Faarfannaa 132
1 Faarfannaa ol baʼuu. Yaa Waaqayyo, Daawitii fi rakkina inni obse hundumaa yaadadhu.
“A psalm of the steps, or the goings up.” O LORD! remember David, And all his affliction!
2 Inni kakuu tokko Waaqayyoof kakatee Waaqa Yaaqoob Jabaa sanaaf akkana jedhee wareege:
How he sware to Jehovah, And vowed to the Mighty One of Jacob:
3 “Ani mana koo ol hin seenu; yookaan siree kootti ol hin baʼu.
“I will not go into my house, Nor lie down on my bed,
4 Ani ija kootiif hirriba, baallee ija kootiitiif immoo mugaatii hin eeyyamu;
I will not give sleep to my eyes, Nor slumber to my eyelids,
5 kunis hamma ani Waaqayyoof iddoo argutti, Waaqa Yaaqoob Jabaa sanaaf iddoo jireenyaa argutti.”
Until I find a place for Jehovah, A habitation for the Mighty One of Jacob.”
6 Kunoo, Efraataatti waaʼee isaa dhageenye; Yaaʼaarittis isa arganne:
Behold, we heard of it at Ephratah; We found it in the fields of the forest.
7 “Kottaa iddoo jireenya isaa dhaqnaa; ejjeta miilla isaa jalattis kufnee waaqeffannaa.
Let us go into his habitation; Let us worship at his footstool!
8 ‘Yaa Waaqayyo kaʼiitii, gara iddoo boqonnaa keetii kottu; atii fi taabonni jabina keetiis kottaa.
Arise, O LORD! into thy rest, Thou, and the ark of thy strength!
9 Luboonni kee qajeelummaa haa uffatan; qulqulloonni kees gammachuudhaan haa faarfatan.’”
Let thy priests be clothed with righteousness, And thy holy ones shout for joy!
10 Sababii garbicha kee Daawitiif jedhiitii, dibamaa kee hin gatin.
For the sake of thy servant David, Reject not the prayer of thine anointed!
11 Waaqayyo akkana jedhee kakuu dhugaa tokko Daawitiif kakateera; inni kakuu kana irraa duubatti hin deebiʼu: “Ani ilmaan kee keessaa isa tokko teessoo kee irra nan teessisa;
Jehovah hath sworn in truth unto David, And he will not depart from it: “Of the fruit of thy body will I place upon the throne for thee.
12 yoo ilmaan kee kakuu koo fi seera ani isaan barsiisu eegan, ilmaan isaaniis akkasuma bara baraa hamma bara baraatti teessoo kee irra ni taaʼu.”
If thy children keep my covenant, And my statutes, which I teach them, Their children also throughout all ages Shall sit upon thy throne.”
13 Waaqayyo Xiyoonin filateeraatii; akka isheen iddoo jireenya isaa taatus fedhee akkana jedheera:
For Jehovah hath chosen Zion; He hath desired it as his dwelling-place.
14 “Kun bara baraa hamma bara baraatti iddoo jireenyaa koo ti; kanas ani waanan fedheef, as nan jiraadha.
“This is my resting-place for ever; Here will I dwell, for I have chosen it.
15 Ani waan hundaan ishee nan eebbisa; hiyyeeyyii ishee illee buddeena nan quubsa.
I will abundantly bless her provision; I will satisfy her poor with bread.
16 Luboota isheetti fayyina nan uffisa; qulqulloonni ishees gammachuudhaan ni faarfatu.
I will also clothe her priests with salvation, And her holy ones shall shout aloud for joy.
17 “Ani achitti akka gaanfi tokko Daawitiif biqilu nan godha; dibamaa koofis ibsaa qopheesseera.
There will I cause to spring forth a horn for David; I have prepared a light for mine anointed.
18 Diinota isaatti qaanii nan uffisa; gonfoon mataa isaa irraa garuu ni ifa.”
His enemies will I clothe with shame, And the crown shall glitter upon his head.”
