Fakkeenya 17
1 Mana nyaataa dhugaatiin guutame kan lola qabuu mannaa, iddoo nagaan jirutti hurraaʼaa buddeena goggogaa wayya.
| טוב פת חרבה ושלוה-בה-- מבית מלא זבחי-ריב |
2 Garbichi hubataan ilma salphaa bulcha; obboloota gidduuttis dhaala qooddata.
| עבד-משכיל--ימשל בבן מביש ובתוך אחים יחלק נחלה |
3 Okkoteen waa itti baqsan meetiif, boolli ibiddaa immoo warqeef; Waaqayyo garuu garaa namaa qora.
| מצרף לכסף וכור לזהב ובחן לבות יהוה |
4 Namni hamaan dubbii gowwoomsaa dhaggeeffata; sobaanis arraba balaʼamaadhaaf gurra kenna.
| מרע מקשיב על-שפת-און שקר מזין על-לשון הות |
5 Namni hiyyeeyyiitti qoosu kan isaan Uume sana tuffata; kan badiisa namaatti gammadu utuu hin adabamin hin hafu.
| לעג לרש חרף עשהו שמח לאיד לא ינקה |
6 Nama jaare tokkoof ilmaan ilmaan isaa gonfoo dha; haadhaa fi abbaanis ijoollee isaaniitiif ulfina.
| עטרת זקנים בני בנים ותפארת בנים אבותם |
7 Dubbiin baʼeessi nama gowwaatti hin tolu; hidhiin sobu immoo hammam bulchaa tokkotti haa hammaatu ree!
| לא-נאוה לנבל שפת-יתר אף כי-לנדיב שפת-שקר |
8 Mattaʼaan namicha kennuuf miʼa falfalaa ti; inni lafa dhaqu kamitti iyyuu ni milkaaʼa.
| אבן-חן השחד בעיני בעליו אל-כל-אשר יפנה ישכיל |
9 Namni balleessaa namaaf dhiisu jaalala guddisa; namni waan tokko irra deddeebiʼu, garuu michoota walitti dhiʼaatan gargar baasa.
| מכסה-פשע מבקש אהבה ושנה בדבר מפריד אלוף |
10 Hamma gowwaan yeroo dhibba garafamee itti dhagaʼamu caalaa ifannaan nama waa hubatutti dhagaʼama.
| תחת גערה במבין-- מהכות כסיל מאה |
11 Namni hamaan fincila qofa barbaada; ergamaan namaa hin naane isatti ni ergama.
| אך-מרי יבקש-רע ומלאך אכזרי ישלח-בו |
12 Gowwaa gowwummaa isa keessa jiruun walitti dhufuu mannaa amaaketa dhaltuu ilmaan ishee jalaa fudhatamaniin walitti dhufuu wayya.
| פגוש דב שכול באיש ואל-כסיל באולתו |
13 Nama qooda gaarii hamaa deebisu, hamminni mana isaa keessaa hin baʼu.
| משיב רעה תחת טובה-- לא-תמיש (תמוש) רעה מביתו |
14 Lola jalqabuun akkuma bishaan cabsanii yaasuu ti; kanaafuu utuu lolli hin hoʼin dubbii dhiisi.
| פוטר מים ראשית מדון ולפני התגלע הריב נטוש |
15 Waaqayyo waan kana lachuu ni balfa; kunis nama yakka qabu qulqulluu gochuu fi nama balleessaa hin qabnetti muruu dha.
| מצדיק רשע ומרשיע צדיק-- תועבת יהוה גם-שניהם |
16 Sababii inni ogummaa argachuuf fedhii hin qabneef, maallaqni harka gowwaa jiru faayidaa maalii qaba?
| למה-זה מחיר ביד-כסיל-- לקנות חכמה ולב-אין |
17 Michuun yeroo hunda nama jaallata; obboleessi immoo guyyaa rakkootiif dhalata.
| בכל-עת אהב הרע ואח לצרה יולד |
18 Namni qalbii hin qabne harka dhaʼee waa namaaf kakata; fuula ollaa ofii isaa durattis wabii taʼa.
| אדם חסר-לב תוקע כף ערב ערבה לפני רעהו |
19 Namni lola jaallatu cubbuu jaallata; namni karra ol dheeraa ijaarus badiisa waama.
| אהב פשע אהב מצה מגביה פתחו מבקש-שבר |
20 Namni yaada hamaa qabu hin milkaaʼu; kan arrabni isaa nama gowwoomsus rakkoo keessa seena.
| עקש-לב לא ימצא-טוב ונהפך בלשונו יפול ברעה |
21 Ilmi gowwaan abbaa isaatti gadda fida; abbaan ilma gowwaas hin gammadu.
| ילד כסיל לתוגה לו ולא-ישמח אבי נבל |
22 Garaan gammadu qoricha gaarii dha; hafuurri cabe immoo lafee gogsa.
| לב שמח ייטיב גהה ורוח נכאה תיבש-גרם |
23 Namni hamaan karaa murtii qajeelaa jalʼisuuf jedhee dhoksaadhaan mattaʼaa fudhata.
| שחד מחק רשע יקח-- להטות ארחות משפט |
24 Namni hubataan fuula isaa gara ogummaatti deebifata; iji gowwaa garuu hamma handaara lafaatti joora.
| את-פני מבין חכמה ועיני כסיל בקצה-ארץ |
25 Ilmi gowwaan abbaa isaatti gadda fida; haadha isa deessettis jireenya hadheessa.
| כעס לאביו בן כסיל וממר ליולדתו |
26 Nama balleessaa hin qabne tokko adabuun gaarii miti; qondaaltota amanamoo rukutuunis sirrii miti.
| גם ענוש לצדיק לא-טוב-- להכות נדיבים על-ישר |
27 Namni beekaan of qusachaa dubbata; namni hubataanis hafuura qabanaaʼaa qaba.
| חושך אמריו יודע דעת וקר- (יקר-) רוח איש תבונה |
28 Gowwaan iyyuu yommuu calʼisu ogeessa fakkaata; yommuu arraba isaa toʼatus hubataa fakkaata.
| גם אויל מחריש חכם יחשב אטם שפתיו נבון |
