Faarfannaa 118
1 Waaqayyoof galata galchaa; inni gaariidhaatii; jaalalli isaa bara baraan jiraata.
| הודו ליהוה כי-טוב כי לעולם חסדו |
2 Sabni Israaʼel, “Jaalalli isaa bara baraan jiraata” haa jedhu.
| יאמר-נא ישראל כי לעולם חסדו |
3 Manni Aroonis, “Jaalalli isaa bara baraan jiraata” haa jedhu.
| יאמרו-נא בית-אהרן כי לעולם חסדו |
4 Warri Waaqayyoon sodaatan, “Jaalalli isaa bara baraan jiraata” haa jedhan.
| יאמרו-נא יראי יהוה כי לעולם חסדו |
5 Dhiphina koo keessatti ani Waaqayyotti nan iyyadhe; innis deebii naa kenne; iddoo balʼaas na qubachiise.
| מן-המצר קראתי יה ענני במרחב יה |
6 Waaqayyo na wajjin jira; ani hin sodaadhu; namni maal na gochuu dandaʼa?
| יהוה לי לא אירא מה-יעשה לי אדם |
7 Waaqayyo na wajjin jira; inni gargaaraa koo ti. Anis diinota koo nan moʼadha.
| יהוה לי בעזרי ואני אראה בשנאי |
8 Nama amanachuu irra, Waaqayyotti kooluu galuu wayya.
| טוב לחסות ביהוה-- מבטח באדם |
9 Qondaaltota amanachuu irra, Waaqayyotti kooluu galuu wayya.
| טוב לחסות ביהוה-- מבטח בנדיבים |
10 Saboonni hundinuu na marsan; ani garuu maqaa Waaqayyootiin isaan nan barbadeesse.
| כל-גוים סבבוני בשם יהוה כי אמילם |
11 Isaan karaa hundaan na marsan; ani garuu maqaa Waaqayyootiin isaan nan barbadeesse.
| סבוני גם-סבבוני בשם יהוה כי אמילם |
12 Akkuma tuuta kanniisaa na marsan; garuu akka qoraattii gubatuutti barbadaaʼan; anis maqaa Waaqayyootiin isaan nan barbadeesse.
| סבוני כדבורים-- דעכו כאש קוצים בשם יהוה כי אמילם |
13 Ani dhiibamee kufuu gaʼeen ture; Waaqayyo garuu na gargaare.
| דחה דחיתני לנפל ויהוה עזרני |
14 Waaqayyo jabina kootii fi faarfannaa koo ti; inni fayyina koo taʼeera.
| עזי וזמרת יה ויהי-לי לישועה |
15 Sagaleen gammachuutii fi moʼannaa dunkaanota qajeeltotaa keessaa ni dhagaʼama; “Harki Waaqayyoo kan mirgaa waan jabaa hojjeteera!
| קול רנה וישועה--באהלי צדיקים ימין יהוה עשה חיל |
16 Harki Waaqayyo mirgaa ol qabameera; harki Waaqayyoo mirgaa waan jabaa hojjeteera!”
| ימין יהוה רוממה ימין יהוה עשה חיל |
17 Ani nan jiraadha malee hin duʼu; waan Waaqayyo hojjetes nan labsa.
| לא-אמות כי-אחיה ואספר מעשי יה |
18 Waaqayyo jabeessee na adabeera; garuu dabarsee duʼatti na hin kennine.
| יסר יסרני יה ולמות לא נתנני |
19 Karra qajeelummaa naa banaa; anis ol galee Waaqayyoof galata nan galcha.
| פתחו-לי שערי-צדק אבא-בם אודה יה |
20 Kun karra Waaqayyoo, kan qajeeltonni ittiin ol galanii dha.
| זה-השער ליהוה צדיקים יבאו בו |
21 Ati deebii naa kenniteertaatii, ani sin galateeffadha; ati fayyina naa taateerta.
| אודך כי עניתני ותהי-לי לישועה |
22 Dhagaan ijaartonni tuffatan, dhagaa golee taʼeera;
| אבן מאסו הבונים-- היתה לראש פנה |
23 Waaqayyo waan kana hojjeteera; kunis ija keenyatti dinqii dha.
| מאת יהוה היתה זאת היא נפלאת בעינינו |
24 Guyyaan kun guyyaa Waaqayyo uumee dha; kottaa ni ililchina; itti gammannas.
| זה-היום עשה יהוה נגילה ונשמחה בו |
25 Yaa Waaqayyo, si kadhannaa nu oolchi; Yaa Waaqayyo, si kadhannaa nu milkoomsi.
| אנא יהוה הושיעה נא אנא יהוה הצליחה נא |
26 Kan maqaa Waaqayyootiin dhufu eebbifamaa dha. Nu mana Waaqayyoo keessaa isin eebbifna.
| ברוך הבא בשם יהוה ברכנוכם מבית יהוה |
27 Waaqayyo Waaqa; ifa isaas nuu irratti ibseera. Dameewwan harkatti qabadhaatii warra ayyaaneffachuu dhaqanitti makamaa; gara gaanfawwan iddoo aarsaas dhaqaa.
| אל יהוה--ויאר-לנו אסרו-חג בעבתים--עד קרנות המזבח |
28 Ati Waaqa koo ti; ani sin galateeffadha; ati Waaqa koo ti; anis sin leellisa.
| אלי אתה ואודך אלהי ארוממך |
29 Waaqayyoof galata galchaa; inni gaariidhaatii; jaalalli isaa bara baraan jiraata.
| הודו ליהוה כי-טוב כי לעולם חסדו |
