Faarfannaa 106
1 Haalleluuyaa. Waaqayyoof galata galchaa; inni gaariidhaatii; jaalalli isaa bara baraan jiraata.
| הללו-יה הודו ליהוה כי-טוב-- כי לעולם חסדו |
2 Eenyutu hojii Waaqayyoo jabaa sana labsuu, yookaan galata isaa guutummaatti odeessuu dandaʼaa?
| מי--ימלל גבורות יהוה ישמיע כל-תהלתו |
3 Warri jabeessanii murtii qajeelaa eegan, warri yeroo hunda waan qajeelaa hojjetan eebbifamoo dha.
| אשרי שמרי משפט עשה צדקה בכל-עת |
4 Yaa Waaqayyo, yommuu saba keetti faara toltutti na yaadadhu; yommuu isaan oolchituttis na gargaari;
| זכרני יהוה ברצון עמך פקדני בישועתך |
5 akka ani badhaadhummaa filatamtoota keetii arguuf, akka ani gammachuu saba keetii keessatti hirmaadhee dhaala kee wajjin boonuuf na yaadadhu.
| לראות בטובת בחיריך-- לשמח בשמחת גויך להתהלל עם-נחלתך |
6 Nu akkuma abbootii keenyaa cubbuu hojjenneerra; yakka hojjenneerra; hamminas hojjenneerra.
| חטאנו עם-אבותינו העוינו הרשענו |
7 Abbootiin keenya yeroo biyya Gibxi keessa turanitti, dinqii kee hin hubanne; baayʼina araara keetiis hin yaadanne; isaan galaana biratti, Galaana Diimaa biratti sitti fincilan.
| אבותינו במצרים לא-השכילו נפלאותיך-- לא זכרו את-רב חסדיך וימרו על-ים בים-סוף |
8 Taʼus inni akka humni isaa guddaan sun beekamuuf, maqaa isaatiif jedhee isaan oolche.
| ויושיעם למען שמו-- להודיע את-גבורתו |
9 Inni Galaana Diimaa ifate; galaanichis ni goge; akkuma waan gammoojjii keessa dabarsuutti lafa gogaa irra isaan dabarse.
| ויגער בים-סוף ויחרב ויוליכם בתהמות כמדבר |
10 Harka amajaajii isaanii keessaa isaan baase; humna diinaa jalaas isaan fure.
| ויושיעם מיד שונא ויגאלם מיד אויב |
11 Bishaanonni diinota isaanii liqimsan; tokkoon isaanii iyyuu hin hafne.
| ויכסו-מים צריהם אחד מהם לא נותר |
12 Ergasii isaan dubbii isaa amananii faarfannaadhaan isa galateeffatan.
| ויאמינו בדבריו ישירו תהלתו |
13 Isaan garuu yommusuma waan inni hojjetee ture dagatan; gorsa isaas obsaan hin eegganne.
| מהרו שכחו מעשיו לא-חכו לעצתו |
14 Gammoojjii keessatti dharraa hamaadhaan guutaman; lafa onaa keessattis Waaqa qoran.
| ויתאוו תאוה במדבר וינסו-אל בישימון |
15 Kanaafuu inni waan isaan kadhatan kenneef; garuu dhukkuba nama huqqisu isaanitti erge.
| ויתן להם שאלתם וישלח רזון בנפשם |
16 Isaan qubata keessatti Musee fi Aroon qulqullicha Waaqayyootti hinaafan.
| ויקנאו למשה במחנה לאהרן קדוש יהוה |
17 Lafti afaan banattee Daataanin liqimsite; garee Abiiraamis gad fudhatte.
| תפתח-ארץ ותבלע דתן ותכס על-עדת אבירם |
18 Duuka buutoota isaanii gidduutti ibiddi bobaʼe; arrabni ibiddaas hamoota fixe.
| ותבער-אש בעדתם להבה תלהט רשעים |
19 Isaan Kooreebitti jabbii tolfatan; fakkii baqfamee tolfames waaqeffatan.
| יעשו-עגל בחרב וישתחוו למסכה |
20 Isa Ulfina isaanii taʼe sana, fakkii sangaa marga dheeduutti geeddaran.
| וימירו את-כבודם בתבנית שור אכל עשב |
21 Waaqa isaan fayyise, isa biyya Gibxitti waan gurguddaa hojjete sana irraanfatan.
| שכחו אל מושיעם-- עשה גדלות במצרים |
22 Dinqii inni biyya Haam keessatti hojjete, hojii sodaachisaa inni Galaana Diimaa irratti hojjetes ni irraanfatan.
| נפלאות בארץ חם נוראות על-ים-סוף |
23 Kanaafuu utuu filatamaan isaa Museen akka dheekkamsi Waaqaa isaan hin balleessineef gidduu galee fuula isaa dura dhaabachuu baatee silaa Waaqni akka isaan balleessu dubbatee ture.
