Fakkeenya 16
1 Karoorri garaa kan namaa ti; deebiin arrabaa garuu Waaqayyo biraa dhufa.
| לאדם מערכי לב ומיהוה מענה לשון׃ |
2 Nama tokko karaan isaa hundi qulqulluu itti fakkaata; yaada namaa garuu Waaqayyotu madaala.
| כל דרכי איש זך בעיניו ותכן רוחות יהוה׃ |
3 Waan hojjettu hunda Waaqayyotti kennadhu; karoorri kees siif milkaaʼa.
| גל אל יהוה מעשיך ויכנו מחשבתיך׃ |
4 Waaqayyo waan hunda kaayyoo ofii isaatiif hojjeta; hamoota iyyuu guyyaa badiisaatiif qopheessa.
| כל פעל יהוה למענהו וגם רשע ליום רעה׃ |
5 Namni of tuulu kam iyyuu fuula Waaqayyoo duratti balfamaa dha; dhugumaan inni utuu hin adabamin hin hafu.
| תועבת יהוה כל גבה לב יד ליד לא ינקה׃ |
6 Namni jaalalaa fi amanamummaadhaan araara cubbuu argata; Waaqayyoon sodaachuudhaanis hammina irraa cita.
| בחסד ואמת יכפר עון וביראת יהוה סור מרע׃ |
7 Yoo karaan namaa Waaqayyoon gammachiise, inni akka diinonni isaas nagaan isa wajjin jiraatan ni godha.
| ברצות יהוה דרכי איש גם אויביו ישלם אתו׃ |
8 Galii guddaa jalʼinaan argatan mannaa waan xinnoo qajeelummaan argatan wayya.
| טוב מעט בצדקה מרב תבואות בלא משפט׃ |
9 Namni garaa isaa keessatti karaa isaa karoorfata; Waaqayyo garuu tarkaanfii isaa illee ni murteessa.
| לב אדם יחשב דרכו ויהוה יכין צעדו׃ |
10 Hidhiin mootii hooda dubbata; afaan isaa illee murtii hin jalʼisu.
| קסם על שפתי מלך במשפט לא ימעל פיו׃ |
11 Madaallii fi safartuun qajeelaan kan Waaqayyoo ti; ulfinni korojoo keessa jiru hundinuu hojii isaa ti.
| פלס ומאזני משפט ליהוה מעשהו כל אבני כיס׃ |
12 Sababii teessoon qajeelummaadhaan jabaatee dhaabatuuf mootonni waan hamaa hojjechuu ni balfu.
| תועבת מלכים עשות רשע כי בצדקה יכון כסא׃ |
13 Mootonni afaan dhugaa dubbatutti ni gammadu; isaan nama dhugaa dubbatu ni jaallatu.
| רצון מלכים שפתי צדק ודבר ישרים יאהב׃ |
14 Dheekkamsi mootii ergamaa duʼaa ti; namni ogeessi garuu ni qabbaneessa.
| חמת מלך מלאכי מות ואיש חכם יכפרנה׃ |
15 Jireenyi ifa fuula mootii keessa jira; surraan isaa akkuma duumessa bokkaa arfaasaa ti.
| באור פני מלך חיים ורצונו כעב מלקוש׃ |
16 Ogummaa argachuun warqee caala; hubannaa argachuunis meetii caala!
| קנה חכמה מה טוב מחרוץ וקנות בינה נבחר מכסף׃ |
17 Daandiin nama tolaa hammina irraa fagoo dha; namni karaa isaa eegus jireenya isaa eeggata.
| מסלת ישרים סור מרע שמר נפשו נצר דרכו׃ |
18 Of tuuluun badiisaan dura, of bokoksuunis kufaatiin dura deema.
| לפני שבר גאון ולפני כשלון גבה רוח׃ |
19 Warra of tuulu wajjin boojuu qooddachuu mannaa, hafuuraan gad of qabanii warra cunqurfame wajjin jiraachuu wayya.
| טוב שפל רוח את עניים מחלק שלל את גאים׃ |
20 Namni gorsa fudhatu kam iyyuu ni milkaaʼa; kan Waaqayyoon amanatus eebbifamaa dha.
| משכיל על דבר ימצא טוב ובוטח ביהוה אשריו׃ |
21 Namni garaadhaan ogeessa taʼe qalbeeffataa jedhama; dubbiin miʼaawu immoo gorsa dabala.
| לחכם לב יקרא נבון ומתק שפתים יסיף לקח׃ |
22 Hubannaan nama isa qabuuf madda jireenyaa ti; gowwummaan garuu gowwootatti adabbii fida.
| מקור חיים שכל בעליו ומוסר אולים אולת׃ |
23 Garaan nama ogeessaa arraba isaa qajeelcha; afaan isaas gorsa dabala.
| לב חכם ישכיל פיהו ועל שפתיו יסיף לקח׃ |
24 Dubbiin nama gammachiisu dhaaba dammaa ti; inni lubbuutti ni miʼaawa; lafees ni fayyisa.
| צוף דבש אמרי נעם מתוק לנפש ומרפא לעצם׃ |
25 Karaan qajeelaa namatti fakkaatu tokko jira; dhuma irratti garuu duʼatti nama geessa.
| יש דרך ישר לפני איש ואחריתה דרכי מות׃ |
26 Fedhiin hojjetaan tokko nyaataaf qabu hojiif isa kakaasa; beelaʼuun isaas ittuma cima.
| נפש עמל עמלה לו כי אכף עליו פיהו׃ |
27 Namni faayidaa hin qabne hammina malata; haasaan isaas akkuma ibidda waa gubuu ti.
| איש בליעל כרה רעה ועל שפתיו כאש צרבת׃ |
28 Namni jalʼaan lola kakaasa; hamattuun immoo michoota walitti dhiʼaatan gargar baafti.
| איש תהפכות ישלח מדון ונרגן מפריד אלוף׃ |
29 Namni jeequmsaan deemu ollaa isaa gowwoomsee karaa jalʼaatti isa geessa.
| איש חמס יפתה רעהו והוליכו בדרך לא טוב׃ |
30 Namni ija qisu jalʼina karoorfata; kan hidhii ciniinnatu immoo hammina fida.
| עצה עיניו לחשב תהפכות קרץ שפתיו כלה רעה׃ |
31 Arriin gonfoo ulfinaa ti; innis karaa qajeelaadhaan argama.
| עטרת תפארת שיבה בדרך צדקה תמצא׃ |
32 Goota waraanaa irra nama obsa qabu, nama magaalaa tokko boojiʼee fudhatu irra kan of qabu wayya.
| טוב ארך אפים מגבור ומשל ברוחו מלכד עיר׃ |
33 Ixaan gudeeda irratti buufama; murtoon isaa garuu guutumaan guutuutti Waaqayyo biraa dhufa.
| בחיק יוטל את הגורל ומיהוה כל משפטו׃ |
