Faarfannaa 140

1 Dura Buʼaa faarfattootaatiif. Faarfannaa Daawit. Yaa Waaqayyo, namoota hamoo jalaa na baasi; namoota finciltoota

For the Leader. A Psalm of David. Deliver me, O LORD, from the evil man; preserve me from the violent man;

2 warra garaa isaanii keessatti hammina yaadanii guyyaa hunda waraana kaasan narraa eegi.

Who devise evil things in their heart; every day do they stir up wars.

3 Isaan arraba isaanii akkuma bofaa qaratu; hadhaan buutii hidhii isaanii jala jira.

They have sharpened their tongue like a serpent; vipers' venom is under their lips. (Selah)

4 Yaa Waaqayyo, harka hamootaa narraa eegi; namoota finciltoota warra miilla koo kiyyootti galchuu yaadan jalaa na baasi.

Keep me, O LORD, from the hands of the wicked; preserve me from the violent man; who have purposed to make my steps slip.

5 Of tuultonni dhoksanii kiyyoo na dura kaaʼaniiru; ribuu kiyyoo isaanii diriirsaniiru; karaa koo irras kiyyoo isaanii kaaʼaniiru.

The proud have hid a snare for me, and cords; they have spread a net by the wayside; they have set gins for me. (Selah)

6 Yaa Waaqayyo, ani, “Ati Waaqa koo ti” siin nan jedha. Yaa Waaqayyo, waammata koo dhagaʼi.

I have said unto the LORD: 'Thou art my God'; give ear, O LORD, unto the voice of my supplications.

7 Yaa Waaqayyo Gooftaa, fayyisaa koo jabaa, ati guyyaa waraanaatti gaachana mataa naa taate.

O GOD the Lord, the strength of my salvation, who hast screened my head in the day of battle,

8 Yaa Waaqayyo, akka fedhiin hamootaa fiixaan baʼu hin godhin; akka isaan of hin tuulleef, akka karoorri isaanii milkaaʼu hin godhin.

Grant not, O LORD, the desires of the wicked; further not his evil device, so that they exalt themselves. (Selah)

9 Mataan warra na marsanii, hammina afaan isaaniitii baʼuun haa haguugamu.

As for the head of those that compass me about, let the mischief of their own lips cover them.

10 Barbadaan ibiddaa isaan irra haa buʼu; isaan ibiddatti illee haa darbataman; akka lammata hin kaaneefis boolla qileetti haa darbataman.

Let burning coals fall upon them; let them be cast into the fire, into deep pits, that they rise not up again.

11 Maqa balleessitoonni lafa irra hin jiraatin; namni jalʼaan waan hamaadhaan haa badu.

A slanderer shall not be established in the earth; the violent and evil man shall be hunted with thrust upon thrust.

12 Waaqayyo rakkattootaaf falmee hiyyeeyyiif illee murtii qajeelaa akka kennu ani beeka.

I know that the LORD will maintain the cause of the poor, and the right of the needy.

13 Dhugumaan namni qajeelaan maqaa kee ni galateeffata; namni tolaanis fuula kee dura ni jiraata.

Surely the righteous shall give thanks unto Thy name; the upright shall dwell in Thy presence.