Faarfannaa 146

1 Haalleluuyaa. Yaa lubbuu ko, Waaqayyoon galateeffadhu.

Hallelujah. Praise the LORD, O my soul.

2 Ani bara jireenya koo guutuu Waaqayyoon nan galateeffadha; ani hamman jirutti Waaqaaf nan faarfadha.

I will praise the LORD while I live; I will sing praises unto my God while I have my being.

3 Abdii keessan bulchitoota irra, namoota duʼa hin oolle warra isin gargaaruu hin dandeenye irra hin kaaʼatinaa.

Put not your trust in princes, nor in the son of man, in whom there is no help.

4 Isaan yeruma lubbuun isaan keessaa baatu gara lafaatti deebiʼu; guyyuma sanas karoorri isaanii bada.

His breath goeth forth, he returneth to his dust; in that very day his thoughts perish.

5 Namni gargaarsi isaa Waaqa Yaaqoob taʼe, kan abdiin isaas Waaqayyo Waaqa isaa taʼe eebbifamaa dha.

Happy is he whose help is the God of Jacob, whose hope is in the LORD his God,

6 Waaqayyo Uumaa samii fi lafaa, galaanaa fi waan isaan keessa jiru hundaa ti; inni bara baraan amanamaa taʼe jiraata.

Who made heaven and earth, the sea, and all that in them is; who keepeth truth for ever;

7 Inni warra cunqurfamaniif ni mura; warra beelaʼaniif nyaata kenna. Waaqayyo warra hidhaman illee ni hiika;

Who executeth justice for the oppressed; who giveth bread to the hungry. The LORD looseth the prisoners;

8 Waaqayyo jaamotaaf agartuu ni kenna; Waaqayyo warra gad deebiʼan ol qaba; Waaqayyo qajeeltota ni jaallata.

The LORD openeth the eyes of the blind; the LORD raiseth up them that are bowed down; the LORD loveth the righteous;

9 Waaqayyo alagaadhaaf eegumsa ni godha; ijoollee haadhaa fi abbaa hin qabnee fi dubartoota dhirsoonni irraa duʼan ni jiraachisa; karaa jalʼootaa garuu ni balleessa.

The LORD preserveth the strangers; He upholdeth the fatherless and the widow; but the way of the wicked He maketh crooked.

10 Waaqayyo bara baraan ni moʼa; Yaa Xiyoon, Waaqni kee dhaloota hundaaf mootii taʼa. Haalleluuyaa.

The LORD will reign for ever, Thy God, O Zion, unto all generations. Hallelujah.