Faarfannaa 146

1 Haalleluuyaa. Yaa lubbuu ko, Waaqayyoon galateeffadhu.

Hallelujah! Praise the LORD, O my soul.

2 Ani bara jireenya koo guutuu Waaqayyoon nan galateeffadha; ani hamman jirutti Waaqaaf nan faarfadha.

I will praise the LORD all my life; I will sing praises to my God while I have my being.

3 Abdii keessan bulchitoota irra, namoota duʼa hin oolle warra isin gargaaruu hin dandeenye irra hin kaaʼatinaa.

Put not your trust in princes, in mortal man, who cannot save.

4 Isaan yeruma lubbuun isaan keessaa baatu gara lafaatti deebiʼu; guyyuma sanas karoorri isaanii bada.

When his spirit departs, he returns to the ground; on that very day his plans perish.

5 Namni gargaarsi isaa Waaqa Yaaqoob taʼe, kan abdiin isaas Waaqayyo Waaqa isaa taʼe eebbifamaa dha.

Blessed is he whose help is the God of Jacob, whose hope is in the LORD his God,

6 Waaqayyo Uumaa samii fi lafaa, galaanaa fi waan isaan keessa jiru hundaa ti; inni bara baraan amanamaa taʼe jiraata.

the Maker of heaven and earth, the sea, and everything in them. He remains faithful forever.

7 Inni warra cunqurfamaniif ni mura; warra beelaʼaniif nyaata kenna. Waaqayyo warra hidhaman illee ni hiika;

He executes justice for the oppressed and gives food to the hungry. The LORD sets the prisoners free,

8 Waaqayyo jaamotaaf agartuu ni kenna; Waaqayyo warra gad deebiʼan ol qaba; Waaqayyo qajeeltota ni jaallata.

the LORD opens the eyes of the blind, the LORD lifts those who are weighed down, the LORD loves the righteous.

9 Waaqayyo alagaadhaaf eegumsa ni godha; ijoollee haadhaa fi abbaa hin qabnee fi dubartoota dhirsoonni irraa duʼan ni jiraachisa; karaa jalʼootaa garuu ni balleessa.

The LORD protects foreigners; He sustains the fatherless and the widow, but the ways of the wicked He frustrates.

10 Waaqayyo bara baraan ni moʼa; Yaa Xiyoon, Waaqni kee dhaloota hundaaf mootii taʼa. Haalleluuyaa.

The LORD reigns forever, your God, O Zion, for all generations. Hallelujah!