Faarfannaa 148

1 Haalleluuyaa. Samiiwwan irraa Waaqayyoon galateeffadhaa; ol gubbaatti isa galateeffadhaa.

Give praise to the Lord. Let the Lord be praised from the heavens: give him praise in the skies.

2 Ergamoonni isaa hundinuu isa galateeffadhaa; raayyaan isaa hundinuus isa galateeffadhaa.

Give praise to him, all you his angels: give praise to him, all his armies.

3 Aduu fi jiʼi isa galateeffadhaa; urjiiwwan ibsitan hundinuus isa galateeffadhaa.

Give praise to him, you sun and moon: give praise to him, all you stars of light.

4 Samiiwwan samii isa galateeffadhaa; bishaanonni samiin ol jirtanis isa galateeffadhaa.

Give praise to him, you highest heavens, and you waters which are over the heavens.

5 Isaan maqaa Waaqayyoo haa galateeffatan; inni ajajnaan, isaan uumamaniitii.

Let them give praise to the name of the Lord: for he gave the order, and they were made.

6 Inni bara baraa hamma bara baraatti isaan dhaabeera; seera hin geeddaramnes isaaniif kenneera.

He has put them in their places for ever; he has given them their limits which may not be broken.

7 Uumamawwan galaanaatii fi tuujubawwan hundi, lafa irraa Waaqayyoon galateeffadhaa;

Give praise to the Lord from the earth, you great sea-beasts, and deep places:

8 bakakkaa fi dhagaan cabbii, cabbii fi duumessi, bubbeen jabaan ajaja isaa raawwatan,

Fire and rain of ice, snow and mists; storm-wind, doing his word:

9 tulluuwwanii fi gaarran hundinuu, mukkeen ija naqatanii fi birbirsi hundinuu,

Mountains and all hills; fruit-trees and all trees of the mountains:

10 bineensonnii fi loon hundinuu, uumamawwan xixinnoo fi simbirroonni barrisan,

Beasts and all cattle; insects and winged birds:

11 mootonni lafaatii fi saboonni hundinuu, ilmaan moototaatii fi bulchitoonni lafaa hundinuu,

Kings of the earth, and all peoples; rulers and all judges of the earth:

12 dargaggoonnii fi shamarran, jaarsolii fi daaʼimman isa galateeffadhaa.

Young men and virgins; old men and children:

13 Maqaan isaa qofti ol ol jedheeraatii, isaan maqaa Waaqayyoo haa galateeffatan; ulfinni isaas lafaa fi samiiwwanii ol jira.

Let them give glory to the name of the Lord: for his name only is to be praised: his kingdom is over the earth and the heaven.

14 Inni saba isaatiif gaanfa ol kaaseera; kunis qulqulloota isaa hundaaf, saba Israaʼel warra isatti dhiʼoo jiran hundaaf ulfina. Haalleluuyaa.

He has put on high the horn of his people, for the praise of all his saints; even the children of Israel, a people which is near to him. Let the Lord be praised.