| ויאמר להשמידם לולי משה בחירו-- עמד בפרץ לפניו להשיב חמתו מהשחית |
24 Isaanis biyya namatti tolu sana tuffatan; waadaa Waaqni gales hin amanne.
| וימאסו בארץ חמדה לא-האמינו לדברו |
25 Dunkaanota isaanii keessatti ni guunguman; Waaqayyoofis hin ajajamne.
| וירגנו באהליהם לא שמעו בקול יהוה |
26 Kanaafuu inni akka gammoojjii keessatti isaan gatu harka isaa ol qabatee kakate;
| וישא ידו להם-- להפיל אותם במדבר |
27 sanyii isaanii akka saboota gidduutti gatu, biyyoota hunda keessas akka isaan bittinneessu kakate.
| ולהפיל זרעם בגוים ולזרותם בארצות |
28 Isaan Baʼaal Pheʼooritti of kennanii aarsaa waaqota lubbuu hin qabneef dhiʼeeffame nyaatan.
| ויצמדו לבעל פעור ויאכלו זבחי מתים |
29 Hojii isaanii hamaa sanaan Waaqayyoon dheekkamsaaf kakaasan; dhaʼichis isaan irra buʼe.
| ויכעיסו במעלליהם ותפרץ-בם מגפה |
30 Garuu Fiinehaas kaʼee gidduu seennaan dhaʼichi sun dhaabate.
| ויעמד פינחס ויפלל ותעצר המגפה |
31 Kunis dhalootaa hamma dhalootaatti, akka qajeelummaatti isaaf herregame.
| ותחשב לו לצדקה לדר ודר עד-עולם |
32 Isaan bishaan Mariibaa biratti akka Waaqayyo aaru godhan. Museenis sababii isaaniitiif rakkate;
| ויקציפו על-מי מריבה וירע למשה בעבורם |
33 sababii isaan Hafuura Waaqaatti fincilaniif Museen utuu itti hin yaadin dubbate.
| כי-המרו את-רוחו ויבטא בשפתיו |
34 Isaan akka Waaqayyo isaan ajajetti, saboota hin balleessine;
| לא-השמידו את-העמים-- אשר אמר יהוה להם |
35 isaan garuu ormootatti makamanii duudhaa isaanii baratan.
| ויתערבו בגוים וילמדו מעשיהם |
36 Waaqota isaanii tolfamoo, kanneen kiyyoo isaanitti taʼan waaqeffatan.
| ויעבדו את-עצביהם ויהיו להם למוקש |
37 Ilmaan isaaniitii fi intallan isaanii aarsaa godhanii hafuurota hamoof dhiʼeessan.
| ויזבחו את-בניהם ואת-בנותיהם-- לשדים |
38 Isaanis dhiiga warra balleessaa hin qabnee, dhiiga ilmaan isaaniitii fi intallan isaanii, kan waaqota tolfamoo Kanaʼaaniif aarsaa godhanii dhiʼeessan sana dhangalaasan; biyyattiinis dhiiga isaaniitiin faalamte.
| וישפכו דם נקי דם-בניהם ובנותיהם-- אשר זבחו לעצבי כנען ותחנף הארץ בדמים |
39 Isaan waanuma hojjetaniin of xureessan; hojii isaaniitiin sagaagaltoota of taasisan.
| ויטמאו במעשיהם ויזנו במעלליהם |
40 Kanaafuu Waaqayyo saba isaatti aare; handhuuraa isaas ni balfe.
| ויחר-אף יהוה בעמו ויתעב את-נחלתו |
41 Inni dabarsee ormootatti isaan kenne; amajaajonni isaaniis of jalatti isaan bulchan.
| ויתנם ביד-גוים וימשלו בהם שנאיהם |
42 Diinonni isaanii isaan cunqursan; humna isaanii jalas isaan galfatan.
| וילחצום אויביהם ויכנעו תחת ידם |
43 Inni yeroo baayʼee isaan baraare; isaan garuu ittuma fufanii fincilan; ittuma caalchisaniis cubbuu hojjetan.
| פעמים רבות יצילם והמה ימרו בעצתם וימכו בעונם |
44 Inni garuu yommuu iyya isaanii dhagaʼetti, rakkina isaanii hubate;
| וירא בצר להם-- בשמעו את-רנתם |
45 isaaniif jedhee kakuu isaa yaadate; sababii jaalala isaa guddaa sanaatiif garaa laafeef.
| ויזכר להם בריתו וינחם כרב חסדו |
46 Inni akka warri isaan boojiʼan hundinuu garaa isaaniif laafaniif godhe.
| ויתן אותם לרחמים-- לפני כל-שוביהם |
47 Yaa Waaqayyo, Waaqa keenya nu oolchi; akka nu maqaa kee qulqulluu sana galateeffannuuf, akka galata keetiin of jajnuufis, ormoota keessaa walitti nu qabi.
| הושיענו יהוה אלהינו וקבצנו מן-הגוים להדות לשם קדשך להשתבח בתהלתך |
48 Waaqayyo, Waaqa Israaʼeliitiif, bara baraa hamma bara baraatti galanni haa gaʼu. Namni hundinuu “Ameen!” haa jedhu. Haalleluuyaa!
| ברוך יהוה אלהי ישראל מן-העולם ועד העולם-- ואמר כל-העם אמן הללו-יה |
