Fakkeenya 26
1 Akkuma cabbii yeroo bonaa yookaan bokkaa yeroo haamaa, nama gowwaaf ulfinni hin malu.
| כשלג בקיץ וכמטר בקציר כן לא נאוה לכסיל כבוד׃ |
2 Akkuma simbirri barriftu yookaan daaloteen barriftu abaarsi sababii malee dhufu nama irra hin buʼu.
| כצפור לנוד כדרור לעוף כן קללת חנם לא תבא׃ |
3 Alangaan fardaaf, luugamni harreef, uleen immoo dugda gowwaatiif mala!
| שוט לסוס מתג לחמור ושבט לגו כסילים׃ |
4 Gowwaadhaaf akka gowwummaa isaatti hin deebisin; yoo akkas goote ati mataan kee iyyuu akkuma isaa taata.
| אל תען כסיל כאולתו פן תשוה לו גם אתה׃ |
5 Gowwaadhaaf deebii gowwummaa isaatiif malu kenni; yoo kanaa achii inni ogeessa of seʼaa.
| ענה כסיל כאולתו פן יהיה חכם בעיניו׃ |
6 Harka nama gowwaatti ergaa ergachuun, akkuma miilla ofii irraa muruu yookaan summii dhuguu ti.
| מקצה רגלים חמס שתה שלח דברים ביד כסיל׃ |
7 Afaan nama gowwaa keessatti, fakkeenyi akkuma miilla naafaa ti.
| דליו שקים מפסח ומשל בפי כסילים׃ |
8 Namni gowwaadhaaf ulfina kennu, akkuma nama furrisaatti dhagaa guduunfuu ti.
| כצרור אבן במרגמה כן נותן לכסיל כבוד׃ |
9 Fakkeenyi afaan gowwaa keessatti akkuma qoraattii harka nama machaaʼee keessaa ti.
| חוח עלה ביד שכור ומשל בפי כסילים׃ |
10 Namni gowwaa yookaan kara deemaa qaxaratu akkuma adamsaa nama hunda xiyyaan madeessuu ti.
| רב מחולל כל ושכר כסיל ושכר עברים׃ |
11 Akkuma sareen diddiga isheetti deebitu sana, gowwaan gowwummaa isaa irra deddeebiʼa.
| ככלב שב על קאו כסיל שונה באולתו׃ |
12 Ati nama akka ilaalcha ofii isaatti ogeessa taʼe argitaa? Isa irra gowwaatu abdii caalu qaba.
| ראית איש חכם בעיניו תקוה לכסיל ממנו׃ |
13 Dhibaaʼaan, “Leenci karaa irra jira; leenci sodaachisaan daandii irra jira!” jedha.
| אמר עצל שחל בדרך ארי בין הרחבות׃ |
14 Akkuma saanqaan muchoo isaa irra naannaʼu, dhibaaʼaan siree ofii irra gaggaragala
| הדלת תסוב על צירה ועצל על מטתו׃ |
15 Dhibaaʼaan harka isaa waciitii keessa kaaʼa; gara afaan isaatti deebifachuuf ni dhibaaʼa.
| טמן עצל ידו בצלחת נלאה להשיבה אל פיו׃ |
16 Dhibaaʼaan namoota hubannaadhaan deebii kennan torba caalaa ogeessa of seʼa.
| חכם עצל בעיניו משבעה משיבי טעם׃ |
17 Namni lola nama biraa keessa seenu, akkuma nama harkaan gurra saree qabuu ti.
| מחזיק באזני כלב עבר מתעבר על ריב לא לו׃ |
18 Akkuma maraatuu ibidda yookaan xiyya namatti gad dhiisu tokkoo
| כמתלהלה הירה זקים חצים ומות׃ |
19 namni, “Ani nan qoose!” jedhee ollaa isaa gowwoomsus akkasuma.
| כן איש רמה את רעהו ואמר הלא משחק אני׃ |
20 Ibiddi yoo qoraan dhabe ni dhaama; hamiin yoo hin jiraanne, lolli ni qabbanaaʼa.
| באפס עצים תכבה אש ובאין נרגן ישתק מדון׃ |
21 Akkuma cileen barbadaa ibiddaa bobeessee qoraan ibidda qabsiisu sana namni lola jaallatu lola kakaasa.
| פחם לגחלים ועצים לאש ואיש מדונים לחרחר ריב׃ |
22 Dubbiin hamattuu akkuma gurshaa miʼaawuu ti; gara kutaa garaattis gad buʼa.
| דברי נרגן כמתלהמים והם ירדו חדרי בטן׃ |
23 Dubbiin gaariin garaa hamaa keessaa baʼu akkuma okkotee meetiin irra dibamee ti.
| כסף סיגים מצפה על חרש שפתים דלקים ולב רע׃ |
24 Namni maqaa namaa balleessu tokko arrabuma ofiitiin nama tolaa of fakkeessa; garaa isaa keessatti immoo gowwoomsaa guduunfata.
| בשפתו ינכר שונא ובקרבו ישית מרמה׃ |
25 Yoo dubbiin isaa sitti miʼaawe iyyuu isa hin amanin; wanni jibbisiisaan torba garaa isaa guuteeraatii.
| כי יחנן קולו אל תאמן בו כי שבע תועבות בלבו׃ |
26 Jalʼinni isaa sobaan haguugamee dhokfamuu dandaʼa; hamminni isaa garuu fuula waldaa duratti ifatti baʼa.
| תכסה שנאה במשאון תגלה רעתו בקהל׃ |
27 Namni boolla qotu boolla keessa buʼa; nama dhagaa gangalchus, dhagaan sun isumatti deebiʼa.
| כרה שחת בה יפל וגלל אבן אליו תשוב׃ |
28 Arrabni sobu tokko warruma miidhu sana jibba; afaan saadu tokkos badiisa fida.
| לשון שקר ישנא דכיו ופה חלק יעשה מדחה׃ |
