Fakkeenya 9
1 Ogummaan mana ishee ijaarratte; utubaa ishee torbanis dhagaa irraa qopheeffate.
| חכמות בנתה ביתה חצבה עמודיה שבעה |
2 Isheen horii qalattee daadhii wayinii ishee bulbulatte; maaddii ishee illee qopheeffatte.
| טבחה טבחה מסכה יינה אף ערכה שלחנה |
3 Tajaajiltoota ishee dubarran ergattee fiixee magaalaa irraa lallabde.
| שלחה נערתיה תקרא-- על-גפי מרמי קרת |
4 Isheen warra qalbii hin qabneen akkana jetti; “Isin warri homaa hin beekne hundi as kottaa!
| מי-פתי יסר הנה חסר-לב אמרה לו |
5 Kottaatii nyaata koo nyaadhaa; daadhii wayinii ani bulbuladhe illee dhugaa.
| לכו לחמו בלחמי ושתו ביין מסכתי |
6 Karaa gowwummaa keessanii sana dhiisaatii jiraadhaa; karaa hubannaa irra deemaa.
| עזבו פתאים וחיו ואשרו בדרך בינה |
7 “Namni nama namatti qoosu gorsu kam iyyuu ni arrabsama; namni nama hamaa ifatu kam iyyuu ni salphata.
| יסר לץ--לקח לו קלון ומוכיח לרשע מומו |
8 Ati nama namatti qoosu hin ifatin; inni si jibbaatii; nama ogeessa ifadhu; inni si jaallataatii.
| אל-תוכח לץ פן-ישנאך הוכח לחכם ויאהבך |
9 Nama ogeessa gorsi; inni ittuma caalchisee ogeessa taʼaa; nama qajeelaaf barumsa kenni; inni beekumsa isaatti dabalaatii.
| תן לחכם ויחכם-עוד הודע לצדיק ויוסף לקח |
10 “Waaqayyoon sodaachuun jalqaba ogummaa ti; isa Qulqulluu Sana beekuun hubannaa dha.
| תחלת חכמה יראת יהוה ודעת קדשים בינה |
11 Karaa kootiin barii jireenya keetii ni dheerata; jireenya kee irrattis waggoonni ni dabalamuutii.
| כי-בי ירבו ימיך ויוסיפו לך שנות חיים |
12 Yoo ati nama ogeessa taate, ogummaan kee si badhaasa; yoo ati kan namatti qoostu taate suma qofatu gidirama.”
| אם-חכמת חכמת לך ולצת לבדך תשא |
13 Dubartiin gowwaan oduu baayʼifti; isheen raatuu homaa hin beeknee dha.
| אשת כסילות המיה פתיות ובל-ידעה מה |
14 Isheen balbala mana ishee dura, fiixee magaalaa gubbaa barcuma irra teessee
| וישבה לפתח ביתה-- על-כסא מרמי קרת |
15 warra achiin darban, kanneen qajeelanii daandii isaanii irra deeman waamti.
| לקרא לעברי-דרך המישרים ארחותם |
16 Isheen warra qalbii hin qabneen akkana jetti. “Isin warri homaa hin beekne hundi as kottaa!
| מי-פתי יסר הנה וחסר-לב ואמרה לו |
17 Bishaan hatan ni miʼaawa; nyaanni dhoksaan nyaatanis guddoo namatti tola!”
| מים-גנובים ימתקו ולחם סתרים ינעם |
