Faarfannaa 105
1 Waaqayyoof galata galchaa; maqaa isaas waammadhaa; waan inni hojjetes saboota gidduutti beeksisaa.
| הודו ליהוה קראו בשמו הודיעו בעמים עלילותיו׃ |
2 Isaaf faarfadhaa; faarfannaadhaan isa galateeffadhaa; waaʼee hojii isaa isa dinqisiisaa hundaas odeessaa.
| שירו לו זמרו לו שיחו בכל נפלאותיו׃ |
3 Maqaa isaa qulqulluu sanaan boonaa; garaan warra Waaqayyoon barbaadanii haa gammadu.
| התהללו בשם קדשו ישמח לב מבקשי יהוה׃ |
4 Waaqayyoo fi humna isaa barbaaddadhaa; yeroo hunda fuula isaa barbaadaa.
| דרשו יהוה ועזו בקשו פניו תמיד׃ |
5 Dinqii inni hojjete, hojii isaa dinqii sanaa fi murtii inni labse yaadadhaa;
| זכרו נפלאותיו אשר עשה מפתיו ומשפטי פיו׃ |
6 isin tajaajiltoonni isaa, warri sanyii Abrahaam taatan, isin filatamtoonni isaa, ilmaan Yaaqoobis kana yaadadhaa.
| זרע אברהם עבדו בני יעקב בחיריו׃ |
7 Inni Waaqayyo Waaqa keenya; murtiin isaas lafa hunda irra jira.
| הוא יהוה אלהינו בכל הארץ משפטיו׃ |
8 Inni kakuu isaa bara baraan, waadaa gale sanas dhaloota kumaaf ni yaadata;
| זכר לעולם בריתו דבר צוה לאלף דור׃ |
9 inni kakuu Abrahaam wajjin gale, kakuu Yisihaaqiif kakates ni yaadata.
| אשר כרת את אברהם ושבועתו לישחק׃ |
10 Kanas Yaaqoobiif seera, Israaʼeliif immoo kakuu bara baraa godhee akkana jedhee mirkaneesseera:
| ויעמידה ליעקב לחק לישראל ברית עולם׃ |
11 “Ani biyya Kanaʼaan qooda ati dhaaltu godhee siif nan kenna.”
| לאמר לך אתן את ארץ כנען חבל נחלתכם׃ |
12 Isaan yeroo lakkoobsaan xinnoo turanitti, dhugumaanuu xinnoo fi biyyattii keessattis keessummoota turanitti,
| בהיותם מתי מספר כמעט וגרים בה׃ |
13 sabaa gara sabaatti, mootummaa tokkoo gara mootummaa biraatti jooran.
| ויתהלכו מגוי אל גוי מממלכה אל עם אחר׃ |
14 Inni akka namni tokko iyyuu isaan cunqursu hin eeyyamne; sababii isaaniitiifis akkana jedhee mootota ifate:
| לא הניח אדם לעשקם ויוכח עליהם מלכים׃ |
15 “Dibamtoota koo hin tuqinaa; raajota koos hin miidhinaa.”
| אל תגעו במשיחי ולנביאי אל תרעו׃ |
16 Inni beela biyyattiitti waame; midhaan nyaataa hundas ni balleesse;
| ויקרא רעב על הארץ כל מטה לחם שבר׃ |
17 innis Yoosef namicha akka garbaatti gurgurame tokko isaan dura erge.
| שלח לפניהם איש לעבד נמכר יוסף׃ |
18 Isaan foncaadhaan miilla isaa luqqisan; mormi isaas sibiila keessa galfame;
| ענו בכבל רגליו ברזל באה נפשו׃ |
19 hamma wanni inni duraan dursee dubbate guutamutti dubbiin Waaqayyoo isa qore.
| עד עת בא דברו אמרת יהוה צרפתהו׃ |
20 Mootiin nama ergee gad isa dhiisise; bulchaan sabaa isa hiiksise.
| שלח מלך ויתירהו משל עמים ויפתחהו׃ |
21 Mootichis mana isaa irratti ajajaa, qabeenya isaa hunda irratti immoo bulchaa isa godhate;
| שמו אדון לביתו ומשל בכל קנינו׃ |
22 kanas akka inni akkuma fedhetti qondaaltota isaa gorsuuf, akka inni maanguddoota isaa ogummaa barsiisuuf godhe.
