqulluu keessaa deebii ni kennaaf.

Now I know that the Lord has saved his Christ: he shall hear him from his holy heaven: the salvation of his right hand is mighty.

7 Namoonni tokko tokko gaariiwwan amanatu; kaan immoo fardeen amanatu; nu garuu maqaa Waaqayyo Waaqa keenyaa amananna.

Some [glory] in chariots, and some in horses: but we will glory in the name of the Lord our God.

8 Isaan gufatanii kufu; nu garuu ol kaana; jabaannees ni dhaabanna.

They are overthrown and fallen: but we are risen, and have been set upright.

9 Yaa Waaqayyo, ati mootiidhaaf moʼannaa kenni! Yommuu nu si waammannuttis deebii nuu kenni!

O Lord, save the king: and hear us in whatever day we call upon you.