Faarfannaa 149

1 Haalleluuyaa. Faarfannaa haaraa Waaqayyoof faarfadhaa; waldaa qulqullootaa keessatti illee isa jajadhaa.

Let the Lord be praised. Make a new song to the Lord, let his praise be in the meeting of his saints.

2 Israaʼel Uumaa isaatti haa gammadu; sabni Xiyoon Mootii isaatti haa gammadu.

Let Israel have joy in his maker; let the children of Zion be glad in their King.

3 Maqaa isaas shuubbisuudhaan haa jajatu; dibbee fi baganaadhaan isaaf haa faarfatu.

Let them give praise to his name in the dance: let them make melody to him with instruments of brass and corded instruments of music.

4 Waaqayyo saba isaatti ni gammadaatii; warra gad of qabanis fayyina gonfachiisa.

For the Lord has pleasure in his people: he gives the poor in spirit a crown of salvation.

5 Qulqulloonni ulfina kanatti haa gammadan; siree isaanii irrattis gammachuudhaan haa faarfatan.

Let the saints have joy and glory: let them give cries of joy on their beds.

6 Galanni Waaqaa afaan isaanii keessa haa jiraatu; goraadeen afaan lamaas harka isaanii keessa haa jiraattu;

Let the high praises of God be in their mouths, and a two-edged sword in their hands;

7 kunis sabootatti haaloo baʼuu fi namoota adabuudhaaf;

To give the nations the reward of their sins, and the peoples their punishment;

8 mootota isaanii foncaan, hangafoota isaaniis funyoo sibiilaatiin hidhuudhaaf,

To put their kings in chains, and their rulers in bands of iron;

9 murtii barreeffame sana isaan irratti dhugaa baʼuudhaaf. Kunis amanamtoota isaa hundaaf ulfina. Haalleluuyaa.

To give them the punishment which is in the holy writings: this honour is given to all his saints. Praise be to the Lord.