| לאסר שריו בנפשו וזקניו יחכם׃ |
23 Israaʼel biyya Gibxi dhaqe; Yaaqoobis akka alagaatti biyya Haam keessa jiraate.
| ויבא ישראל מצרים ויעקב גר בארץ חם׃ |
24 Waaqayyo saba isaa akka malee baayʼise; akka isaan amajaajota isaanii caalaa jabaatanis godhe;
| ויפר את עמו מאד ויעצמהו מצריו׃ |
25 innis akka isaan saba isaa jibbanii fi akka isaan tajaajiltoota isaatti mariʼataniif yaada isaanii geeddare.
| הפך לבם לשנא עמו להתנכל בעבדיו׃ |
26 Waaqnis Musee tajaajilaa isaatii fi Aroon filatamaa isaa erge.
| שלח משה עבדו אהרן אשר בחר בו׃ |
27 Isaanis jara gidduutti mallattoo isaa, biyya Haam keessatti immoo dinqii isaa argisiisan.
| שמו בם דברי אתותיו ומפתים בארץ חם׃ |
28 Inni dukkana ergee biyyattii dukkaneesse; isaan dubbii isaatti fincilaniiruutii.
| שלח חשך ויחשך ולא מרו את דבריו׃ |
29 Inni bishaanota isaanii dhiigatti geeddaree akka qurxummiiwwan isaanii dhuman godhe.
| הפך את מימיהם לדם וימת את דגתם׃ |
30 Fatteen biyya isaanii guutee diinqa mootota isaanii keessa yaaʼe.
| שרץ ארצם צפרדעים בחדרי מלכיהם׃ |
31 Inni dubbannaan tuunni tisiisaatii fi bookeen biyya isaanii hunda keessa guutte.
| אמר ויבא ערב כנים בכל גבולם׃ |
32 Inni qooda bokkaa cabbii isaaniif roobse; bakakkaas biyya isaaniitti erge;
| נתן גשמיהם ברד אש להבות בארצם׃ |
33 wayinii isaaniitii fi muka harbuu isaanii balleesse; mukkeen biyya isaaniis ni caccabse.
| ויך גפנם ותאנתם וישבר עץ גבולם׃ |
34 Inni dubbannaan hawwaannisnii fi korophisni hedduun dhufan;
| אמר ויבא ארבה וילק ואין מספר׃ |
35 isaanis biqiltuu biyya jaraa hunda nyaatan; waan lafti isaanii baases ni fixan.
| ויאכל כל עשב בארצם ויאכל פרי אדמתם׃ |
36 Ergasii inni hangafa biyya isaanii hunda, jabina isaanii jalqabaas ni dhaʼe.
| ויך כל בכור בארצם ראשית לכל אונם׃ |
37 Akka sabni Israaʼel meetii fi warqee baadhatee baʼu godhe; gosa isaanii keessaa namni tokko iyyuu hin gufanne.
| ויוציאם בכסף וזהב ואין בשבטיו כושל׃ |
38 Israaʼeloonni baanaan warri Gibxi gammadan; isaan Israaʼelin sodaatanii turaniitii.
| שמח מצרים בצאתם כי נפל פחדם עליהם׃ |
39 Inni akka gaaddisaatti duumessa isaan irra qabe; akka halkaniin isaaniif ibsuuf immoo ibidda qabsiiseef.
| פרש ענן למסך ואש להאיר לילה׃ |
40 Isaan kadhannaan inni dimbiriqqee kenneef; buddeena samiitiinis isaan quufse.
| שאל ויבא שלו ולחם שמים ישביעם׃ |
41 Innis kattaa bane; bishaanis keessaa gad dhangalaʼe; akkuma bishaan lagaattis gammoojjii keessaa yaaʼe.
| פתח צור ויזובו מים הלכו בציות נהר׃ |
42 Inni waadaa isaa qulqulluu, kan garbicha isaa Abrahaamiif gale sana yaadateeraatii.
| כי זכר את דבר קדשו את אברהם עבדו׃ |
43 Inni saba isaa gammachuun, warra isaaf filataman immoo ililleedhaan baaseera;
| ויוצא עמו בששון ברנה את בחיריו׃ |
44 inni biyya ormootaa isaaniif kenne; isaanis waan saboonni sun itti dadhaban dhaalan;
| ויתן להם ארצות גוים ועמל לאמים יירשו׃ |
45 kanas akka isaan sirna isaa eeganii seera isaatiif bulaniif godhe. Haalleluuyaa.
| בעבור ישמרו חקיו ותורתיו ינצרו הללו יה׃ |
