Faarfannaa 103
1 Faarfannaa Daawit. Yaa lubbuu ko, Waaqayyoon eebbisi; keessi namummaa koo hundi maqaa isaa qulqulluu sana eebbisaa.
| לדוד ברכי נפשי את יהוה וכל קרבי את שם קדשו׃ |
2 Yaa lubbuu koo Waaqayyoon eebbisi; tola isaa hundas hin irraanfatin.
| ברכי נפשי את יהוה ואל תשכחי כל גמוליו׃ |
3 Inni cubbuu kee hundumaa siif dhiisa; dhukkuba kee hundumaa ni fayyisa;
| הסלח לכל עונכי הרפא לכל תחלאיכי׃ |
4 jireenya kee boolla irraa ni baraara; jaalalaa fi gara laafinaan si gonfa;
| הגואל משחת חייכי המעטרכי חסד ורחמים׃ |
5 akka dargaggummaan kee akkuma risaa haaromfamuufis, inni fedhii kee waan gaariidhaan ni guuta.
| המשביע בטוב עדיך תתחדש כנשר נעוריכי׃ |
6 Waaqayyo warra cunqurfaman hundaaf qajeelummaa fi murtii qajeelaa kenna.
| עשה צדקות יהוה ומשפטים לכל עשוקים׃ |
7 Inni karaa isaa Museetti, hojii isaa immoo saba Israaʼelitti beeksise.
| יודיע דרכיו למשה לבני ישראל עלילותיו׃ |
8 Waaqayyo gara laafessaa fi arjaa dha; inni aaruuf hin ariifatu; jaalalli isaas baayʼee dha.
| רחום וחנון יהוה ארך אפים ורב חסד׃ |
9 Inni yeroo hunda hin dheekkamu; aarii isaa illee bara baraan hin kuufatu;
| לא לנצח יריב ולא לעולם יטור׃ |
10 inni akka cubbuu keenyaatti nu hin adabne; yookaan akka balleessaa keenyaatti nuuf hin deebifne.
| לא כחטאינו עשה לנו ולא כעונתינו גמל עלינו׃ |
11 Akkuma samiiwwan lafa irraa ol fagaatan sana, jaalalli inni warra isa sodaataniif qabu akkasuma guddaa dha;
| כי כגבה שמים על הארץ גבר חסדו על יראיו׃ |
12 akkuma baʼi biiftuu lixa biiftuu irraa fagaatu, akkasuma inni balleessaa keenya nurraa haqeera.
| כרחק מזרח ממערב הרחיק ממנו את פשעינו׃ |
13 Akkuma abbaan ijoollee isaatiif garaa laafu, Waaqayyo warra isa sodaataniif garaa ni laafa;
| כרחם אב על בנים רחם יהוה על יראיו׃ |
14 inni akka nu itti uumamne ni beekaatii; akka nu biyyoo taanes ni yaadata.
| כי הוא ידע יצרנו זכור כי עפר אנחנו׃ |
15 Barri namaa akkuma margaa ti; akka abaaboo dirrees ni misa;
| אנוש כחציר ימיו כציץ השדה כן יציץ׃ |
16 inni yeroo bubbeen itti bubbisutti ni bada; iddoon isaas deebiʼee isa hin yaadatu.
| כי רוח עברה בו ואיננו ולא יכירנו עוד מקומו׃ |
17 Jaalalli Waaqayyoo garuu bara baraa hamma bara baraatti warra isa sodaatan wajjin ni jiraata; qajeelummaan isaa immoo ijoollee ijoollee isaaniitti darba;
| וחסד יהוה מעולם ועד עולם על יראיו וצדקתו לבני בנים׃ |
18 warra kakuu isaa eeganitti, warra ajaja isaatti buluu yaadatanittis ni darba.
| לשמרי בריתו ולזכרי פקדיו לעשותם׃ |
19 Waaqayyo teessoo isaa samii keessa dhaabbateera; mootummaan isaas waan hunda bulcha.
| יהוה בשמים הכין כסאו ומלכותו בכל משלה׃ |
20 Isin ergamoonni isaa, warri ajaja isaa eegdan jajjaboon, warri dubbii isaatiif ajajamtanis Waaqayyoon eebbisaa.
| ברכו יהוה מלאכיו גברי כח עשי דברו לשמע בקול דברו׃ |
21 Raayyaan isaa hundinuu, isin tajaajiltoonni isaa warri fedhii isaa guuttan Waaqayyoon eebbisaa.
| ברכו יהוה כל צבאיו משרתיו עשי רצונו׃ |
22 Uumamawwan bulchiinsa isaa jala lafa hunda jirtan hundi Waaqayyoon eebbisaa. Yaa lubbuu ko, Waaqayyoon eebbisi.
| ברכו יהוה כל מעשיו בכל מקמות ממשלתו ברכי נפשי את יהוה׃ |
