Faarfannaa 111

1 Haalleluuyaa. Ani waldaa tolootaatii fi wal gaʼii keessatti, garaa koo guutuudhaan Waaqayyoon nan galateeffadha.

Praise the LORD. I will give thanks to the LORD with my whole heart, in the council of the upright, and in the congregation.

2 Hojiin Waaqayyoo guddaa dha; warri itti gammadan hundinuus irra deddeebiʼanii yaadan.

The LORD's works are great, pondered by all those who delight in them.

3 Hojiin isaa surra qabeessaa fi kabajamaa dha; qajeelummaan isaas bara baraan jiraata.

His work is honor and majesty. His righteousness endures forever.

4 Inni akka dinqiin isaa yaadatamu godheera; Waaqayyo arjaa fi gara laafessa.

He has caused his wonderful works to be remembered. The LORD is gracious and merciful.

5 Inni warra isa sodaataniif nyaata kenna; kakuu isaas bara baraan ni yaadata.

He has given food to those who fear him. He always remembers his covenant.

6 Lafa saboota kaanii isaaniif kennuudhaan humna hojii isaa saba isaatti mulʼiseera.

He has shown his people the power of his works, in giving them the heritage of the nations.

7 Hojiin harka isaa amanamaa fi qajeelaa dha; ajajni isaa hundinuus amanamaa dha.

The works of his hands are truth and justice. All his precepts are sure.

8 Isaanis bara baraa hamma bara baraatti jabaatanii dhaabatu; amanamummaa fi qajeelummaadhaanis hojjetamu.

They are established forever and ever. They are done in truth and uprightness.

9 Inni saba isaatiif furii ergeera; kakuu isaas bara baraan ajajeera; maqaan isaa qulqulluu fi sodaachisaa dha.

He has sent redemption to his people. He has ordained his covenant forever. His name is holy and awesome.

10 Waaqayyoon sodaachuun jalqaba ogummaa ti; warri sirna isaa faana buʼan hundinuu hubannaa gaarii qabu. Galanni isaa bara baraan jiraata.

The fear of the LORD is the beginning of wisdom. All those who do his work have a good understanding. His praise endures forever.