Faarfannaa 20

1 Dura Buʼaa Faarfattootaatiif. Faarfannaa Daawit. Guyyaa rakkinaatti Waaqayyo deebii siif haa kennu; maqaan Waaqa Yaaqoobis si haa eegu.

To the chief Musician. A Psalm of David. Jehovah answer thee in the day of trouble; the name of the God of Jacob protect thee;

2 Inni iddoo qulqulluudhaa gargaarsa siif haa ergu; Xiyoon irraas jabina siif haa kennu.

May he send thee help from the sanctuary, and strengthen thee out of Zion;

3 Aarsaa kee hunda siif haa yaadatu; qalma kee kan gubamus siif haa fudhatu.

Remember all thine oblations, and accept thy burnt-offering; (Selah)

4 Hawwii garaa keetii siif haa kennu; karoora kee hundas fiixaan siif haa baasu.

Grant thee according to thy heart, and fulfil all thy counsels.

5 Yommuu ati moʼattutti ililchinee maqaa Waaqa keenyaatiin faajjii keenya ol fudhanna. Waaqayyo waan ati kadhattu hundumaa siif haa kennu.

We will triumph in thy salvation, and in the name of our God will we set up our banners. Jehovah fulfil all thy petitions!

6 Ani akka Waaqayyo dibamaa isaa fayyisu amma beeka; Waaqayyo humna nama fayyisu kan harka isaa mirgaa keessa jiru sanaan samii isaa qulqulluu keessaa deebii ni kennaaf.

Now know I that Jehovah saveth his anointed; he answereth him from the heavens of his holiness, with the saving strength of his right hand.

7 Namoonni tokko tokko gaariiwwan amanatu; kaan immoo fardeen amanatu; nu garuu maqaa Waaqayyo Waaqa keenyaa amananna.

Some make mention of chariots, and some of horses, but we of the name of Jehovah our God.

8 Isaan gufatanii kufu; nu garuu ol kaana; jabaannees ni dhaabanna.

They are bowed down and fallen; but we are risen and stand upright.

9 Yaa Waaqayyo, ati mootiidhaaf moʼannaa kenni! Yommuu nu si waammannuttis deebii nuu kenni!

Save, Jehovah! Let the king answer us in the day we call.