Faarfannaa 122

1 Faarfannaa Ol baʼuu. Faarfannaa Daawit. Yommuu isaan, “Kottu gara mana Waaqayyoo dhaqnaa” naan jedhanitti, ani nan gammade.

A Song of Ascents. David’s. I was glad, when they were saying unto me, Unto the house of Yahweh, let us go!

2 Yaa Yerusaalem, miilli keenya karrawwan kee irra dhaabata.

Standing are our feet, within thy gates, O Jerusalem!

3 Yerusaalem akka magaalaa walitti maxxantee gobbatte tokkootti ijaaramte.

Jerusalem! that hath been builded, A true city, all joined together as one:

4 Kunis iddoo gosoonni, gosoonni Waaqayyo, akka sirna Israaʼeliif kenname sanaatti, maqaa Waaqayyoo galateeffachuuf itti ol baʼanii dha.

Whither have come up the tribes, The tribes of Yah, A testimony to Israel, To give thanks unto the Name of Yahweh:

5 Teessoowwan murtii, teessoowwan mana Daawit achi dhaabatu.

For there are set—Thrones for justice, Thrones for the house David.

6 Akkana jedhaa nagaa Yerusaalemiif kadhadhaa: “Warri si jaallatan nagaan haa jiraatan.

Ask ye for the peace of Jerusalem, They shall prosper, who love thee!

7 Dallaa kee keessa nagaan, masaraa mootummaa keetii keessa immoo tasgabbiin haa jiraatu.”

Peace be within thy walls, prosperity within thy palaces:

8 Ani obboloota kootii fi michoota kootiif jedhee, “Nagaan si keessa haa jiraatu” nan jedha.

For the sake of my brethren and friends, Oh, might I speak [saying], Peace be within thee!

9 Mana Waaqayyo Waaqa keenyaatiif jedhee, ani akka wanni gaariin siif taʼu nan hawwa.

For the sake of the house of Yahweh our God, will I seek blessing for thee.