Faarfannaa 111

1 Haalleluuyaa. Ani waldaa tolootaatii fi wal gaʼii keessatti, garaa koo guutuudhaan Waaqayyoon nan galateeffadha.

Hallelujah. I will give thanks unto the LORD with my whole heart, in the council of the upright, and in the congregation.

2 Hojiin Waaqayyoo guddaa dha; warri itti gammadan hundinuus irra deddeebiʼanii yaadan.

The works of the LORD are great, sought out of all them that have delight therein.

3 Hojiin isaa surra qabeessaa fi kabajamaa dha; qajeelummaan isaas bara baraan jiraata.

His work is glory and majesty; and His righteousness endureth for ever.

4 Inni akka dinqiin isaa yaadatamu godheera; Waaqayyo arjaa fi gara laafessa.

He hath made a memorial for His wonderful works; the LORD is gracious and full of compassion.

5 Inni warra isa sodaataniif nyaata kenna; kakuu isaas bara baraan ni yaadata.

He hath given food unto them that fear Him; He will ever be mindful of His covenant.

6 Lafa saboota kaanii isaaniif kennuudhaan humna hojii isaa saba isaatti mulʼiseera.

He hath declared to His people the power of His works, in giving them the heritage of the nations.

7 Hojiin harka isaa amanamaa fi qajeelaa dha; ajajni isaa hundinuus amanamaa dha.

The works of His hands are truth and justice; all His precepts are sure.

8 Isaanis bara baraa hamma bara baraatti jabaatanii dhaabatu; amanamummaa fi qajeelummaadhaanis hojjetamu.

They are established for ever and ever, they are done in truth and uprightness.

9 Inni saba isaatiif furii ergeera; kakuu isaas bara baraan ajajeera; maqaan isaa qulqulluu fi sodaachisaa dha.

He hath sent redemption unto His people; He hath commanded His covenant for ever; Holy and awful is His name.

10 Waaqayyoon sodaachuun jalqaba ogummaa ti; warri sirna isaa faana buʼan hundinuu hubannaa gaarii qabu. Galanni isaa bara baraan jiraata.

The fear of the LORD is the beginning of wisdom; a good understanding have all they that do thereafter; His praise endureth for ever.