Faarfannaa 140

1 Dura Buʼaa faarfattootaatiif. Faarfannaa Daawit. Yaa Waaqayyo, namoota hamoo jalaa na baasi; namoota finciltoota

To the chief Musician, A Psalm of David. Deliver me, O LORD, from the evil man: preserve me from the violent man;

2 warra garaa isaanii keessatti hammina yaadanii guyyaa hunda waraana kaasan narraa eegi.

Who imagine mischiefs in [their] heart; continually are they assembled [for] war.

3 Isaan arraba isaanii akkuma bofaa qaratu; hadhaan buutii hidhii isaanii jala jira.

They have sharpened their tongues like a serpent; adder's poison [is] under their lips. (Selah)

4 Yaa Waaqayyo, harka hamootaa narraa eegi; namoota finciltoota warra miilla koo kiyyootti galchuu yaadan jalaa na baasi.

Keep me, O LORD, from the hands of the wicked; preserve me from the violent man; who have purposed to overthrow my goings.

5 Of tuultonni dhoksanii kiyyoo na dura kaaʼaniiru; ribuu kiyyoo isaanii diriirsaniiru; karaa koo irras kiyyoo isaanii kaaʼaniiru.

The proud have hid a snare for me, and cords; they have spread a net by the way side: they have set gins for me. (Selah)

6 Yaa Waaqayyo, ani, “Ati Waaqa koo ti” siin nan jedha. Yaa Waaqayyo, waammata koo dhagaʼi.

I said to the LORD, Thou [art] my God: hear the voice of my supplications, O LORD.

7 Yaa Waaqayyo Gooftaa, fayyisaa koo jabaa, ati guyyaa waraanaatti gaachana mataa naa taate.

O GOD the Lord, the strength of my salvation, thou hast covered my head in the day of battle.

8 Yaa Waaqayyo, akka fedhiin hamootaa fiixaan baʼu hin godhin; akka isaan of hin tuulleef, akka karoorri isaanii milkaaʼu hin godhin.

Grant not, O LORD, the desires of the wicked: further not his wicked device; [lest] they exalt themselves. (Selah)

9 Mataan warra na marsanii, hammina afaan isaaniitii baʼuun haa haguugamu.

[As for] the head of those that encompass me, let the mischief of their own lips cover them.

10 Barbadaan ibiddaa isaan irra haa buʼu; isaan ibiddatti illee haa darbataman; akka lammata hin kaaneefis boolla qileetti haa darbataman.

Let burning coals fall upon them: let them be cast into the fire; into deep pits, that they rise not again.

11 Maqa balleessitoonni lafa irra hin jiraatin; namni jalʼaan waan hamaadhaan haa badu.

Let not an evil speaker be established on the earth: evil shall hunt the violent man to overthrow [him].

12 Waaqayyo rakkattootaaf falmee hiyyeeyyiif illee murtii qajeelaa akka kennu ani beeka.

I know that the LORD will maintain the cause of the afflicted, [and] the right of the poor.

13 Dhugumaan namni qajeelaan maqaa kee ni galateeffata; namni tolaanis fuula kee dura ni jiraata.

Surely the righteous shall give thanks to thy name: the upright shall dwell in thy presence.