Faarfannaa 114

1 Yeroo sabni Israaʼel biyya Gibxii, manni Yaaqoobis saba afaan ormaa dubbatu keessaa baʼetti,

When Israel went forth out of Egypt, the house of Jacob from a people of a strange language:

2 Yihuudaan mana qulqullummaa Waaqaa, Israaʼel immoo bulchiinsa isaa taʼe.

Judah became his sanctuary, [and] Israel his dominion.

3 Galaanni argee baqate; Yordaanosis duubatti deebiʼe;

The sea beheld it, and fled: the Jordan was driven backward.

4 tulluuwwan akka korbeeyyii hoolaa, gaarranis akkuma xobbaallaawwan hoolaa burraaqan.

The mountains skipped like wethers, the hills like lambs.

5 Yaa galaana, ati maaliif baqatte? Yaa Yordaanos, atis maaliif duubatti deebite?

What aileth thee, O sea, that thou fleest? thou, O Jordan, that thou art driven backward?

6 Yaa tulluuwwan, isin maaliif akka korbeeyyii hoolaa, yaa gaarran isinis maaliif akka xobbaallaawwan hoolaa burraaqxu?

Ye mountains, that ye skip like wethers? ye hills, like lambs?

7 Yaa lafa, fuula Gooftaa duratti, fuula Waaqa Yaaqoob duratti holladhu;

At the presence of the Lord tremble, O earth, at the presence of the God of Jacob;

8 inni kattaa gara harootti, kattaa jabaa immoo gara burqaa bishaaniitti geeddare.

Who changeth the rock into a pool of water, the flint into a fountain of water.